Европа
На поранешен австриски министер потврдена затворската казна за корупција
Австрискиот врховен суд во понеделникот во најголемиот дел ја потврди казната за поранешниот австриски министер за внатрешни работи Ернст Штрасер, осуден на строг затвор поради корупција откако во 2011 година беше фатен од новинари во периодот додека беше пратеник во Европскиот парламент.
Според оваа правосилна пресуда, сега 58-годишниот Ернст Штрасер доби три години затвор бидејќи за надоместок во 2010 и 2011 година се согласил да претстави амандмани на европски закони, пишуваат австриските медиуми.
Тој, откако во март 2011 година беше принуден да го врати мандат во Европскиот парламент, се жалеше по пресудата на првата инстанца во март годинава на три ипол години затвор, која ја донесе судот во Виена. Највисокиот суд во Австрија во понеделникот ја отфрли жалбата на Штрасер, но ја скуси за шест месеци неговата затворска казна. Според правосилната пресуда, Шррасер, кој беше министер за внатрешни работи од 2001 до 2004 година, ќе може по шест месеци затвор да побара да биде ослободен со ограничено движење со електронска нараквица.
Ернсе Штрасер беше присилен да си поднесе оставка во 2011-та како европратеник, откако беше фатен во замка на новинарите на британскиот весник The Sunday Times, кои му се преставија како лобисти. Беше снимен со скриена камера вво 2010 и 2011 година додека се согласува да предложи амандмани во полза на едно лоби, за награда од 100 илјади евра годишно. Штрасер упорно тврди дека е невин.
Британските новинари на ист начин постапија во истото време и со уште тројца други европратеници, кои исто така изразија подготвеност да примат надомест, односно мито. Тоа беа Шпанецот Пабло Залбан, Романецот Адриан Северин и Словенецот Зоран Талер.
На крајот од јануари годинава Зоран Талер, поранешен министер на Словенија за надворешни работи, кој инаку беше во Европскиот парламент известувач за Македонија, призна дека се согласил за награда од 100 илјади евра да влијае врз европските закони и беше осуден на две ипол години строг затвор и парична глоба од 32.250 евра./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Венеција заработи огромна сума на пари со наплата на влезници во градот за само 11 дена
Новововедениот билет за туристите на еднодневно патување во Венеција на градот му донесе приход од 975 илјади евра во првите 11 дена од пробниот период.
Билетот, кој првпат беше воведен на 25 април, се наплаќа по стандардна цена од пет евра.
Градот објави дека продал вкупно повеќе од 195.000 билети, што е малку над очекувањата, пренесува Независне новине.
Влезот ќе се наплаќа во повеќето саботи и недели до средината на јули, кога градот ќе ја разгледа цената.
Како општо правило, целодневните посетители помеѓу 8:30 и 16:00 часот се обврзани да платат влезница и да добијат QR код, кој служи како доказ за плаќање. Ако не го сторат, може да платат казна од 300 евра.
Домашните жители, гостите кои преноќуваат, студентите и децата под 14 години се ослободени од плаќање.
Со околу 15 милиони посетители годишно, Венеција е една од најпосетуваните туристички дестинации во светот.
Масовниот туризам му носи многу приходи на градот, но и гужвите создаваат големи проблеми. Не е познато дали Венеција ќе ја задржи таксата по пробниот период.
Европа
(Видео) Украина уништи моќен руски ракетен лансер
Ракетата TOS-1A LANSER често се нарекува тежок фрлач на пламен поради специфичната термобарична муниција што ја истрелува, која е ефикасна против силно утврдените одбранбени позиции.
The warriors from the 93rd Mechanized Brigade destroyed another "no-analogue" russian TOS-1A Solntsepyok heavy flamethrower system with the use of a night-vision FPV drone. pic.twitter.com/lS22jAGa8o
— Defense of Ukraine (@DefenceU) May 7, 2024
„Војниците од 93-та механизирана бригада уништија уште еден руски тежок пламен фрлач TOS-1A Solntsepyok користејќи беспилотно летало за ноќно гледање FPV“, се вели во објавата на Твитер. Не е наведено кога и каде се случил нападот.
Вредноста на еден таков систем се проценува на 6,5 милиони долари.
Европа
Русија и Украина меѓусебно се обвинуваат за употреба на забрането хемиско оружје
Русија и Украина меѓусебно се обвинуваат за употреба на забрането хемиско оружје на бојното поле, објави Организацијата за забрана на хемиско оружје.
Организацијата за забрана на хемиско оружје соопшти дека наводите се „недоволно потврдени“ со доказите, но во соопштението се додава:
„Ситуацијата останува нестабилна и крајно загрижувачка кога станува збор за потенцијалната употреба на токсични хемикалии како оружје“.
Ниту Русија ниту Украина официјално не побарале од организацијата да ја истражи наводната употреба на хемиско оружје, се вели во соопштението.
Минатата недела, САД соопштија дека Русија ја прекршила меѓународната забрана за употреба на хемиско оружје, која е надгледувана од Организацијата.
Таа, наводно, користела хлоропикрин, моќен пестицид што се користи во земјоделството и е забранет за воена употреба, против украинските трупи и користела хемиски соединенија кои привремено ги онеспособуваат луѓето, како солзавец, „како метод за војување“ во Украина.
Ова следеше по украинските тврдења во април дека Русија ја засилила употребата на солзавец во рововите. Русија ги отфрли обвинувањата, а украинските власти не одговорија на барањето на Ројтерс за коментар во вторникот.
Организацијата за забрана на хемиско оружје соопшти дека ја следат ситуацијата од февруари 2022 година, кога Москва ја нападна Украина. Според Конвенцијата за хемиско оружје, секоја токсична хемикалија што се користи за да предизвика повреда или смрт се смета за хемиско оружје.
Употребата на токсични агенси на бојното поле во војна е против Конвенцијата, соопшти Организацијата за забрана на хемиско оружје. „Доколку се користат како метод на војување, овие агенси се сметаат за хемиско оружје и затоа, според Конвенцијата, тие се забранети“.