Daily news
Научна експедиција ќе провери дали Монт Еверест се смалил
Членови на научна експедиција наскоро ќе заминат на Монт Еверест за да измерат дали „Покривот на светот“ се смалил по разорниот потрес кој пред две години го погоди Непал.
Сателитските снимки упатуваат на тоа дека земјотресот со магнитуда од 7,8 степени по Рихтер кој го погоди Непал во 2015 година ја смалил височината на највисокиот врв на светот за неколку милиметри или за неколку сантиметри, меѓутоа оваа претпоставка која кружи во научните кругови до денес не е научно испитана.
„Од разорниот земјотрес во Непал минаа две години и научната заедница оправдано се сомнева дека Еверест навистина се смалил“, изјавил за агенцијата PTI, Сварна Суба Рао, индиски геодет, додавајќи дека тој и неговите колеги повторно ќе го мерат врвот.
Кон крајот на зимата петчлена експедиција ќе тргне кон врвот Монт Еверест и со специјални инструменти ќе ги изврши неопходните мерења за да се утврди неговата сегашна вистинска височина. Рао потсети дека по години полемики сеашната официјална височина на Монт Еверест е 8.848 метри.
Мерењата ќе траат околу еден месец на самото место, а потоа ќе следуваат две седмици на проучување на собраните податоци. Потоа ќе бидат објавени податоците од овие мерења.
Разорниот земјотрес кој во 2015 година го погоди Непал и во кој смртно настрадаа околу 9.000 луѓе, а со земја беа срамнети половина милион домови, ја снижи надморската височина на главниот град Катманду за неколку метри.
Непрофитниот конзорциум за геофизички истражувања UNAVCO уште пред две години објави дека еден од најсилните земјотреси кои ја погодиле хималајската држава Непал во последните 80 години, од 25-ти април 2015 година, предизвикал намалување на највисокиот врв во светот Монт Еверест.
Научниците од UNAVCO тврдат дека по природната катаклизма височината на највисоката планина на светот се намалила за еден инч, односно 2,5 сантиметар. Своите индикации научниците ги темелат на податоците добиени од сателитот „Sentinel-1A“ на Европската вселенска агенција (ESA), кои ги регистрирал на 29-ти април 2015-та.
„По поместувањето на тектонските плочи на Индија и Евроазија, предизвикано од земјотресот, се појавил расед на земјината кора. Тоа предизвика незначително намалување на височината на Монт Еверст“, беше наведено во извештајот на научниците од UNAVCO.
Професорот Роџер Билхам од Заедничкиот институт за истражувања во областа на животната средина оцени ѕогаш дека намалувањето на височината на врвот на Еверест, според него, може да изнесува милиметар или два. Од друга страна, пак, планинскиот масив Анапурна, исто така, на Хималаи, според научникот „пораснал“ за околу 20 сантиметри. „Тоа е како да собирате ластик, тој ќе се набере. Кога ќе го отпуштите, тој ќе се врати во првобитниот облик“, направи споредба Билхам со текот на процесите во планинскиот масив по земјотрес.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Daily news
Награда за „Бизнисот на задоволството“ на фестивалот во САД, кој ги откри Спилберг и Џорџ Лукас
Долгометражниот филм „Бизнисот на задоволството“ на Гоце Цветaновски е добитник на наградата „Сребрено реми“ на „Хјустон интернешнал филм фестивал“ (WorldFest-Houston International Film Festival) во САД.
Овој значаен фестивал, кој постои цели 57 години е еден од најстарите во Америка и најстар во светот за независни филмови. Се гордее со тоа што во својата историја им ги доделил првите награди на легендарни режисери како што се Стивен Спилберг, Џорџ Лукас, Анг Ли, браќата Коен, Ридли Скот, Брајан де Палма, Оливер Стоун, Роберт Родригез, Спајк Ли, Дејвид Линч и уште многу други.
„Ова е голем успех. Да бидеш награден во конкуренција од над 4.000 филмови од 70 држави, е признание кое ја потврдува естетската вредност на филмот. Дефинитивно влеговме во убаво друштво, со оглед на тоа кој се’ е добитник на „Реми награда“ во историјата на фестивалот. И’ честитам на целата екипа којашто допринесе за меѓународниот успех на филмот и едвај чекам сите да се собереме повторно и во септември да го претставиме филмот пред македонската публика.“, рече режисерот Гоце Цветановски.
Наградата е деветта по ред на филмските фестивали во светот, а трета во САД, откако претходно „Бизнисот на задоволството“ го доби признанието за најдобар филм на „Риверсајд филм фестивал“ во Калифорнија и за највпечатлив филм во Седона, Аризона.
Улогите ги толкуваат Муса Исуфи, Слаѓана Вујошевиќ, Исмаил Касуми, Дамјан Цветановски, Осман Ахмети, Елени Декидис, Мендим Муртези, Егзона Салиху, Авни Далипи и Катерина Коцевска, а Цветановски го потпишува и сценариото. Продуценти на филмот се Дритон Рамадани, Богдан Јончевски и Гоце Цветановски.
Снимен е со поддршка на Агенцијата за филм.
Daily news
Прва правна конференција Tres Partes
На 26 декември година во хотелот „Континентал“, со почеток во 10 часот, ќе се одржи првата правна конференција Tres partes, во организација на „Јанаки знае“, а ќе биде поделена во три дела.
Првиот дел е со работен наслов „Дали е потребно укинување на извршителите?”, на кој ќе учествуваат Зоран Василевски, кој ќе ја застапува тезата ПРО укинување на извршителите, извршител Снежана Андреевска, која ќе ја застапува тезата КОНТРА укинување на извршителите и извршител и поранешен судија за извршување, Христо Јованов, кој ќе предава во делот на извршувањето пред да се укинат судиите извршители.
Вториот дел е со работен наслов „Дали се шаблонизира институтот надомест на нематеријална штета“, на која предавачи ќе бидат адвокатката Маруша Митровска, судијката Љубица Колиќ од Основен суд Скопје 2 и судијата Ѓорѓи Радојков од Апелациониот суд Скопје.
Третиот т.н. кривичен дел е со работен наслов „Неприменување на кривично-правните институти“, во кој предавачи ќе бидат адвокатот Јанаки Митровски, Никола Тупанчевски, редовен професор по казнено право при „Јустинијан Први“, Александра Деаноска, вонредна професорка по казнено право при „Јустинијан Први“, и Оља Ристова, судијка при Основниот суд Скопје 1.
Предвиден е и интерактивен дел со публиката преку поставување прашања и коментари од учесниците.
Daily news
Груевски оди во затвор – Апелација му ја потврди казната
Апелациониот суд Скопје, постапувајќи по кривичниот предмет познат во јавноста под името „Тенк“ по одржана јавна седница, донесе пресуда со која му ја потврди двегодишната затворска казна на премиерот Никола Груевски. „Жалбите на обвинетиот Никола Груевски изјавени лично и преку неговите бранители ги одби како неосновани, а првостепената пресуда ја потврди во целост, со што му ги потврди двете години затворска казна“, пишува во соопштението од судот.
Второстепениот суд делумно му ја уважи жалбата на Ѓоко Поповски и му ја намали казната на 4 години и 6 месеци, а во останатиот дел првостепената одлука ја потврди.
За Гордана Јанкулоска за „Тенк“ е издвоена во друга постапка и пресудата за неа, под обвинение дека ја злоупотребила службената положба и го натерала Поповски да го намести тендерот за „мерцедесот“ што го посакал Груевски, ќе биде изречена на 8 октомври.