Европа
Украинскиот парламент го изгласа Јаценјук за премиер
Украинската Врховна Рада (парламентот) на својата прва седница во новиот состав во четвртокот го избра за премиер Арсениј Јаценјук, фактички по вторпат откако прозападните сили по безредијата од почетокот на годинава во Киев ја преземаа власта во парламентот.
Претходно во четвртокот украинскиот парламент во кој првпат во историјата преовладуваат прозападните и националистички сили, откако црноморскиот полуостров Крим на кој доминира руското население се присоедини на Русија, а во источните доминантно рускојазични региони во Донецк и Луганск самопрогласија ткн народни републики, започна со работата во новиот состав соочен со вооружениот конфликт и со длабоката економска криза во која земјата е на работ на банкрот.
Пратениците избрани на предвремените парламентарни избори на 26-ти октомври, откако во март годинава го соборија прорускиот претседател Виктор Јанукович, ја отпеаја украинската национална химна следени од хор на фолклорно друштво.
Потоа одржаа минута молчење во чест на стотината убиени во протестите од февруари на Плоштадот на независност во (Мајдан), меѓу кои имаше и неколку десетици полицајци, кој стана симбол на прозападното движење, како и во чест на украинските војници загинати во судирите во истокот на земјата каде рускојазичното население се побуни откако новите прозападни власти во Киев кои во март не дојдоа на власт преку избори ги заменија административно локалните гувернери а на рускиот јазик му го поништија статусот на службен, што предизвика бунт на руското и рускојазичното население.
Отворањето на седницата на новиот состав на парламентот му беше доверено на вршителот на должноста претседател Олександр Турчинов. Потоа пратениците заедно ја читаа свечената обврска од големиот екран во салата.
Вo парламентот на Украина се партијата на досегашниот премиер Арсениј Јаценјук, Народен фронт, блокот што го поддржува претседателот на државата Петро Порошенко, движењето Самопомош, Опозицискиот блок – на проруските сили, Радикалната партија на Олег Лјашко и партијата Баткивштина (Татковина) на поранешната премиерка Јулија Тимошенко, која пролетва ја напушти нејзиниот поранешен сојузник Јаценјук.
Пратениците во четвртокот со 341 глас „за“ и 2 „против“ од вкупно 418 пратеници на инаугуративната седница го потврдија изборот на Јаценјук за премиер. Претходно со 359 гласа „за“ беше избран за потпретседател на парламентот Володомир Гројсман, член на клубот Порошенко. Сите 450 места во новиот еднодомен парламент на Украина не се пополнети, имајќи предвид дека на изборите не се гласаше на Крим и во источните региони.
Се очекува дека новиот владин кабинет ќе биде формиран на следната седница во вторник.
Неколку часа по отворањето на првата парламентарна седница, петте прозападни партии се договорија за коалиција под називот Европска Украина, којашто треба да ги спроведе тешките реформи со коишто земјата треба да излезе од тешката политичка и економска криза и да се приближи на Западот.
Јаценјук, инаку, жестоко се залага за пристапување на Украина на Европската унија и на НАТО.
Умерено прозападниот претседател Порошенко, пак, изјави во парламентот дека Украинците не сакаат нивната земја да стане федерација, што рускојазичните региони во почетокот го бараа, одговарајќи на повиците на Москва да спроведе уставни реформи за да ги врати во составот на земјата одметнатите проруски региони. „Повеќето луѓе ја гледаат Украина како единствена држава“, изјави Поршенко во говорот на државната телевизија.
Прозападната коалиција има цел Украина да ја воведе во НАТО, иако од Брисел во неколку наврати ја негираа таквата можноста а многу аналитичари сметаат дека таквата перспектив е уште многу далеку.
Украинскиот портал The Insider пишува дека рускиот претседател Владимир Путин му се заканил на украинскиот колега Петро Порошенко дека ќе покрене офанзива во источна Украина, доколку Киев не се откаже од амбициите да стане дел од НАТО и не ги признае сепаратистичките покраини на истокот./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Пристигна првата реакција на Русија на планот за победа на Зеленски
Русија го отфрли планот за победа на украинскиот претседател Володимир Зеленски и рече дека планот нема никаква врска со потрагата по дипломатско или политичко решение за ставање крај на војната и го опиша како себичен гамбит на Зеленски.
Зеленски рече дека неговиот план, чии детали допрва треба да се откриваат, е финализиран по долги консултации. Тој треба да му го претстави на американскиот претседател Џо Бајден и да се обрати на состанокот на Советот за безбедност на Обединетите нации во вторник. Зеленски рече дека неговата иницијатива е дизајнирана да создаде прифатливи услови за Украина, која е во конфликт со Русија повеќе од две и пол години.
Портпаролката на руското Министерство за надворешни работи, Марија Захарова, им изјави на новинарите дека планот изгледа како себичен гамбит на украинскиот лидер кого Москва го обвинува дека се обидува да го вовлече Западот во вистинска војна против Русија.
„Единствената цел е да се спречи распадот на антируската коалиција и тоа, се разбира, нема никаква врска со задачата да се најде политичко и дипломатско решение за ситуацијата во врска со Украина“, рече Захарова.
Таа го повтори ставот на Москва дека Западот треба да престане да го финансира и снабдува Киев со оружје и рече дека секоја иницијатива со наводна цел да се постигне мирно решение е бесмислена ако не ја вклучува Русија. Истовремено, таа рече дека Москва е загрижена за, како што наведува, зголемените провокативни активности на НАТО на границата со Белорусија и додаде дека не исклучува обиди за ескалација на конфликтот во регионот.
Москва, исто така, во петокот го повика Западот за притисок врз Кина поради Тајван, велејќи дека неговите „провокативни“ активности ја поткопуваат регионалната стабилност и меѓународната безбедност. Захарова истакна дека Русија ги поддржува потезите на Кина насочени кон одбрана на нејзиниот суверенитет.
Кинеското Министерство за одбрана во петокот соопшти дека продажбата на американско оружје на Тајван сериозно го прекршува принципот една Кина и одредбите од заедничката официјална комуникација меѓу Кина и САД. Кина во средата објави дека ќе преземе мерки против девет компании поврзани со американската војска за продажба на американско оружје на Тајван.
Европа
Жената што го пријави Французинот во полиција по што се откри грозоморното малтретирање на неговата сопруга: Се однесуваше бедно
Жената по име Наталија е заслужна што Доминик Пелико, кој ја дрогирал сопругата и довел непознати мажи да ја силуваат додека тој снимал сè, се наоѓа пред суд.
Пелико беше уапсен во септември 2020 година во супермаркет во Карпентрас кога снимал жени под нивните здолништа. Пелико тогаш снимал и под здолништето на Наталија.
Во сведочењето за БФМТВ, Наталија рече дека е среќа што го пријавиле.
Наталија сега се присети на 12 септември 2020 година, кога сè се промени во нејзиниот живот, но и во животот на Жизел Пелико, сопругата на Доминик, која со децении трпела малтретирање, без воопшто да биде свесна за тоа.
Тој ден Доминик снимил три жени, а кога ја свртел камерата кон Наталија, пришол чувар и ѝ кажал што видел: „Тој снимаше под вашиот фустан, сакате да го пријавите?“ Тогаш Доминик Пелико беше приведен, му беше одземена компјутерската опрема и потоа беше откриен случајот со грозоморното малтретирање на неговата сопруга Жизел, кое го шокира светот.
„Го фрлив фустанот што го носев тој ден“, изјави Наталија.
Таа се присети на сите детали од тој ден во супермаркетот.
„Се однесуваше како мал бедник, како да сакаше да каже ‘ама ништо не направив’. Мислам дека сè уште имаше став на жртва“, рече Наталија.
Кога подоцна дознала за степенот на аферата, била шокирана.
„Барем две години, ако не и повеќе, не одев на шопинг во фустан. А фустанот што го носев тој ден го фрлив“, изјави Наталија.
Делумно благодарение на жалбата на Наталија, која отиде во полициска станица, Доминик завршил на суд поради злоупотреба на неговата сопруга Жизел. Наталија, барем до сега, никогаш не ја запознала Жизел Пелико. Сепак, таа навестува дека можеби ќе оди на сослушувањето за да ја поддржи.
Европа
(Видео) Кадиров објави снимка: „Испраќам два вооружени сајбер-камиона во војна во Украина“
Чеченскиот лидер Рамзан Кадиров објави ново видео на социјалните мрежи за кое тврди дека прикажува два сајбер-камиона „тесла“ за кои вели дека ги испратил во зоната на специјалната воена операција. Официјален Кремљ така ја нарекува војната во Украина, што ја почна рускиот претседател Владимир Путин пред две и пол години.
Претходно, на социјалните мрежи се пожали дека Илон Маск од далечина оневозможил едно од неговите возила. Кадиров рече дека далечинското исклучување не влијаело на другите два камиона и дека тие работат нормално.
Kadyrov said he had sent “two more” Cybertruck “to the special military operation zone.” Earlier, he complained that Elon Musk had “remotely disabled one vehicle.”
Kadyrov said that the “remote shutdown did not affect” the other two pickup trucks and that they were “operating… https://t.co/g1eUciaEqA pic.twitter.com/85SizuUxwH
— Anton Gerashchenko (@Gerashchenko_en) September 20, 2024
Двата сајбер-камиона прикажани на видеото се опремени со митралези, како и возилото што Кадиров го покажа во август.