Регион
Бугарија распоредува војска на границата со Турција
Бугарија во четвртокот почна да распоредува војска на границата со Турција, поради „сложената состојба“ и приливот на мигранти, соопштија од бугарското министерство за внатрешни работи.
Бугарија во четвртокот почна да распоредува војска на границата со Турција, поради „сложената состојба“ и приливот на мигранти, соопштија од бугарското министерство за внатрешни работи.
Распоредувањето на војската, односно околу илјада војници, се одвивало „чекор по чекор“, долж целата границата со Турција, пренесува Reuters.
„Во последните неколку дена дојде до промена на состојбата и тешко е да се предвиди од каде ќе дојде бранот на бегалци, поради тоа сме подготвени“, изјави бугарскиот министер за одбрана Николај Ненчев за бугарските медиуми.
Во четвртокот утрината на границата биле пратени 50 бугарски војници, а уште 160 би можеле да бидат распоредени до крајот на денот, додал Ненчев.
Бугарската министерка за внатрешни работи, пак, Румјана Бачварова, потврдила дека оваа практика ќе продолжи. Граничната полиција од почетокот на годината забележала околу 7.400 мигранти, главно од Турција, а уште илјадници се обидуваат да поминат низ земјата илегално.
Бугарија презема дополнителни мерки на заштита на границата, по информациите дека стотици, најмногу сириски мигранти, ноќта ја поминале на отворено во близина на границата меѓу Турција и Грција, која е доста блиску бугарско-турската граница. Границата меѓу Бугарија и Турција е долга 259 километри, а 30 километри од неа се заштитени со бодликава жица и оваа ограда ќе продолжи и натаму да се гради.
Последните неколку дена околу илјада бегалци пристигнале во околината на Едрине, на северзападот на Турција, близу границата со Грција и Бугарија, а преку Грција, Македонија и Србија тие настојуваат да го продолжат патот кон западна Европа.
Во последните 24 часа околу 600 бегалци се обиделе да влезат од Турција во Бугарија, но се откажале од тоа кога увиделе дека границата е добро чувана, изјавил главниот секретар на бугарското министерство за внатрешни работи, Георги Костов./крај/мф/бс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Додик не го признава геноцидот во Сребреница: „Ќе однесеме цвеќе, ако не навредува никого“
Во четвртокот, лидерот на Србија во Босна и Херцеговина, Милорад Додик, изрази подготвеност да го посети Меморијалниот центар Поточари во Сребреница и да положи цвеќе на заедничкиот споменик подигнат во спомен на масакрот на Бошњаците за време на војната, но тој повторно негираше дека таму имало геноцид.
Во интервју за новинската агенција на Република Српска, претседателот Додик најави дека владата и целото раководство на овој ентитет ќе заседаваат во Сребреница на 2 мај 2024 година, кога ќе се одржи дискусија пред Обединетите нации и се очекува гласање за Резолуција за осуда на геноцидот во тој град во летото 1995 година.
Резолуцијата е поддржана од дваесет земји, меѓу кои САД, Обединетото Кралство и Германија и се очекува нејзино усвојување. Целта е да се интернационализираат страдањата на Бошњаците во Сребреница.
Водечките српски претставници од Белград и Бања Лука, претседателите Александар Вучиќ и Милорад Додик, тврдат дека ова е обид да се префрли вината на српскиот народ.
„Република Српска нема да ја прифати резолуцијата за Сребреница за која ќе се одлучува во Генералното собрание на ОН бидејќи се што е напишано во неа е лага. Босна и Херцеговина не може да живее врз основа на тоа дека едната нација во неа е оквалификувана како геноцидна“, рече Додик.
Сепак, тој изрази подготвеност да им оддаде почит на жртвите од масакрот во Сребреница.
„Ако ни се укаже можност, на 2 мај ќе однесеме венци во Поточари, ако тоа не навреди никого. Не се плашам дека би можел да завршам како Вучиќ, кој дојде да им оддаде почит на жртвите, изрази сочувство, а доби камен во главата и никој не одговараше за тоа“, истакна Додик.
Тој смета дека Резолуцијата за Сребреница сепак нема да го добие потребното мнозинство на седницата на Генералното собрание на ОН.
Регион
Двајцата осомничени за убиството на малата Данка испратени во Специјалната затворска болница
Двајцата осомничени Срѓан Јанковиќ и Дејан Драгијевиќ денеска се испратени во Специјалната затворска болница во Белград на психијатриско вештачење, пишува „Телеграф“.
Во написот медиумот пишува дека осомничениот Дејан Драгијевиќ (50) деталите за убиството на детето ги изнесе во Вишото јавно обвинителство во Заечар. Сепак, тој не сакаше да открие каде го оставил телото на Данка.
Срѓан Јанковиќ (50) не зборувал за делото.
Во Вишото јавно обвинителство во Заечар биле сослушани и родителите на Данка, Ивана и Милош, кои, како што се наведува, опишале како течел денот кога исчезнала ќерка им.
Додека давале исказ, во иста просторија седеле и осомничените за убиството на детето.
Пред рочиштето исказ за „Телеграф“ дал таткото на убиената Данка.
„Смртната казна не им е доволна, треба да бидат во затвор до крајот на животот. Тоа се чудовишта, она што постојано го доживуваме не се опишува. Тоа може да го разбере само родител. Неколкупати ни дојде полиција, ѝ зедоа разни работи на Данка, ништо не знаеме, ниту за крвта на патот ниту во автомоблилот, ништо. Не ни е јасно зошто не се јавиле во итната помош, зошто не помогнале, но го направиле ова што го направиле. Тоа што јас и Ивана постојано страдаме е страшно, разни луѓе ни се јавуваат, нѐ навредуваат, ни ја префрлаат вината. Морав да побарам да го сменам бројот, не можеме повеќе. Кога сѐ ќе заврши, ќе кажеме сѐ“, рече тој.
Регион
Воз налета на пешак: трагедија кај Стара Пазова
Вечерва околу 19:15 часот брз воз налетал на пешак на брзата пруга Нови Сад-Белград.
Несреќата се случила меѓу станиците Инѓија и Стара Пазова.
Засега не се знае точно како дошло до несреќата, а полицијата врши увид на лице место.
Информирани се сите надлежни служби, пишуваат српските медиуми.