Daily news
(ВИДЕО) Околу 700.000 евра инвестиции во ТППЕ Прилеп
Од 01.07.2005 година, со спогодба за превземање на Територијалната противпожарна единица од Прилеп со целокупното работење, имот и вработени премина во надлежност на Локалната самоуправа.
Во ТППЕ Прилеп вработени се 34 пожарникари, кои се распоредени во четири ПП одделенија кои што работат во смени со дежурство од 24/7 часа.
„ТППЕ ги покрива териториите на општина Прилеп со површина од 1.195 км2 со 59 населени места со 76.768 жители, општина Кривогаштани со површина од 97 км2 со 12 населени места со 6.150 жители и општина Долнени со површина од 430 км2 со 37 населени места со 13.805 жители или вкупната површина која ја покрива ТППЕ од Прилеп изнесува 1.722 км2 со 108 населени места и вкупно 96.723 жители.
Според статистиката што се води може да се види дека во текот на една година на територијата што ја покрива ТППЕ Прилеп се примаат од 450 до 550 пријави за настанати пожари и други непогоди.
Само во 2016 година се примени 490 пријави за пожари и други непогоди од кои:
-197 се пријави за пожари на објекти со вкупна материјална вреднос од околу 7.555.500 денари
-141 се пријави за пожари на отворен простор (Шумски површини, земоделски површини и депонии) со вкупна површна од 237.35 ха
-28 се пријави за пожари на сообраќајни средства (патнички возила, товарни возила и земјоделски машини)
-44 се пријави за технички интервенции (сообраќајни незгоди, поплавени простории, спасување на лица од височини и длабочини и други слични интервенции)
-40 се пријави за други интервенции ( разни обезбедувања на објекти и настани, носење на вода до места каде има потреба и други слични настани)
-39 се останати пријави
Овие бројки може да варираат пред се во зависност од временските прилики.
Во периодот од 2006 до 2008 година Територијалната противпожарна единица, а со голема поддршка од страна на Локалната самоуправа, потпиша меморандум за соработка со странски невладини организации од областа на противпожарната заштита (Операција Флоријан од Англија и Working together од Франција) со кои имаше голем број на заеднички проекти од кои што дел се завршени, а дел се планирани за во нареден период.
Како реализирани проекти се обука на вработените во ТППЕ Прилеп од страна на Операција Флоријан во делот на техничките интервенции односно спасување на лица од сообраќајни несреќи (теоретска и практична настава) при што се изведени и голем број на показни вежби. Исто така реализирани беа обуки од страна на француската организација Working together во делот на гасење на пожари на отворен простор со каскадно носење на вода од ниските предели па до највисоките предели, како и обука на возачи за возење на тешко приступачни терени. Сите овие проекти се реализирани од страна на инструктори со меѓународни признанија и лиценци.
Во текот на обуките од страна на овие организации добиена е како донација одредена опрема која што во целост се користи од страна на нашите вработени (хидраулични ножици за спасување на лица во сообраќајни несреќи, воздуши перничина за дигање на терет и комплет дишни апарати)-со вкупна вреднос од околу 15.000 евра.
Во текот на 2009 и 2010 година од страна на Владата на РМ, а во соработка со Дирекција за заштита и спасување и Локалната самоуправа, Територијалната противпожарна единица доби две нови навални противпожарни возила, со што се поднови возниот парк на единицата, а се подобрија и условите за работа на терен. Овие возила се опремени со средства и опрема за гасење на пожари на објекти во урбана средина како и со опрема за технички интервенции, со вкупна вредност од 350.000 евра.
Инаку ТППЕ од Прилеп е една од најопремените и најефикасни противпожарни единици на ниво на Македонија. Прилепските пожарникарите постојано се надоградуваат со нови обуки, како и примена на нови методи и средста за поефикасно гаснење на пожарите. Резултатот од тоа е големиот број на ефикасно спроведени акции.
Во 2013 година од страна на Локалната самоуправа, а во соработка со ТППЕ се реализира проектот за нов ПП дом со ново уредени-преадаптирани простории за престој и работа, а исто така и гаражен простор каде што се сместени сите возила. Инвестиција вредна 15.000.000 денари или околу 250.000 евра, средства издвоени од буџетот на локалната самоуправа.
Во 2014 година реализиран е проектот за прекугранична соработка со Пелагонискиот плански регион и Република Грција за опремување на вработените со заштитна облека ( шлем, чизми, ракавици, јакна и панталони) како и голем број на хидранти, кои што во соработка со ЈП „Водовод и Канализација“ беа поставени низ градското подрачје и во сите населени места во Општина Прилеп каде што имаше услови постоење на водоводна мрежа. За оваа намена беа вложени 60.000 евра.
Исто така се реализираше проектот за набавка на нови јоги душеци и шкавчина за секој вработен. Инвестиција од 2.000 евра.
Во 2015/2016 година изготвен и реализиран беше проектот за нова канализациона мрежа во објектот на ПП Домот, како и проект за бетонирање на гаражниот простор. Овој проект е во завршна фаза.
Или вкупно за градежни активности и набавка на опрема во ТППЕ Прилеп во изминатиов период беа инвестирани околу 700.000 евра„ се вели во информацијата за развојот на ТППЕ Прилеп….крај/мф/кс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Daily news
Прва правна конференција Tres Partes
На 26 декември година во хотелот „Континентал“, со почеток во 10 часот, ќе се одржи првата правна конференција Tres partes, во организација на „Јанаки знае“, а ќе биде поделена во три дела.
Првиот дел е со работен наслов „Дали е потребно укинување на извршителите?”, на кој ќе учествуваат Зоран Василевски, кој ќе ја застапува тезата ПРО укинување на извршителите, извршител Снежана Андреевска, која ќе ја застапува тезата КОНТРА укинување на извршителите и извршител и поранешен судија за извршување, Христо Јованов, кој ќе предава во делот на извршувањето пред да се укинат судиите извршители.
Вториот дел е со работен наслов „Дали се шаблонизира институтот надомест на нематеријална штета“, на која предавачи ќе бидат адвокатката Маруша Митровска, судијката Љубица Колиќ од Основен суд Скопје 2 и судијата Ѓорѓи Радојков од Апелациониот суд Скопје.
Третиот т.н. кривичен дел е со работен наслов „Неприменување на кривично-правните институти“, во кој предавачи ќе бидат адвокатот Јанаки Митровски, Никола Тупанчевски, редовен професор по казнено право при „Јустинијан Први“, Александра Деаноска, вонредна професорка по казнено право при „Јустинијан Први“, и Оља Ристова, судијка при Основниот суд Скопје 1.
Предвиден е и интерактивен дел со публиката преку поставување прашања и коментари од учесниците.
Daily news
Груевски оди во затвор – Апелација му ја потврди казната
Апелациониот суд Скопје, постапувајќи по кривичниот предмет познат во јавноста под името „Тенк“ по одржана јавна седница, донесе пресуда со која му ја потврди двегодишната затворска казна на премиерот Никола Груевски. „Жалбите на обвинетиот Никола Груевски изјавени лично и преку неговите бранители ги одби како неосновани, а првостепената пресуда ја потврди во целост, со што му ги потврди двете години затворска казна“, пишува во соопштението од судот.
Второстепениот суд делумно му ја уважи жалбата на Ѓоко Поповски и му ја намали казната на 4 години и 6 месеци, а во останатиот дел првостепената одлука ја потврди.
За Гордана Јанкулоска за „Тенк“ е издвоена во друга постапка и пресудата за неа, под обвинение дека ја злоупотребила службената положба и го натерала Поповски да го намести тендерот за „мерцедесот“ што го посакал Груевски, ќе биде изречена на 8 октомври.
Daily news
Бизнисменот Минчо Јорданов треба да сведочи дали бил уценет со пари во шпионската афера
Бизнисменот Минчо Јорданов утрово во кривичниот суд е повикан да сведочи во предметот што го презеде специјалното јавно обвинителство под кодно име „Шпион“.
Обвинетите Миќо Наскоски, Зоран Божиновски и Марјан Маџовски, како што рече на минатото рочиште обвинителката Елизабета Јосифовска, со цел да се стекнат со противправна имотна корист, му се заканиле на бизнисменот Минчо Јорданов дека ќе објават податоци за наводна криминална приватизација и откуп на акциите во АД „Бетон“ и на други негови фирми. Во намерата не успеале, а Јорданов не ги исплатил парите.
„Обвинетиот Александар Диневски прибавувал податоци со степен на државна тајна, а потоа ги доставувал или директно на странските разузнавачки служби или му ги давал на обвинетиот Марјан Ефремов, кој ја формирал групата за уцени, изнуди и шпионажа и ја координирал од 2009 до 2013 година, регрутирајќи нови членови во мрежата. Со обвинетиот Мирослав Зафировски од УБК прибирале податоци за луѓе од ЦИА присутни во Македонија и за штаб на ЦИА во Ирак. Тие прибирале и податоци за организациската поставеност на УБК“, рече Јосифовска за „Шпион“, кое СЈО врз база на нови прислушувани разговори го презеде од Обвинителството за гонење организиран криминал и корупција.
Ефремов, според обвинението, групата за изнуда и тргување со тајни информации од безбедносните служби на Македонија ја направил во 2009 година и, како што тврди обвинителството, тој е мозокот на целата операција. Информациите им ги продавале на Кост Н. од грчката разузнавачка служба, Петар Н. и Јуриј Н. од унгарската и на други лица од странски разузнавачки служби.
Секој од обвинетите, зависно од тоа во која институција работел, снимал службени документи, кои потоа им ги продавал на грчката, руската, унгарската и српската разузнавачка служба. Обвинети во овој случај се и тогашниот шеф на Кабинетот на претседателот на Собранието, Трајко Вељаноски, генералот Горан Стојков, Миќо Насковски, Ѓорѓи Хаџимицев, Цветан Дамјановски (заедно со други нивни колеги од МВР, УБК, АР и Военото разузнавање, кои дел се веќе осудени) и Зоран Божиновски, кој во групата имал улога ако уценуваните не дадат пари, тој да ги објавува, како што вели обвинителката, во порталот „Буревесник“ или во други медиуми во кои работел. Божиновски е обвинет за злосторничко здружување, шпионажа и уцена.
Обвинетите не се чувствуваат виновни, а тврдат и дека целиот процес е монтиран. Во предметот првично беа опфатени 19 лица, од кои неколкумина ја одлежаа затворската казна. Предметот го суди судијата Владимир Туфегџиќ. На конференциска врска треба да сведочи и Драган Даравелски, кој, според обвинението, исто така бил уценуван од обвинетите.
Две жртви во сообраќајката на патот Радовиш-Штип, уште едно лице повредено
Две лица загинаа на лице место во сообраќајната несреќа што се случи попладнево на магистралниот пат Радовиш-Штип. Во несреќата е...
Куче паднало во шахта и ги изгризало каблите за интернет на две болници: ЦУК за невообичаената акција во Скопје
ЦУК информира за невообичаена и како што велат, специфична ситуација за решавање на итен случај на 112, кога куче паднало...
„Никогаш нема да ја заборавам бабата која стои, чека и го повторува името на внуката“: Мајорката која меѓу првите влезе во „Рибникар“
„Траума што се уште ја минувам и денес“, „Сигурна сум дека добро ќе се сеќаваме на тој кобен 3-ти мај,...
„Поединци на Европскиот фронт избегаа од Али и се во секојдневна комуникација со Мицкоски“, рече Изет Меџити
Лидерот на Демократското движење и носител на Листата за пратеници во првата единица на коалицијата ВЛЕН, Изет Меџити изјави дека...
„Дека ДУИ полнеле кутии на денот на изборите е докажано од суд“, кажа Мицкоски и повика на будност
Не се само информации тоа дека ДУИ полнеле кутии на денот на изборите, имаме и потврден случај тоа е во...
Македонија најдобро рангирана меѓу државите од регионот според Индексот за слобода на медиумите
Репортери без граници денеска го објавија својот годишен извештај за слободата на медиумите во светот, според кој Македонија се наоѓа...
„За избор на Владата нема двојно гласање (Бадентер), тоа не е предвидено ниту со Уставот, ниту со било каков договор или закон“, вели Демократскиот сојуз
Демократскиот сојуз ги потсетува партиите, посебно ДУИ, но и сите граѓани, дека соглано член 99 од Уставот на Република Македонија,...
„ДКСК да покрене постапка против Битиќи, бара од фирмите на кои им исплаќал државна помош да гласаат за него“, вели ВМРО-ДПМНЕ
„ДКСК да покрене постапка против Битиќи, бара од фирмите на кои им исплаќал државна помош да гласаат за него, им...
Израелските медиуми ги објавија трите барања на шефот на Хамас за ослободување на заложниците
Лидерот на палестинската исламистичка организација Хамас во Појасот Газа, Јехја ал Синвар, и понатаму има три барања во преговарачката понуда...
(Видео) Украинците објавија снимка: Го уништивме рускиот систем Бук, не можеа да го изгаснат пожарот
Украинските сили за специјални операции тврдат дека го уништиле лансерот на рускиот противвоздушен ракетен систем Бук на линијата на фронтот...
Турција ја прекина целата трговија со Израел
Турција од вчера го прекинува целиот извоз и увоз со Израел, соопшти турското Министерство за трговија, наведувајќи ја како причина...
Цената на осигурувањето од автоодговорност се враќа на ниво од пред 25 април, одлучи Владата
Владата ја разгледа и усвои Информацијата со Предлог- измени и дополнувања на Тарифата на премии за осигурување на сопствениците на...
„Влен“: Влада и Бадентер да, но без ДУИ и Левица
ДУИ ги напушти вредностите за кои се залагаше во 2001 кога наместо за Албанската кауза почна да се грижи единствено...
Чекајте, па ние сме на избори конкуренти, одговори Ковачевски прашан дали би им помогнале на ВМРО-ДПМНЕ ако не можат да формираат Влада
Чекајте, па ние сме на избори конкуренти, првин да ги видиме резултатите на 8 мај. Вака лидерот на СДСМ, Димитар...
ДСЗИ ќе забрани на Токсикологија да работат лица со истечени договори оти директорката, која не зборува македонски, не им ги одзела пристапите
Организациската директорка на Клиниката за токсикологија Бесија Иљази, не постапила и не ја потпишала опомената од Државниот санитарен и здравстве...
Османи: Со Рамковниот договор неопходни се две мнозинства за формирање Влада – парламентарното од 61 плус Бадентеровото
Со Рамковниот договор неопходни се две мнозинства за формирање Влада – парламентарното од 61 плус Бадентеровото, вели портпаролот на ДУИ,...
Почина таткото на Тоше Проески
Почина Никола Проески – татко на музичарот Тоше. Веста за неговата смрт на социјалните мрежи ја објави Дора, неговата ќерка....
Десна објави наводно писмо од Љупчо Палевски: Министерот Лога лаже за екстрадицијата
Политичката партија Десна на својот Фејсбук профил објави писмо од својот лидер Љупчо Палевски Палче, кој чека екстрадиција во Македонија...
Кулеба: Повеќе од половина од енергетскиот систем на Украина е оштетен во нападите на руските сили
Повеќе од половина од енергетскиот систем на Украина е оштетен во нападите на руските сили, изјави министерот за надворешни работи...
Полицијата во САД уби ученик пред училиште во Висконсин по пријава за пукање
Американската полиција убила ученик пред средно училиште во Висконсин, откако добила дојава дека таму има вооружено лице, изјави Џош Кол,...
