Европа
Украина ја обвинува Русија за инвазија, бунтовниците напредуваат
Украинскиот претставник во Организацијата за безбедност и соработка во Европа (ОБСЕ) во четвртокот изјави дека редовните руски единици го заземале градот Бовоазовс во југоисточна Украина на брегот на Азовското Море, што неговиот руски колега одлучно го негира тврдејќи дека ниедна руска единици не ја преминала украинската граница, а проруските бунтовници го продолжија територијалното напредување започнато со контраофанзивата од понеделникот и се закануваат со заземање на градот Мариопул кој е со мнозинско проруско население а од април по судирот со локалните милиции го контролира Националната гарда на Украина.
Украинскиот претставник во ОБСЕ, Игор Прокопчук изјави за медиумите дека е „забележана директна инвазија на руската војска во источните региони на Украина“. Говорејќи на маргините од вонредното заседание на ОБСЕ во Виена, Прокопчук изјави дека „Градот Новоазовск, како и бројни други градови во тој Регион, ги заземаа руските сили“. Додаде дека Украина сегашниот развој на настаните го смета за „акт на агресија“. „Ќе ги употребиме сите средства достапни според меѓународното право, според повелбата на ОН, за да ја одбраниме својата територија“, изјави Прокопчук.
Рускиот претставник во ОБСЕ, Андреј Келин, пак, во текот на заседанието на 57-лената организација за новинарите изјави дела „ниедна руска единици не минала на украинска страна“. Освен малата единица од десет лица која во понеделникот случајни при патролирање заталкала во Украина, „таму нема руски војници“, изјави Келин.
Во четвртокот претседателот на надворешно политичката комисија на Бундестагот Норберт Ретген во Берлин во разговор за Reuters изјави дека Европа мора на ескалацијата на насилствата во Украина да одговори со нови санкции против Русија. Ретген, кој се смета за близок соработника на канцеларката Ангела Меркел изјави дека одлуката за санкциите мора да биде донесена на самитот на ЕУ викендов.
„Мора да се воведат нови санкции како одговор, и за тоа треба да се разговара на самитот и, во идеален случај, треба веднаш да се договорат санкции. Секое колебање (рускиот претседател Владимир) Путин ќе го смета за европска слабост и тоа ќе го охрабри да продолжи. Сега имаме ситуација во која е јасно дека Русија е воено присутна во Украина со тенкови и војници“, рече аза агенцијата Ретген.
НАТО објави во четвртокот дека верува оти најверојатно најмалку илјада руски војници активно дејствуваат на украинска територија. Воен функционер на НАТО, кој ен сакал да биде именуван на брифинг со западните медиуми во командата на Алијансата во Монс во јужна Белгија, рекол дека сепак „руската акција во Украина може да се квалификува како упад а не како инвазија“. “Проценуваме дека повеќе од илјада руски војници во моментов дејствуваат на територијата на Украина. Тие ги поддржуваат сепаратистите и се борат покрај нив“, го цитираат агенциите неименуваниот претставник на НАТО.
Тој им покажал сателитски снимки кои не се објавени засега, датирани од 23-ти август на кои им толкувал на новинарите дека се гледаат руски лансери на проектили разместени на украинска територија.
„Станува збор за софистицирано оружје кое бара добро увежбан екипаж. Потребни се месеци за да се обучат војници. Извонредно малку е веројатно дека тој вид обука ја имаат сепаратистичките сили. Русија се обидува да го спречи поразот на сепаратистите и сака да го задржи тоа подрачје. Неодамнешната ескалација, па дури и директното вклучување на руски единици во Украина е насочено кон тоа“, рекол функционерот на НАТО.
Украинскиот претседател Петро Порошенко кој поради ситуацијата во земјата и „руската инвазија“ го одложи патувањето во Анкара на инаугурацијата на новиот турски претседател Реџеп Тајип Ердоган, изјави дека „ситуацијата на фронтот е тешка, но дека е под контрола“. Најавено е и дека во четвртокот во Њујорк ќе се одржи вонредно заседание на Советот за безбедност посветено на ситуацијата во Украина на барање на Литванија поради „очигледната руска инвазија“.
Американскиот амбасадор во Киев во четвртокот ги повтори обвинувањата на Порошенко, а францускиот претседател Франсоа Оланд смета дека е „недозволиво и неприфатливо присуството на руски војници во Украина“.
Украинскиот Совет за безбедност и одбрана кој попладнето во четвртокот започна вонредна седница, потврди дека Новозаовск и други места во југоисточниот дел на земјата, каде што инаку мнозинство е рускојазичното население, „паднале во рацете на руските војници кои задно со проруските бунтовници покренаа противофанзива“. „Контраофанзивата на руските сили и сепаратистичките единици продолжува на југоистокот“, се вели во соопштението на украинскиот Совет за безбедност.
Русија повторно негира дека нејзини војници се наоѓаат на украинска територија. Руското министерство за одбрана одби за западните агенции да ги коментира вестите за наводни руски тенкови во Новоазовск, оценувајќи ги како невистина. „Руските власти многу пати досега рекоа дека таму нема руски сили. Русија не учествува во тој внатрешен украински судир“, изјавил за Reuters руски дипломат кој барал да остане анонимен.
Како што претходно во четвртокот за руските медиуми изјави челникот на самопрогласената Народна република Донецк, Алесандр Захарченко, етнички Украинец, бунтовничките сили во четвртокот ја воспоставиле контролата во источна Украина покрај Азовското Море и цел им да го заземат пристанишниот град Мариопул. И за Reuters повтори дека во редовите на проруските бутновници во Украина има три илјади руски доброволци со воена обука, но додаде дека меѓу странските доброволци има и Срби, Шпанци, Французи и Турци.
„Денеска стигнавме до Азовското Море, до брегот, а процесот на ослободување на нашата татковина, која привремено ја окупираа украинските власти, ќе продолжи“, изјави самопрогласениот донецки премиер, алудирајќи на „државната организација“ којашто во март ја објавија двата бунтовнички центра Донек и Луганс спојувајќи се во Новорусија историска област прогласена во втората половина на 18-от век, позната и како Донабс.
Захарченко изјави дека новиот фронт кој е отворен кој југот на Украина покрај Азовското Море „економски, воено и политички единствен фронт на кој треба да го ставиме акцентот“. „Заземањето на Мариупол, вториот најголем град во Донецката област, ќе ни овозможи да го зголемиме бројот на свои војници за пет до седум илјади“, вели Ахарченко. Во Мариупол, кој се наоѓа наспроти полуостровот Крим кј во март се присоедини кон Русија, се наоѓа командата на киевските прозападни украински сили кои беа потиснати од пред Донецк.
Захарченко ги демантираше обвинувањата на претседателот Порошенко дека руските единици извршиле инвазија врз Украина, но потврди дека во неговите единици има руски доброволци.
„Имаше и има доброволци од Русија. Тие доаѓаат од секаде, не само од Русија, имаме Срби кои се борат, иамме Французи кои се борат, имаме Турци, има и еден Италијанец кој има дозвола за привремен престој во Украина“, рече водачот на донецките бунтовници.
Претходно за руските телевизии Захарченко потврди дека има и руски војници кои своето отсуство го користат да се борат на страната на своите браќа. „Покрај на се борат и активни руски војници, кои своето отсуство и одмор попрво го минуваат со нас, меѓу браќата кои се борат за слобода, отколку на плажи“, рече Захарченко.
Запрашан дали посакува официјална поддршка од руската држава, Захарченко кој се претставува како електроинженер, вели дека „Од една страна, тоа за нас би ги направило едноставни работите. Војната брзо би завршила. Од друга страна, пак, јасно ми е дека тоа е нереално, дека тоа не е можно“.
„Меѓународната заедница едноставно тоа не би го дозволила (…) Да бидам искрен, ние самите сме способни да ги постигнеме своите стратешки и тактички цели/ Нашата офанзива тоа јасно го покажува“, изјави Захарченко./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Новиот руски министер за одбрана го претстави својот план за војната во Украина
Новиот руски министер за одбрана Андреј Белоусов, економист без воено искуство, денеска изјави дека сака да ги модернизира вооружените сили и да постигне победа во Украина со минимални жртви. „Целта на специјалната воена операција е секако да се постигне победа… и со минимални човечки загуби“, рече тој, но не појасни кое ниво на загуби би било прифатливо.
Русија не го соопштува бројот на загинати и ранети во редовите на својата армија во Украина. Од почетокот на нападот врз таа земја во февруари 2022 година, многу воени експерти проценуваат дека Русија претрпе големи загуби и зборуваат за десетици илјади мртви.
Новиот руски министер, исто така, рече дека сака да ги „оптимизира“ воените трошоци. „Првата (цел) е да се обезбеди интеграција на воената економија во целата економија на земјата. Ова не е лесно и бара оптимизација на расходите, што не значи нивно опаѓање“, рече тој.
Говорејќи пред Горниот дом на парламентот, тој додаде дека неговата втора цел е максимално да ја отвори воената економија за иновации, особено за „дигиталната технологија“. Рускиот претседател Владимир Путин во неделата навечер направи промена во доменот на одбраната, повеќе од две години од почетокот на војната во Украина.
Тој го смени Сергеј Шојгу, кој беше негов лојален министер за одбрана од 2012 година, и го назначи за секретар на Советот за безбедност, тело кое ги собира највисоките руски функционери, но без никакви реални овластувања.
Во исто време, во тоа министерство започна чистка поради обвинувањата за корупција, со апсење на заменик-министер во април и апсење на генералот Јуриј Кузњецов, службеник за човечки ресурси, објавено денеска.
Назначувањето на Белоусов дојде во време кога воената индустрија е двигател на целата руска индустрија. Покрај тоа, Кремљ во вторникот објави дека поранешниот секретар на рускиот Совет за безбедност и поранешен шеф на ФСБ, Николај Патрушев, е назначен за советник на Владимир Путин и ќе биде задолжен за бродоградба.
Портпаролот на Кремљ, Дмитриј Песков, не ги објасни причините за трансферот на Патрушев, само рече дека неговото „огромно искуство“ ќе игра голема улога кога се занимава со бродоградилиштето. Што се однесува до Шојгу, тој рече дека разговорот за „деградација не е соодветен“ бидејќи генералниот секретар на Советот за безбедност е во „директен контакт со шефот на државата и има голема одговорност“.
Европа
(Видео) Русија ја пушти во употреба интерконтиненталната ракета Булава
Русија ја пушти во употреба интерконтиненталната балистичка ракета Булава, која се лансира од подморница, објавија државните медиуми, што е нов елемент во модернизацијата на нејзиниот нуклеарен арсенал.
Новинската агенција Тасс го цитираше главниот дизајнер на Булава, Јуриј Соломонов, кој рече дека одлуката е објавена со декрет од 7 мај, истиот ден кога претседателот Владимир Путин го започна новиот шестгодишен мандат во Кремљ.
Путин уште од почетокот на војната во Украина го предупредува Западот дека директната интервенција на силите на НАТО може да предизвика нуклеарен конфликт. Во март тој рече дека не верува оти Вашингтон „брза“ кон тоа, но нагласи и дека руските нуклеарни сили се технички подготвени.
Во ноември, Министерството за одбрана соопшти дека една од подморниците успешно ја тестирала Булава, пукајќи ја од подводна позиција во Белото Море и погодувајќи ја целта илјадници километри оддалечена на полуостровот Камчатка на исток.
Тасс соопшти дека руската Северна и Пацифичка флота сега вклучуваат седум подморници Бореј, од кои секоја има по 16 ракети Булава. Соломонов е главен конструктор на Московскиот институт за топлинско инженерство, а ги развил и руските интерконтинентални балистички ракети Топол-М и Јарс.
Според Вашингтонскиот центар за стратешки и меѓународни студии, Булава има досег од 8.300 километри.
Европа
(Видео) Три украински хеликоптери слетале во близина на фронтот, ги забележал дрон, за кратко време биле уништени
Украински воени хеликоптери по втор пат за два месеци слетале во близина на линијата на фронтот во источна Украина за да се снабдат со гориво и муниција, а од воздух биле забележани од руски дрон, пишува Форбс. Неколку моменти подоцна, руската артилерија со долг дострел – веројатно балистичка ракета Искандер – разнесе три хеликоптери во близина на Павлохрад, 112 километри западно од контактната линија околу населбата Бердичи.
Оваа загуба е катастрофална за малите воздухопловни сили на украинската армија, но и уште еден знак дека Украинците сè уште не можат лесно да одржат соодветна воздушна одбрана по целата линија на фронтот, која е подолга од 960 километри.
Yes, it happened again, this time worse if you want to say so.
Russian Forces hit and destroyed 2x Ukrainian Mi-24 Attack Helicopters standing at a Resupply and Refuel Point in an Open Field(along with a MI-8 in the back, unlikely it was affected) using a D-30SM UMPB bomb (IMO) pic.twitter.com/Do1o8kZTXw
— WarVehicleTracker (@WarVehicle) May 11, 2024
Два нападни хеликоптери Мил Ми-24 и еден Мил Ми-17 беа во мисија во саботата и слетаа на таканаречената „точка за оружје и полнење гориво“, односно ФАРП.
ФАРП е поле во близина на фронтот каде што хеликоптерите можат безбедно да слетаат за да можат помошните трупи брзо да надополнат гориво и муниција. Идејата е екипажот на хеликоптер многу брзо да подигне сè што им треба – идеално за само неколку минути – и повторно да полета пред непријателот да ја таргетира локацијата.
Украинците ги извршуваат овие операции секој ден, бидејќи нивните хеликоптери летаат ниско на мисиите долж линијата на фронтот, пренесувајќи опрема и ранети војници и гаѓајќи ракети без насоки кон руските сили.