Регион
Путин му посака на Ердоган брзо враќање на редот и стабилноста на Турција, веќе 6.000 уапсени по неуспешниот пуч
Рускиот претседател Владимир Путин во телефонски разговор со турскиот колега по должност Реџеп Тајип Ердоган му изразил сочувство во врска со жртвите во неуспешниот обид за воен преврат од ноќта кон саботата и му посакал скоро враќање на редот и стабилноста на Турција ,соопшти Кремљ во неделата кога турскиот министер за правосудство Бекир Боздаг објави дека во врска со пропаднатиот пуч се уапсени околу шест илјади лица, а агенциите јавуваат дека меѓу нив е и командантот на воздухопловната база Инџирлик.
Рускиот претседател Владимир Путин во телефонски разговор со турскиот колега по должност Реџеп Тајип Ердоган му изразил сочувство во врска со жртвите во неуспешниот обид за воен преврат од ноќта кон саботата и му посакал скоро враќање на редот и стабилноста на Турција ,соопшти Кремљ во неделата кога турскиот министер за правосудство Бекир Боздаг објави дека во врска со пропаднатиот пуч се уапсени околу шест илјади лица, а агенциите јавуваат дека меѓу нив е и командантот на воздухопловната база Инџирлик.
Телефонскиот разговор меѓу Путин и Ердоган се одржал во саботата, на иницијатива на Москва. Во него рускиот претседател истакнал дека „принципиелниот став на Русија е во сметањето за неприфатлив во држава преземањето противуставни и насилни дејствија“.
Путин, исто така, изразил надеж дека Турција ќе може да им ја гарантира сигурноста на руските туристи, кои започнаа во значителна бројка да се враќаат во оваа за нив посакувана туристичка дестинација, по заладувањето на односите меѓу Москва и Анкара по турското соборување на руски бомбардер ланскиот ноември над сириската граница. Ердоган од своја страна дал уверувања дека Турција ги презема сите неопходни мерки, се вели во соопштението на Кремљ, пренесува агенцијата РИА.
Путин и Ердоган, исто така, потврдиле дека ќе ја одржат средбата којашто ја договорија во нивниот претходен телефонски разговор, по затоплување на односите меѓу двете земји откако минатиот месец турскиот претседател во честитка по повод рускиот национален празник се извини за соборувањето на рускиот бомбардер.
Министерот за правосудство Неки Боздаг, пренесува агенцијата Anadolu, не сакал да дава детали и поединости за уапсените пучисти и лица осомничени дека го помагале обидот за државен удар во кој загинаа вкупно 2655 луѓе а околу 1.400 беа ранети.
„Во тек е натамошно чистење, и во крајна линија ќе има повеќе од шест илјади уапсени“, рекол Боздаг додавајќи дека против некои лица веќе се покренати судски процеси.
Досегашните апсења се насочени кон припадниците на вооружените сили и судии за поддршка на обидот да се изведе воен удар.
Висок турски функционер за Reuters рекол дека владата повторно воспоставила контрола ширум Турција, но дека некои важни припадници на командниот кадар на војската сé уште не се уапсени.
Телевизијата Sky News Arabia и агенцијата Reuters известија дека командантот на воздухопловната база Инџирлик, на југот од Турција, Бекир Ерџан Ван бил уапсен заедно со уште десет високи офицери во јужната област Адана. Тие се уапсени, според извештајот, во врска со неуспешниот пуч.
Претходно турските власти целосно го блокираа пристапот до базата и го прекинаа снабдувањето со електрична енергија на Инџирлик. Потоа протекоа информации дека таму се одвиваат апсења.
Во оваа база, во којашто се распоредени воздушните сили на земјите од НАТО и на оние кои учествуваат во меѓународната коалиција предводена од САД против џихадистичката група Исламска држава во Сирија и Ирак, веднаш по објавата дека во тек е државен воен преврат во петокот ноќта беа запрени сите операции, како што беше објаснето, поради безбедносни причини. /крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Кси слета во Србија: Претседателот на Кина пречекан од Вучиќ и државниот врв
Заедно со претседателот на Србија Александар Вучиќ и првата дама, кинескиот претседател Кси Џинпинг беше пречекан на црвениот тепих од српската делегација составена од премиерот Милош Вучевиќ, претседателката на Собранието Ана Брнабиќ, министерот за надворешни работи Марко Ѓуриќ, српската амбасадорка во Кина Маја Стефановиќ и кинескиот амбасадор во Белград Ли Минг со сопругата.
Свечениот пречек на кинеската делегација која брои 400 лица е закажан за в среда пред палатата „Србија“.
Домаќин на претседателот Кси Џинпинг ќе биде српскиот претседател Александар Вучиќ, а двајцата лидери ќе разговараат за широк спектар на теми – од политички, економски и технолошки до соработка во областа на културата.
За време на дводневната посета на Кси Џинпинг на Србија, планирано е да се потпишат над 30 договори.
Беше организиран и свечен ручек на кој кинескиот претседател ќе има можност да дегустира српски јадења и вина, а ќе има и музичка програма на српски и кинески јазик, која ќе заврши со песната „Ова е Србија“.
Поради доаѓањето на кинескиот претседател преземени се големи безбедносни мерки, па неговата делегација ќе ја обезбедуваат 3.400 полицајци.
Регион
Руски хакери ги нападнаа веб-страниците на косовските институции
Руски хакери ги нападнаа веб-страниците на косовските институции, изјави министерот за одбрана Ејуп Македончи.
„Група руски хакери извршија сајбер-напад на Косово како одмазда за мојата изјава за поддршка на Украина“, изјави Македончи.
Во текстот на руските хакери се споменува говорот на тој косовски министер кој, според нив, рекол дека „Косово е подготвено да и понуди воена помош на Украина“.
„Косово е подготвено да ги здружи колективните напори за поддршка на одбраната на Украина. Треба повеќе да размислат за ова“ – напишаа хакерите на руски, спомнувајќи го министерот Македончи.
Министерката за надворешни работи и дијаспора Доника Гервала објави дека „Русија врши хибриден напад на Косово“.
Гервала на мрежата „Х“ изјави дека „рускиот хибриден напад на Косово“ доаѓа по најавата за поддршка на Косово за Украина со воена опрема.
Регион
Александар Вулин: Пријателството меѓу Србија и Кина е челик затоа што го ковавме во оган
Вицепремиерот на Србија, Александар Вулин, на промоцијата на културната размена меѓу Кина и Србија на тема „Што ги делат планините и реките, пријателството обединува“, изјави дека пријателството меѓу двете земји е челик бидејќи е ковано во оган и дека Србија и Кина се разделени за многу работи, но најважното ги обединува, а тоа е одлуката на две држави да бидат слободни.
„Пријателството на нашите лидери, претседателот Вучиќ и претседателот Си Џинпинг, не обврзува да сториме сè, исто како нив, за нашите народи да бидат поблиски отколку што нè прави блиски географијата или историјата. Србите и Кинезите ги дели сè, ние сме различни во сè, но нас нè обединува она најважното – нашата одлука да бидеме слободни, нашата посветеност на најважната карактеристика на народите и луѓето – слободата“, рече Вулин на настан организиран од China Media Group.