Свет
Путин и Ердоган разговарале за Сирија, но Кремљ не прецизира за што
![](https://makfax.com.mk/wp-content/uploads/2016/11/putin-i-erdogan-raka.jpg)
Рускиот претседател Владимир Путин и неговиот турски колега по должност Реџеп Тајип Ердоган во средата телефонски разговарале за ситуацијата во Сирија, откако Москва претходно објави дека очекува од Анкара да ја појасни изјавата на турскиот челник од вторникот дека турските сили во Сирија се навлезени за да го соборат сирискиот претседател Башар ал-Асад кој е руски сојузник, но од Кремљ не сакале да прецизира за што конкретно било разговарано.
„Имаше широка размена на мислењата“, изјавил за русите медиуми портпаролот на Кремљ, Дмитриј Песков, одговарајќи на прашањето дали од турската страна било добиено појаснување за турските позиции за Сирија.
Претходно Песков изјави дека Москва е изненадена од изјавата на турскиот претседател Реџеп Тајип Ердоган на симпозиум во Истанбул дека целта на операцијата на турските вооружени сили за соборувањето на владата на сирискиот претседател Башар ал-Асад.
„Се надеваме дека во најскоро време ќе добиеме појаснување од нашите турските партнери“, изјави во средата претпладнето Песков.
„Изјавата којашто е целосно спротивна со претходните (турски) изјави и со нашето разбирање на ситуацијата како држава, дека вооружените сили кои единствено се легитимни на територијата на Сирија, се оние кои се под контрола на легитимните власти“, истакна портпаролот на Кремљ.
Одговарајќи дали тонот или темата во текот на минатонеделниот разговор меѓу Ердоган и Путин била најавена таквата турска позиција, Песков истакнале дека турскиот челник не дал изјави за такви планови на Анкара.
Во телефонскиот разговор од средата меѓу Путин и Ердоган, трет во последните пет дена, станало збор за „актуелните прашања од руско-турските односи, вклучително и скорешните билатерални контакти на различни нивоа“, а исто така „продолжи деталната размена на мислења за сириската проблематика, вклучително и ситуацијата во (северниот сириски град) Алепо“, соопшти официјално Кремљ./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Регион
Легендарниот рокер Бора Чорба погребан со хитот “Погледај дом свој анџеле“
![](https://makfax.com.mk/wp-content/uploads/2024/08/bora-corba.jpg)
Легендарниот рокер, фронтмен на групата „Рибља чорба“, Бора Ѓорѓевиќ (72) денес е погребан. Семејството, колегите, но и бројни пријатели и обожаватели се собраа на Градските гробишта во Чачак за да го кажат последното збогум и да се простат од него.
Хорот на гимназијата од Чачак по црковниот обред го испеа најголемиот хит на Бора „Погледај дом свој анџеле“, а овој момент расплака многумина и тоа беше најтажната сцена од гробиштата.
Рокерот Бора Ѓорѓевиќ (72) почина во средата на 4 септември во Љубљана по тешко боледување.Легендарниот рокер ќе почива во родниот Чачак, што му беше и последна желба.
Роден е на 1 ноември 1952 година.
Свет
Вселенското летало Старлајнер на Боинг слета без екипаж
![](https://makfax.com.mk/wp-content/uploads/2024/09/NASA.jpg)
Вселенското летало Старлајнер на Боинг слета без екипаж во пустината во Ново Мексико, со што заврши тримесечната пробна мисија отежната од технички проблеми.
Вселенското летало доцна синоќа самостојно го почна своето шестчасовно патување до Земјата, а астронаутите Буч Вилмор и Сани Вилијамс, првиот екипаж што леташе со Старлајнер, останаа на Меѓународната вселенска станица (МВС).
Беше одлучено Вилмор и Вилијамс да останат на МВЦ до февруари 2025 година, бидејќи Старлајнер се врати на Земјата користејќи маневри премногу опасни за екипажот.
Леталото повторно влезе во атмосферата на Земјата околу 5 часот утрово по средноевропско време, со орбитална брзина од приближно 27.400 километри на час.
Вилмор и Вилијамс ќе продолжат да спроведуваат научни експерименти додека се во вселената, а се очекува да се вратат на Земјата во февруари 2025 година со вселенско летало на компанијата СпејкИкс.
Свет
Регистриран прв случај на детска парализа во Пакистан по 16 години
![](https://makfax.com.mk/wp-content/uploads/2020/06/pakistan.png)
Пакистан планира итна акција за вакцинација следната недела, откако беше пријавен првиот случај на детска парализа во главниот град во последните 16 години, во услови на пораст на болеста во другите делови на земјата, соопштија денеска властите.
Повеќе од 33 милиони деца на возраст под 5 години ќе бидат вакцинирани од врата до врата почнувајќи од понеделник, рече шефот за полио Ајеша Раза, затоа што вкупниот број на нови случаи годинава се искачи на 17.
Ширењето на вирусот во регионот кој претходно беше прогласен за област без детска парализа претставува нов предизвик за програмата за искоренување финансирана заеднички од ОН и Фондацијата Гејтс, пренесува ДПА.
Случаите со детска парализа во Пакистан го достигнаа врвот од 147 болни во 2019 година, но се намалија на само шест минатата година.