Daily news
Снимателот на оскаровецот „Амаркорд“ доби Златна камера 300 за животно дело
Човекот што ги сними неповторливите сцени во филмовите на Федерико Фелини, како „Амаркорд“, „Градот на жените“, „Саторикон“, Џузепе Ротуно, е добитник на Злaтнa кaмерa 300 зa живoтнo делo, на годинешното 38. издание на Фестивалот на филмска камера „Брaќa Мaнaки”, што треба да се одржи од 23 до 30 септември во Битола.
Рoтунo е рoдoнaчaлник нa пoвoениoт итaлијaнски филм кoј се нaдoврзувa нa итaлијaнскиoт неoреaлизaм.
– Имaме рекoрднa и зaслуженa зaстaпенoст нa итaлијaнски кинемaтoгрaфери. Рoтунo ќе биде нoв член вo Клубoт нa великaните. Тoј е нaјгoлемиoт жив светски кинемaтoгрaфер, кoј ги сними нaјзнaчaјните делa нa Фелини, рече директoрoт нa фестивaлoт, Блaгoјa Кунoвски-Дoре.
Својата прва повоена соработка со истакнат италијански режисер Ротуно ја имал во 1955 година со филмот „Скандал во Соренто“ на Дино Риси. Во раниот период (1957) го снимил филмот „Бели ноќи“ на Лукино Висконти, со кого во 1960 и 1963 година ќе ги сними и неговите други два антологиски филма: „Роко и неговите браќа“ и „Леопард“. Претходно, во 1959 година, Ротуно го снимил исто така антологискиот филм „Големата војна“ на режисерот Марио Моничели.
Овој италијански кинематографер имал соработка и со режисери кои не се од Италија, како Мајк Николс и Тери Гилијамс, како и со Боб Фос – режисер на филмот награден со Оскар – „Сиот тој џез“.
Рoтунo имa 94 гoдини и немa дa дoјде вo Битoлa пo нaгрaдaтa кoјa, верoјaтнo, ќе му биде врaченa вo негoвиoт дoм вo Рим. Статуетката на наградата ја изработи Димитар Филиповски.
Триесет и oсмиот ИФФК „Брaќa Мaнaки” ќе се oдржувa oд 23 дo 30 септември 2017, пoд мoтoтo „Movie On! Touch the Light”. Директорот на ИФФК, Куновски, и претседателот на Друштвото на филмски работници на Македонија, Роберт Насков, на прес-конференцијата се пожалија дека со Агенцијата за филм на Република Македонија сè уште немаат потпишано договор за организација на годинашниот фестивал и побараа Министерството за култура да се заложи за решавање на проблемот. крај/мф/ав
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Daily news
Награда за „Бизнисот на задоволството“ на фестивалот во САД, кој ги откри Спилберг и Џорџ Лукас
Долгометражниот филм „Бизнисот на задоволството“ на Гоце Цветaновски е добитник на наградата „Сребрено реми“ на „Хјустон интернешнал филм фестивал“ (WorldFest-Houston International Film Festival) во САД.
Овој значаен фестивал, кој постои цели 57 години е еден од најстарите во Америка и најстар во светот за независни филмови. Се гордее со тоа што во својата историја им ги доделил првите награди на легендарни режисери како што се Стивен Спилберг, Џорџ Лукас, Анг Ли, браќата Коен, Ридли Скот, Брајан де Палма, Оливер Стоун, Роберт Родригез, Спајк Ли, Дејвид Линч и уште многу други.
„Ова е голем успех. Да бидеш награден во конкуренција од над 4.000 филмови од 70 држави, е признание кое ја потврдува естетската вредност на филмот. Дефинитивно влеговме во убаво друштво, со оглед на тоа кој се’ е добитник на „Реми награда“ во историјата на фестивалот. И’ честитам на целата екипа којашто допринесе за меѓународниот успех на филмот и едвај чекам сите да се собереме повторно и во септември да го претставиме филмот пред македонската публика.“, рече режисерот Гоце Цветановски.
Наградата е деветта по ред на филмските фестивали во светот, а трета во САД, откако претходно „Бизнисот на задоволството“ го доби признанието за најдобар филм на „Риверсајд филм фестивал“ во Калифорнија и за највпечатлив филм во Седона, Аризона.
Улогите ги толкуваат Муса Исуфи, Слаѓана Вујошевиќ, Исмаил Касуми, Дамјан Цветановски, Осман Ахмети, Елени Декидис, Мендим Муртези, Егзона Салиху, Авни Далипи и Катерина Коцевска, а Цветановски го потпишува и сценариото. Продуценти на филмот се Дритон Рамадани, Богдан Јончевски и Гоце Цветановски.
Снимен е со поддршка на Агенцијата за филм.
Daily news
Прва правна конференција Tres Partes
На 26 декември година во хотелот „Континентал“, со почеток во 10 часот, ќе се одржи првата правна конференција Tres partes, во организација на „Јанаки знае“, а ќе биде поделена во три дела.
Првиот дел е со работен наслов „Дали е потребно укинување на извршителите?”, на кој ќе учествуваат Зоран Василевски, кој ќе ја застапува тезата ПРО укинување на извршителите, извршител Снежана Андреевска, која ќе ја застапува тезата КОНТРА укинување на извршителите и извршител и поранешен судија за извршување, Христо Јованов, кој ќе предава во делот на извршувањето пред да се укинат судиите извршители.
Вториот дел е со работен наслов „Дали се шаблонизира институтот надомест на нематеријална штета“, на која предавачи ќе бидат адвокатката Маруша Митровска, судијката Љубица Колиќ од Основен суд Скопје 2 и судијата Ѓорѓи Радојков од Апелациониот суд Скопје.
Третиот т.н. кривичен дел е со работен наслов „Неприменување на кривично-правните институти“, во кој предавачи ќе бидат адвокатот Јанаки Митровски, Никола Тупанчевски, редовен професор по казнено право при „Јустинијан Први“, Александра Деаноска, вонредна професорка по казнено право при „Јустинијан Први“, и Оља Ристова, судијка при Основниот суд Скопје 1.
Предвиден е и интерактивен дел со публиката преку поставување прашања и коментари од учесниците.
Daily news
Груевски оди во затвор – Апелација му ја потврди казната
Апелациониот суд Скопје, постапувајќи по кривичниот предмет познат во јавноста под името „Тенк“ по одржана јавна седница, донесе пресуда со која му ја потврди двегодишната затворска казна на премиерот Никола Груевски. „Жалбите на обвинетиот Никола Груевски изјавени лично и преку неговите бранители ги одби како неосновани, а првостепената пресуда ја потврди во целост, со што му ги потврди двете години затворска казна“, пишува во соопштението од судот.
Второстепениот суд делумно му ја уважи жалбата на Ѓоко Поповски и му ја намали казната на 4 години и 6 месеци, а во останатиот дел првостепената одлука ја потврди.
За Гордана Јанкулоска за „Тенк“ е издвоена во друга постапка и пресудата за неа, под обвинение дека ја злоупотребила службената положба и го натерала Поповски да го намести тендерот за „мерцедесот“ што го посакал Груевски, ќе биде изречена на 8 октомври.