Регион
Словенија поради Грција може да остане без речиси две млрд евра
Реакциите во Словенија на одлуката на владата на Грција да распише референдум за прифаќање или отфрлање на предлозите од доверителите, што може да доведе до банкрот на земјата и нејзино излегување од еврозоната, се многу негативни бидејќи Љубљана би можела да остане бед повеќе од 1,8 милијарди евра.
Словенија на Грција преку двата механизми за стабилизација на еврото досега и позајмила 263,69 милиони евра и издала уште 1,55 милијарди евра во гаранции. Тоа претставува четвртина од словенечките годишни буџетски приходи, а Грција вратила досега само 17,6 милиони евра по камати.
„Како што стојат нештата, најверојатно ќе мораме да заборавиме на нашите пари коишто ѝ ги дадовме на Грција“, изјави во неделата словенечкиот министер за надворешни работи, Карл Ерјавец. „Грција е пред политичка криза којашто ќе доведе до предвремени избори, а можеби дури и излегување на земјата од еврозоната“, додаде Ерјавец за кого грчкиот премиер Алексис Ципрас самиот ја довел земјата во безнадежна ситуација и дека за референдумот се одлучил бидејќи не може да ги исполни нереалните предизборните ветувања.
Малку поблаг кон владата на Ципрас е претседателот на словенечките Социјални демократи, Дејан Жидан, кој е министер за земјоделие во владата на премиерот Миро Церар. Според него, причините за крахот на преговорите со Грција треба да се бараат не само во нереалните ветувања на Ципрас, туку и во однос на челниците на ЕУ кои не знаеле да ги побараат решенијата кои би биле кредибилни но и социјално одржливи, како и во „покровителскиот“ однос кон Грција кој понекогаш се покажувал во преговорите.
„Во Грција не станува збор само за финансиска, туку и за економска, социјална и политичка криза, вели Жидан, предупредувајчи на чувствителната геополитичка позиција на Грција поради напливот од бегалци поради војните во Ирак и во Сирија.
Според него, референдумот е легитимно право на Грците, а решението на кризата треба да с најде со компромис кој не би го казнувал само грчкиот народ поради грешките на неговите влади.
Словенечкиот премиер Миро Церар претходно во саботата го коментираше неуспешниот крај на преговорите со грчката влада, велејќи дека распишувањето на референдумот е многу некоректен потег на владата на Ципрас, а можеби и обид за уцена на којашто би требало да реагира ЕУ.
Претседателот Борут Пахор изјави дека станува збор за сериозна ситуација, но дека можеби би можело да се најде формула за да се одложи решението и да се побара компромис во рок од три месеца./крај/мф/сн
Извор: STA
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Земјотрес со јачина од 4,7 степени во Хрватска, почувствуван и во БиХ
Земјотрес со јачина од 4,7 степени според Рихтеровата скала утрово во 05:38 часот е регистриран во Хрватска, објави Европскиот медитерански сеизмолошки центар (ЕМСЦ).
Според информациите од Европскиот медитерански сеизмолошки центар, земјотресот бил на 92 километри јужно од главниот град Загреб и на 14 километри од границата со Босна и Херцеговина, кај Тржачка Раштела.
Земјотресот бил на длабочина од 10 километри.
Земјотресот најмногу бил почувствуван во централна Хрватска и во дел од Босна и Херцеговина со интензитет од V-VI степени според Европската макросеизмичка скала.
Засега нема извештаи за повредени лица или за предизвикана материјална штета.
Регион
На таткото на момчето убиец од Србија му е продолжен притворот за уште 60 дена, има сомнение дека може да го повтори делото
Вишиот суд во Белград му го продолжи притворот за уште 60 дена на Владимир Кечмановиќ, таткото на момчето кое на 3 мај уби девет негови врсници и чувар во ОУ „Владислав Рибникар“.
На Владимир Кецмановиќ му е продолжен притворот поради сомнение дека доколку биде пуштен на слобода за краток временски период ќе го повтори кривичното дело, како и поради тоа што постои основано сомнение дека сторил кривично дело за кое е пропишана затворска казна над десет години, а начинот на извршување и сериозноста на последиците од кривичното дело доведоа до вознемиреност кај јавноста што може да го загрози непреченото и правично водење на кривичната постапка, соопштија од тој суд.
Во обвинението за тешко кривично дело против општата безбедност се товари Владимир К., а за сторено кривично дело недозволено изработување, држење, носење и тргување со оружје и распрскувачки материи, мајката на момчето Миљана К.
Регион
„Мислев дека регалот ќе падне врз мене“ – жена од Србија сведочи за силниот земјотрес
Земјотресот беше многу силен. Кратко, но силно, вели вознемирената Мила Петровиќ од Кладово – место кое утрово го погоди силен земјотрес.
Како што опишува преплашената жена, земјотресот ја исплашил и неа, но и останатите жители на Кладово.
„Мислев дека регалот ќе падне врз мене. Немаше време за бегство никаде. Сè се тресеше многу. За среќа, тоа беше кратко. Кога се смири, сите излегоа на улица“, раскажува таа за Телеграф.рс.
Земјотресот бил со јачина од 4,3 степени според Рихтеровата скала, на длабочина од 11 километри.
Колку бил силен, сведочи и фактот што бил почувствуван во Заечар, Неготин, Доњи Милановац, Бор и други градови на истокот на Србија, а некои граѓани го почувствувале и во Ниш.
„Почувствував земјотрес, се тресеше мебелот во куќата“, „Бев во кревет кога почна тресењето“, напишаа граѓаните.