Регион
Повеќе од 3.500 деца на Планица ќе ги бодрат најдобрите светски ски-скокачи
Во четвртокот во Планица пристигнаа најдобрите ски-скокачи на светот, да ги одмерат своите квалитети и да се обидат да се квалификуваат во финалето на светското првенство за скијачки скокови. За нив, од подножјето на скокалницата, која што се наоѓа на ридот „Браќа Горишек“, ќе навиваат повеќе од 3.500 деца, родители и наставници. Ова е 37-ма година по ред кога најголемата осигурителна компанија во Словенија и регионот им овозможува на младите генерации да уживаат во еден од најголемите спортски настани во Словенија.
Долината под Понца е традиционалнофинале на натпреварувачката сезона во скијачките скокови, со индивидуални настапи во петок и недела и тимско натпреварување во сабота. Веќе половина век скоковите на Планица ги поддржува Заваровалница Триглав, којашто и оваа година е Златен спонзор на Планица 2017. Повеќе од 30 години, четврток е денот кога се одвиваат квалификациите, наменети за децата од цела Словенија. Оваа година таму веќе пристигна 37-мата Триглав генерација.
На годинашните квалификации, најголемата словенечка осигурителна компанија донесе повеќе од 3.500 деца од основните училишта,згрижени деца, нивните учители, негуватели и родители, какои 12 големи семејства. Од 1981 година до денес на Планица присуствувале повеќе од 90.000 деца со придружби. “Спортскиот празник на Планица, тешко можеме да го замислиме без Заваровалница Триглав. На овој значаен национален настан сме посветени од далечната 1969 година и на симболичен начин настанот ја отсликува поврзаноста на нашата осигурителна компанија со осигурениците. Со речиси 70 автобуси, коишто ги доведоа младите навивачи на овој легендарен настан, повторно ја докажуваме нашата одговорност кон средината, во којашто делуваме – овозможуваме следење во живо на спортскиот спектакл за деца од различни социјални средини, им овозможуваме незаборавно доживување во природата и дружење со врсници. На тој начин ги инспирираме и за спорт и за здрав начин на живот“, изјави Тадеј Чароли, член на управата на Заваровалница Триглав.
Минатогодишниот победник на светското првенство Петер Превц, кој заедно со браќата Цене и Домен се спонзорирани од Заваровалница Триглав, истакна дека огромната скокалница, словенечките навивачи и скоковите во домашна атмосфера во долината под Понца даваат посебен печат.„Чувството е посебно кога под себе слушаш жагор од домашни навивачи и пред нив слетуваш. Најемоционален ден е четврток, кога Заваровалница Триглав на Планица носи голем број деца. Уживаш кога ќе видиш толку многу возбудени лица и радост при следењето на скоковите. Многумина од нив, на друг начин, не би можеле да ја видат Планиц“, рече Превц.
Покрај скокачите, на денот на квалификациите за забава на децата се погрижи и омилениот музичар Златко. За здрава атмосфера, во текот на сите четири дена од финалното светскопрвенство на скијачки скокови се грижи институтот Се ќе биде во ред на Заваровалница Триглав, којшто со акцијата 40 дена без алкохол и Валом 202 веќе втора година по ред ги повикува посетителите кон умерено пиење, односно одрекување од алкохол и овозможува доброволно користење на алкотестови.
Сите гледачи – учесници на Планица и пред сѐ оние, кои настанот ќе го следат пред малите екрани – годинава можат да ги доживеат скоковите и на малку поинаков начин, благодарение на мобилна апликација Triglav Rekord./крај/мф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Додик не го признава геноцидот во Сребреница: „Ќе однесеме цвеќе, ако не навредува никого“
Во четвртокот, лидерот на Србија во Босна и Херцеговина, Милорад Додик, изрази подготвеност да го посети Меморијалниот центар Поточари во Сребреница и да положи цвеќе на заедничкиот споменик подигнат во спомен на масакрот на Бошњаците за време на војната, но тој повторно негираше дека таму имало геноцид.
Во интервју за новинската агенција на Република Српска, претседателот Додик најави дека владата и целото раководство на овој ентитет ќе заседаваат во Сребреница на 2 мај 2024 година, кога ќе се одржи дискусија пред Обединетите нации и се очекува гласање за Резолуција за осуда на геноцидот во тој град во летото 1995 година.
Резолуцијата е поддржана од дваесет земји, меѓу кои САД, Обединетото Кралство и Германија и се очекува нејзино усвојување. Целта е да се интернационализираат страдањата на Бошњаците во Сребреница.
Водечките српски претставници од Белград и Бања Лука, претседателите Александар Вучиќ и Милорад Додик, тврдат дека ова е обид да се префрли вината на српскиот народ.
„Република Српска нема да ја прифати резолуцијата за Сребреница за која ќе се одлучува во Генералното собрание на ОН бидејќи се што е напишано во неа е лага. Босна и Херцеговина не може да живее врз основа на тоа дека едната нација во неа е оквалификувана како геноцидна“, рече Додик.
Сепак, тој изрази подготвеност да им оддаде почит на жртвите од масакрот во Сребреница.
„Ако ни се укаже можност, на 2 мај ќе однесеме венци во Поточари, ако тоа не навреди никого. Не се плашам дека би можел да завршам како Вучиќ, кој дојде да им оддаде почит на жртвите, изрази сочувство, а доби камен во главата и никој не одговараше за тоа“, истакна Додик.
Тој смета дека Резолуцијата за Сребреница сепак нема да го добие потребното мнозинство на седницата на Генералното собрание на ОН.
Регион
Двајцата осомничени за убиството на малата Данка испратени во Специјалната затворска болница
Двајцата осомничени Срѓан Јанковиќ и Дејан Драгијевиќ денеска се испратени во Специјалната затворска болница во Белград на психијатриско вештачење, пишува „Телеграф“.
Во написот медиумот пишува дека осомничениот Дејан Драгијевиќ (50) деталите за убиството на детето ги изнесе во Вишото јавно обвинителство во Заечар. Сепак, тој не сакаше да открие каде го оставил телото на Данка.
Срѓан Јанковиќ (50) не зборувал за делото.
Во Вишото јавно обвинителство во Заечар биле сослушани и родителите на Данка, Ивана и Милош, кои, како што се наведува, опишале како течел денот кога исчезнала ќерка им.
Додека давале исказ, во иста просторија седеле и осомничените за убиството на детето.
Пред рочиштето исказ за „Телеграф“ дал таткото на убиената Данка.
„Смртната казна не им е доволна, треба да бидат во затвор до крајот на животот. Тоа се чудовишта, она што постојано го доживуваме не се опишува. Тоа може да го разбере само родител. Неколкупати ни дојде полиција, ѝ зедоа разни работи на Данка, ништо не знаеме, ниту за крвта на патот ниту во автомоблилот, ништо. Не ни е јасно зошто не се јавиле во итната помош, зошто не помогнале, но го направиле ова што го направиле. Тоа што јас и Ивана постојано страдаме е страшно, разни луѓе ни се јавуваат, нѐ навредуваат, ни ја префрлаат вината. Морав да побарам да го сменам бројот, не можеме повеќе. Кога сѐ ќе заврши, ќе кажеме сѐ“, рече тој.
Регион
Воз налета на пешак: трагедија кај Стара Пазова
Вечерва околу 19:15 часот брз воз налетал на пешак на брзата пруга Нови Сад-Белград.
Несреќата се случила меѓу станиците Инѓија и Стара Пазова.
Засега не се знае точно како дошло до несреќата, а полицијата врши увид на лице место.
Информирани се сите надлежни служби, пишуваат српските медиуми.