Daily news
ВМРО-ДПМНЕ: Мехмедовиќ ја дефокусира јавноста од Тиранската платформа
Мехмедовиќ ја продолжува праксата на СДС, со манипулации и невистини во своите соопштенија и прес конференции да се обиде да ја дефокусира јавноста од темата за Тиранската Платформа, кои очигледно оваа партија во целост ја има прифатено, велат од ВМРО-ДПМНЕ во реакцијата на изјавата на членот на Комисијата за здравство на СДСМ, Злате Мехмедовиќ.
„Ниту една безочна лага не може да ги покрие фактите и бројките кои покажуваат колкава разлика е постигната во здравството во време на СДС и во време на ВМРО-ДПМНЕ. Но доколку СДС сака да зборуваме за оваа тема тогаш да ги погледнеме аргументите. Најголемата реформа за лекови која ја направи владата преводена од СДС е воведување на телефонски број за нарачка на лек на рецепт, па така граѓаните чекаа со недели да стигне лекот во некоја од градските аптеки, за граѓанинот кога ќе дојде во аптеката да му кажат не можеме да ти дадеме цело кутиче туку еве ти една лента“, велат од партијата.
„Оттука вон секој разум е СДС да држи прес конференции за лекови на рецепт, воедно СДС како по обичај лаже и се обидува со невистини и конструкции да ќари дневно политички поени. За нивна несреќа од бројките не се бега, па затоа следниве податоци ја демантираат нивната лага. Еве ги фактите: Владата на СДС во 2002 година одвојуваше само 1 милијарда денари кои биле искористени за 8 милиони рецепти, 2003 СДС одвојуваше 1.2 милијарди денари за 8.5 милиони рецепти, 2004 СДС одвојуваше 1.6 милијарди денари за 10 милиони рецепти 2005 СДС одвојуваше 1.4 милијарди денари за 9 милиони рецепти. Владата на ВМРО-ДПМНЕ за 2016 издвои 2.55 милијарди денари за 22.2 милиони рецепти, а за 2017 години 2.75 милијарди денари. Во 2005 година имаше договори со само 40 правни лица кои издаваа лекови на рецепт, сега се 776 аптеки низ цела држава. ВМРО-ДПМНЕ одвојува повеќе од двојно средства за лекови на рецепт во споредба со СДС“, велат од ВМРО-ДПМНЕ.
„Достапноста на квалитетни лекови за сите осигуреници во Македонија е континуирана заложба Владата на ВМРО-ДПМНЕ и во 2016 година на граѓаните им овозможи поголема достапност на лекови, олеснување на начинот на добивање лек на товар на Фондот. Во 2016 година, бројката на лекови на товар на Фондот достигна 1210 лекови по заштитено име од различни производители, односно 427 генерики со фармацевтска дозажна форма и јачина од кои 75% се лекови за кои осигурениците не треба да плаќаат дополнителни средства, освен партиципација согласно законските прописи“, порачуваат од партијата.
„Овие лекови осигурениците ги подигнуваат со рецепт од матичен лекар, додека за некои од нив потребна е препорака од специјалист/субспецијалист. Осигурениците лековите во 2016 година можеа да ги подигнат во 776 аптеки на територија на цела Република Македонија, од кои 695 се аптеки, 72 аптекарски станици, 6 подвижни аптеки и 3 рурални аптеки. За таа намена, беше зголемен и буџетот за лекови кој во 2016 година беше 2, 55 милијарди денари, за разлика од 2015 година кога истиот изнесуваше 2,46 милијарди денари, а за 2017 година истиот е дополнително зголемен за 200 милиони денари“, додаваат од партијата.
„На доброто снабдување на осигурениците на Фондот со лекови на рецепт од примарната позитивна листа влијаат повеќе фактори како што се подобрата распространетост на аптеките и во руралните средини, распределбата на финансиските лимити т.н. квотите за аптеките, овозможувањето на издавање т.н. скапи лекови надвор од квотите, воведувањето на компаративната методологија за утврдување на референтните цени на лековите од позитивната листа со што многу цени на лекови беа намалени, пропишувачките навики на лекарите, но и структурата и потребите на населението“, велат од ВМРО-ДПМНЕ.
„За комплетно декласирање на СДС говори и следниов факт, искористеноста на средствата наменети за лекови на рецепт-КВОТИ во месец јануари биле 98% на ниво на цела држава, февруари биле 97%, март 98%. Ова значи дека останале пари наменети за лекови на рецепт т.е. сите не биле искористени до крај од страна на аптеките. Лекови на рецепт во 2016 година подигнале 1,23 милиони осигуреници или 66,4% од вкупниот број на осигуреници“, велат од ВМРО-ДПМНЕ.
„Потрошувачката на лекови на рецепт на товар на Фондот преку аптеките бележи континуиран пораст во изминатите години. За споредба, ако во 2002 година за лекови се одвојувале 1,2 милијарди денари за 8 милиони рецепти, во 2008 година се одвојувале 1,3 милијарда денари за 10 милиони рецепти, од 01.09.2016 година ФЗОМ го зголеми буџетот за лекови на 2,55 милијарди што е двојно повеќе средства за лекови на рецепт на товар на Фондот. Број на реализирани рецепти во 2016 година бил 22.274.288“, додаваат од партијата.
„Зголемената потрошувачка на лекови на рецепт на товар на Фондот го следи и светскиот тренд за зголемена консумација/потрошувачка на лекови, што во периодот од 2008 година досега се гледа преку зголемените количини на обезбедени лекови за осигурениците и приближно двојно зголемените одвоени вкупни износи за лекови на рецепт на товар на ФЗОМ. Во периодот од 2008 – 2016 година повеќе од двојно е зголемен бројот на количините/рецептите за лекови и двојно е зголемен износот за лекови на рецепт на товар на ФЗОМ“, стои во соопштението на ВМРО-ДПМНЕ.
„Разликата на сегашната ситуација со таа од пред 10 години е огромна затоа што сега повеќе нема редици во аптеките, нема дефицит на лекови и осигурениците не ги плаќаат приватно лековите по повеќепати повисоки цени. СДС не може со лаги да ги прикрие фактите. СДС не може со лаги да ја дефокусира јавноста од разнебитувањето на државата кое е подготвено да го реализира. Со ваквите манипулации само ја потценува интелегенцијата на народот и дополнително ја револтира јавноста“, заклучуваат од партијата./крај/мф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Daily news
Прва правна конференција Tres Partes
На 26 декември година во хотелот „Континентал“, со почеток во 10 часот, ќе се одржи првата правна конференција Tres partes, во организација на „Јанаки знае“, а ќе биде поделена во три дела.
Првиот дел е со работен наслов „Дали е потребно укинување на извршителите?”, на кој ќе учествуваат Зоран Василевски, кој ќе ја застапува тезата ПРО укинување на извршителите, извршител Снежана Андреевска, која ќе ја застапува тезата КОНТРА укинување на извршителите и извршител и поранешен судија за извршување, Христо Јованов, кој ќе предава во делот на извршувањето пред да се укинат судиите извршители.
Вториот дел е со работен наслов „Дали се шаблонизира институтот надомест на нематеријална штета“, на која предавачи ќе бидат адвокатката Маруша Митровска, судијката Љубица Колиќ од Основен суд Скопје 2 и судијата Ѓорѓи Радојков од Апелациониот суд Скопје.
Третиот т.н. кривичен дел е со работен наслов „Неприменување на кривично-правните институти“, во кој предавачи ќе бидат адвокатот Јанаки Митровски, Никола Тупанчевски, редовен професор по казнено право при „Јустинијан Први“, Александра Деаноска, вонредна професорка по казнено право при „Јустинијан Први“, и Оља Ристова, судијка при Основниот суд Скопје 1.
Предвиден е и интерактивен дел со публиката преку поставување прашања и коментари од учесниците.
Daily news
Груевски оди во затвор – Апелација му ја потврди казната
Апелациониот суд Скопје, постапувајќи по кривичниот предмет познат во јавноста под името „Тенк“ по одржана јавна седница, донесе пресуда со која му ја потврди двегодишната затворска казна на премиерот Никола Груевски. „Жалбите на обвинетиот Никола Груевски изјавени лично и преку неговите бранители ги одби како неосновани, а првостепената пресуда ја потврди во целост, со што му ги потврди двете години затворска казна“, пишува во соопштението од судот.
Второстепениот суд делумно му ја уважи жалбата на Ѓоко Поповски и му ја намали казната на 4 години и 6 месеци, а во останатиот дел првостепената одлука ја потврди.
За Гордана Јанкулоска за „Тенк“ е издвоена во друга постапка и пресудата за неа, под обвинение дека ја злоупотребила службената положба и го натерала Поповски да го намести тендерот за „мерцедесот“ што го посакал Груевски, ќе биде изречена на 8 октомври.
Daily news
Бизнисменот Минчо Јорданов треба да сведочи дали бил уценет со пари во шпионската афера
Бизнисменот Минчо Јорданов утрово во кривичниот суд е повикан да сведочи во предметот што го презеде специјалното јавно обвинителство под кодно име „Шпион“.
Обвинетите Миќо Наскоски, Зоран Божиновски и Марјан Маџовски, како што рече на минатото рочиште обвинителката Елизабета Јосифовска, со цел да се стекнат со противправна имотна корист, му се заканиле на бизнисменот Минчо Јорданов дека ќе објават податоци за наводна криминална приватизација и откуп на акциите во АД „Бетон“ и на други негови фирми. Во намерата не успеале, а Јорданов не ги исплатил парите.
„Обвинетиот Александар Диневски прибавувал податоци со степен на државна тајна, а потоа ги доставувал или директно на странските разузнавачки служби или му ги давал на обвинетиот Марјан Ефремов, кој ја формирал групата за уцени, изнуди и шпионажа и ја координирал од 2009 до 2013 година, регрутирајќи нови членови во мрежата. Со обвинетиот Мирослав Зафировски од УБК прибирале податоци за луѓе од ЦИА присутни во Македонија и за штаб на ЦИА во Ирак. Тие прибирале и податоци за организациската поставеност на УБК“, рече Јосифовска за „Шпион“, кое СЈО врз база на нови прислушувани разговори го презеде од Обвинителството за гонење организиран криминал и корупција.
Ефремов, според обвинението, групата за изнуда и тргување со тајни информации од безбедносните служби на Македонија ја направил во 2009 година и, како што тврди обвинителството, тој е мозокот на целата операција. Информациите им ги продавале на Кост Н. од грчката разузнавачка служба, Петар Н. и Јуриј Н. од унгарската и на други лица од странски разузнавачки служби.
Секој од обвинетите, зависно од тоа во која институција работел, снимал службени документи, кои потоа им ги продавал на грчката, руската, унгарската и српската разузнавачка служба. Обвинети во овој случај се и тогашниот шеф на Кабинетот на претседателот на Собранието, Трајко Вељаноски, генералот Горан Стојков, Миќо Насковски, Ѓорѓи Хаџимицев, Цветан Дамјановски (заедно со други нивни колеги од МВР, УБК, АР и Военото разузнавање, кои дел се веќе осудени) и Зоран Божиновски, кој во групата имал улога ако уценуваните не дадат пари, тој да ги објавува, како што вели обвинителката, во порталот „Буревесник“ или во други медиуми во кои работел. Божиновски е обвинет за злосторничко здружување, шпионажа и уцена.
Обвинетите не се чувствуваат виновни, а тврдат и дека целиот процес е монтиран. Во предметот првично беа опфатени 19 лица, од кои неколкумина ја одлежаа затворската казна. Предметот го суди судијата Владимир Туфегџиќ. На конференциска врска треба да сведочи и Драган Даравелски, кој, според обвинението, исто така бил уценуван од обвинетите.