Daily news
Дипломатскиот синдикат повторно предупредува за можни манипулации при распределбата на дипломати во странство
Синдикатот на македонската дипломатска служба повторно предупредува дека со распишаните дваесетина интерни конкурси за распоредување на работа во македонските дипломатско-конзуларни претставништва, раководството на МНР се обидува да постави партиски кадри, како и дека тој потег е во спротивност со Генералното мислење на Антикорупциската комисија дека од денот на донесување на одлука за распишување на избори па се до изборот на влада постои „законска пречка да се врши распоредување и унапредување на лица вработени во органите на државната управа“.
Претседателот на дипломатскиот синдикат Сашко Тодоровски на „стоечка“ пресконференција пред влезот на зградата на МНР денеска изјави дека при распишувањето на конкурсите, надлежните направиле, како што рече, класичен коктел, односно од една страна за дел од местата се е според правилата бидејќи „таму доаѓа време за редовна замена на дипломатите“, но од друга страна на одредени и тоа особено важни места, се предлагаат партиски кадри кои би требало таму да „се згрижат’. Тодоровски потенцира дека такви се случаите со дипломатските позиции во Вашингтон, Лондон, Париз и во Мисијата во НАТО.
Претседателот на СМДС вели дека во време на политичка криза, нема потреба од испраќање на урегнтни дипломати во ДКП-а кои и онака се кадровски добро покриени и функционираат професионално и на високо ниво. Додава дека Синдикатот е заобиколен во постапката и предупредува дека тоа е дел од една смислена тактика за злоупотреба на дипломатско-конзуларните претставништва, која би можела да продолжи и во иднина.
Вчерашното соопштение од МНР пак, во кое беше истканато дека испраќањето на дипломатски преставници во македонските ДКП-а е согласно со законот го нарече „инфантилно и перфидно“.
ОД МНР инаку, токму реагирајќи на ставот на СМСД потенцираа дека конкурсите се во согласност со релевантна законска рамка а истата го опфаќа Законот за надворешни работи, одредбите содржани во Правилникот за упатување и сите други релевантни подзаконски акти. Притоа потенцираат дека „како досега, така и во иднина ќе се грижат за функционирањето во доменот на надворешната политика и заштита на националните интереси“, а преставниците на синдикатот ги дефинираа како „неколку лица кои со нескриени политички амбиции се затскриваат зад насловот Синдикат на македонската дипломатска служба“.
Драган Милосављевиќ
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Daily news
Награда за „Бизнисот на задоволството“ на фестивалот во САД, кој ги откри Спилберг и Џорџ Лукас
Долгометражниот филм „Бизнисот на задоволството“ на Гоце Цветaновски е добитник на наградата „Сребрено реми“ на „Хјустон интернешнал филм фестивал“ (WorldFest-Houston International Film Festival) во САД.
Овој значаен фестивал, кој постои цели 57 години е еден од најстарите во Америка и најстар во светот за независни филмови. Се гордее со тоа што во својата историја им ги доделил првите награди на легендарни режисери како што се Стивен Спилберг, Џорџ Лукас, Анг Ли, браќата Коен, Ридли Скот, Брајан де Палма, Оливер Стоун, Роберт Родригез, Спајк Ли, Дејвид Линч и уште многу други.
„Ова е голем успех. Да бидеш награден во конкуренција од над 4.000 филмови од 70 држави, е признание кое ја потврдува естетската вредност на филмот. Дефинитивно влеговме во убаво друштво, со оглед на тоа кој се’ е добитник на „Реми награда“ во историјата на фестивалот. И’ честитам на целата екипа којашто допринесе за меѓународниот успех на филмот и едвај чекам сите да се собереме повторно и во септември да го претставиме филмот пред македонската публика.“, рече режисерот Гоце Цветановски.
Наградата е деветта по ред на филмските фестивали во светот, а трета во САД, откако претходно „Бизнисот на задоволството“ го доби признанието за најдобар филм на „Риверсајд филм фестивал“ во Калифорнија и за највпечатлив филм во Седона, Аризона.
Улогите ги толкуваат Муса Исуфи, Слаѓана Вујошевиќ, Исмаил Касуми, Дамјан Цветановски, Осман Ахмети, Елени Декидис, Мендим Муртези, Егзона Салиху, Авни Далипи и Катерина Коцевска, а Цветановски го потпишува и сценариото. Продуценти на филмот се Дритон Рамадани, Богдан Јончевски и Гоце Цветановски.
Снимен е со поддршка на Агенцијата за филм.
Daily news
Прва правна конференција Tres Partes
На 26 декември година во хотелот „Континентал“, со почеток во 10 часот, ќе се одржи првата правна конференција Tres partes, во организација на „Јанаки знае“, а ќе биде поделена во три дела.
Првиот дел е со работен наслов „Дали е потребно укинување на извршителите?”, на кој ќе учествуваат Зоран Василевски, кој ќе ја застапува тезата ПРО укинување на извршителите, извршител Снежана Андреевска, која ќе ја застапува тезата КОНТРА укинување на извршителите и извршител и поранешен судија за извршување, Христо Јованов, кој ќе предава во делот на извршувањето пред да се укинат судиите извршители.
Вториот дел е со работен наслов „Дали се шаблонизира институтот надомест на нематеријална штета“, на која предавачи ќе бидат адвокатката Маруша Митровска, судијката Љубица Колиќ од Основен суд Скопје 2 и судијата Ѓорѓи Радојков од Апелациониот суд Скопје.
Третиот т.н. кривичен дел е со работен наслов „Неприменување на кривично-правните институти“, во кој предавачи ќе бидат адвокатот Јанаки Митровски, Никола Тупанчевски, редовен професор по казнено право при „Јустинијан Први“, Александра Деаноска, вонредна професорка по казнено право при „Јустинијан Први“, и Оља Ристова, судијка при Основниот суд Скопје 1.
Предвиден е и интерактивен дел со публиката преку поставување прашања и коментари од учесниците.
Daily news
Груевски оди во затвор – Апелација му ја потврди казната
Апелациониот суд Скопје, постапувајќи по кривичниот предмет познат во јавноста под името „Тенк“ по одржана јавна седница, донесе пресуда со која му ја потврди двегодишната затворска казна на премиерот Никола Груевски. „Жалбите на обвинетиот Никола Груевски изјавени лично и преку неговите бранители ги одби како неосновани, а првостепената пресуда ја потврди во целост, со што му ги потврди двете години затворска казна“, пишува во соопштението од судот.
Второстепениот суд делумно му ја уважи жалбата на Ѓоко Поповски и му ја намали казната на 4 години и 6 месеци, а во останатиот дел првостепената одлука ја потврди.
За Гордана Јанкулоска за „Тенк“ е издвоена во друга постапка и пресудата за неа, под обвинение дека ја злоупотребила службената положба и го натерала Поповски да го намести тендерот за „мерцедесот“ што го посакал Груевски, ќе биде изречена на 8 октомври.