Регион
Вучиќ: Србија на провокациите на Рама реагираше одмерено, но гордо
Српскиот премиер Александар Вучиќ во вторникот изјави дека Србија во разговорите со албанскиот премиер Еди Рама покажала вистинско гостопримство и дека на однапред подготвеното сценарио од албанска страна, изреагирала воздржано, гордо и примерно.
Вучиќ истакна дека политиката на српската влада е да разговара и да решава проблеми, а ова претставува и политика на иднината, пренесува Танјуг. Вучиќ ги отфрлил критиките дела требало поинаку да реагира на провокациите на Рама.
„Доколку некој мисли дека сериозна политика би била да го удрам Рама, сметам дека тоа не е сериозна политика, а тие кои ми држат такви предавања дека требало да направам нешто такво и кои велат дека би го направиле тоа, се помали од зрно афион“, рекол Вучиќ.
Вучиќ потсетил дека Рама ќе го посети Белград и во декември на кинеско-регионалниот самит и дека и тогаш некој треба да му каже „добар ден“ и да го пречека, нагласувајќи дека политиката на српската влада е одговорна, сериозна и политика на разговор.
Говорејќи за посетата на Рама на Прешево, Вучиќ рекол дека сето она што се случило во понеделникот и што евентуално ќе се случи во вторник, најмалку говори за Србија.
„Тоа ќе говори многу за нив, можеби и за некој друг, но за нас никој не може да изговори лош, тежок или непријатен збор“, смета српскиот премиер.
Тој истакнал дека му е познат ставот на Рама дека Косово е независно, но дека тоа не било тема на разговорите меѓу двете страни, и дека доколку некој треба да ја започне таа тема, тогаш тоа требало да го направат домаќините.
„Албанија нема никаква врска со Косово или, пак, уште еднаш сакаа да ни покажат дека приказните за Голема Албанија не се само наш комшмар, туку и нечии сништа, а сигурен сум дека тоа е само пуст сон“, изјавил Вучиќ, додавајќи дека Рама ниту во понеделникот немал одговор за тоа каква врска има Албанија со Косово./крај/мф/бс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Земјотрес во Србија
Земјотрес со јачина од 2,7 степени според Рихтеровата скала го погоди Чачак.
Според ЕМСЦ, епицентарот бил два километри северно од Чачак и 47 километри западно-северозападно од Крагуевац.
Земјотресот се случил на длабочина од осум километри.
Регион
Во Црна Гора 79 отсто од граѓаните се за влез во ЕУ: осум отсто повеќе од 2022 година
Доколку денеска би се одржал референдум за влез на Црна Гора во Европската Унија, за влез би гласале 79 отсто од граѓаните, што е осум отсто повеќе од 2022 година, покажува истражувањето спроведено од 2 февруари до 4 март годинава за потребите на Центарот за истражување на Меѓународниот републикански институт, објави РТЦГ.
Осум проценти би биле против влез, што е за три помалку од две години порано. На референдум не би излегле 10 отсто од испитаниците, два помалку од 2022. Три отсто од нив немале одговор.
На прашањето дали ЕУ е сериозна да им понуди членство на земјите од Западен Балкан, позитивно размислуваат 59 отсто од испитаниците, додека 28 отсто сметаат дека Брисел не е сериозен во таа намера. 13 отсто од нив немале одговор.
На прашањето каков треба да биде надворешнополитичкиот курс на земјата, 36 отсто од испитаниците одговориле дека тој треба да биде проевропски и прозападен. Од друга страна, само три проценти би сакале курсот на Црна Гора да биде проруски. 22 отсто од нив одговориле дека подеднакво треба да се свртат кон Запад и кон Русија. 17 отсто од нив би сакале курсот на Црна Гора да биде проруски, но и да ги одржува односите со ЕУ и Западот. Осум отсто од нив немале одговор.
На прашањето која земја ја сметате за најважен сојузник за вашата земја, 32 отсто од испитаниците сметаат дека тоа е Србија, а 20 отсто се изјасниле за САД. Девет отсто се определиле за Русија, шест за Турција и три за Кина. Седум отсто од нив немале одговор.
На прашањето која земја ја сметате за закана, 19 отсто од испитаниците ги навеле САД, додека 17 отсто мислеле на Русија. Србија ја споменале 10 отсто од испитаниците, Албанија осум, а Косово седум. 11 отсто од нив немале одговор.
Регион
Се вештачат трагите од предметите пронајдени во автомобилот во кој била убиена малата Данка
Телото на малото девојче Данка Илиќ (2), кое на 26 март годинава беше брутално убиено во Бањско Поле, сè уште не е пронајдено.
Осомничениот Дејан Драгијевиќ (50) во Вишото јавно обвинителство во Заечар ги изнесе деталите за убиството на детето. Сепак, тој не сакаше да открие каде го фрлил телото на Данка.
Срѓан Јанковиќ (50) не сакал да зборува за делото, а вчера побарал да му дозволат адвокат по службена должност. Во притвор е и таткото на Дејан Драгијевиќ, кој исто така се бранеше со молчење на обвинувањата дека му помогнал на синот да се ослободи од телото.
Понатамошни чекори во истрагата за „Телеграф.рс“ најавија од Вишото јавно обвинителство во Заечар.
„Вишото јавно обвинителство во Заечар издаде наредба вештаци да ги прегледаат трагите пронајдени во автомобилот на Јавното претпријатие за комунални дејности ‘Водовод’ од Бор“.
Сослушувањата на сведоците се во тек.
Вчера, во Вишото јавно обвинителство во Заечар дадоа исказ Ивана и Милош Илиќ, родителите на убиената Данка.