Daily news
Трките во Франција и на Хокенхајм се враќаат во Ф1
Светската автомобилистичка федерација (ФИА) го објави нацрт календарот за наредната сезона во Формула 1. ФИА планира во 2018 година да се вози 21 трка. Во календарот се враќаат трките во Франција и Германија, додека неизвесно е одржувањето на трките во Кина и Сингапур.
Сезоната 2018 традиционално ќе почне во Австралија, трката во Мелбурн ќе се вози на 25 март, а ќе заврши на 25 ноември во Абу Даби.
На нацерт календарот се наоѓаат и трките во Кина и Сингапур, иако сè уште не е потврдено дека тие ќе се возат. ФИА во календарот ги врати трките за големите награди на Франција и Германија.
ГН на Франција во Ф1 се враќа по една деценија, но наредната година таа наместо во „Мањи кур“, ќе се вози на патеката „Пол Рикар“ во Прованса. ГН на Германија се враќа на патеката „Хокенхајм“, кој го замени домаќинството со „Нинбургринг“.
Наредната сезона првпат ќе се возат три трки во три недели (Франција 24 јуни, Австрија 1 јули, Велика Британија 8 јули).
Големата награда на Азербејџан, која на програмата е наредниот викенд, следната година ќе се вози на 29 април, додека ГН на Русија во 2018 година на програмата ќе биде на 30 септември.
Нацрт календар за 2018:
25 март Австралија (Алберт парк)
8 април Кина (Шангај)*
15 април Бахреин (Сакир)
29 април Азербејџан (Баку)
13 мај Шпанија (Каталуња)
27 мај Монако (Монте Карло)
10 јуни (Канада (Жил Вилнев)
24 јуни Франција (Пол Рикар)
1 јули Австрија (Ред Бул ринг)
8 јули Велика Британија (Силверстон)
22 јули Германија (Хокенхајм)
29 јули Унгарија (Хунгароринг)
26 август Белгија (Спа Франкошамп)
2 септември Италија (Монца)
16 септември Сингапур (Марина беј )*
30 септември Русија (Сочи)
7 октомври Јапонија (Сузука)
21 октомври САД (Остин)
28.октомври Мемсико (максико сити)
11.ноември Бразил (Интерлагос)
25.ноември Абу Даби (Јас марина). н.ц.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Daily news
Награда за „Бизнисот на задоволството“ на фестивалот во САД, кој ги откри Спилберг и Џорџ Лукас
Долгометражниот филм „Бизнисот на задоволството“ на Гоце Цветaновски е добитник на наградата „Сребрено реми“ на „Хјустон интернешнал филм фестивал“ (WorldFest-Houston International Film Festival) во САД.
Овој значаен фестивал, кој постои цели 57 години е еден од најстарите во Америка и најстар во светот за независни филмови. Се гордее со тоа што во својата историја им ги доделил првите награди на легендарни режисери како што се Стивен Спилберг, Џорџ Лукас, Анг Ли, браќата Коен, Ридли Скот, Брајан де Палма, Оливер Стоун, Роберт Родригез, Спајк Ли, Дејвид Линч и уште многу други.
„Ова е голем успех. Да бидеш награден во конкуренција од над 4.000 филмови од 70 држави, е признание кое ја потврдува естетската вредност на филмот. Дефинитивно влеговме во убаво друштво, со оглед на тоа кој се’ е добитник на „Реми награда“ во историјата на фестивалот. И’ честитам на целата екипа којашто допринесе за меѓународниот успех на филмот и едвај чекам сите да се собереме повторно и во септември да го претставиме филмот пред македонската публика.“, рече режисерот Гоце Цветановски.
Наградата е деветта по ред на филмските фестивали во светот, а трета во САД, откако претходно „Бизнисот на задоволството“ го доби признанието за најдобар филм на „Риверсајд филм фестивал“ во Калифорнија и за највпечатлив филм во Седона, Аризона.
Улогите ги толкуваат Муса Исуфи, Слаѓана Вујошевиќ, Исмаил Касуми, Дамјан Цветановски, Осман Ахмети, Елени Декидис, Мендим Муртези, Егзона Салиху, Авни Далипи и Катерина Коцевска, а Цветановски го потпишува и сценариото. Продуценти на филмот се Дритон Рамадани, Богдан Јончевски и Гоце Цветановски.
Снимен е со поддршка на Агенцијата за филм.
Daily news
Прва правна конференција Tres Partes
На 26 декември година во хотелот „Континентал“, со почеток во 10 часот, ќе се одржи првата правна конференција Tres partes, во организација на „Јанаки знае“, а ќе биде поделена во три дела.
Првиот дел е со работен наслов „Дали е потребно укинување на извршителите?”, на кој ќе учествуваат Зоран Василевски, кој ќе ја застапува тезата ПРО укинување на извршителите, извршител Снежана Андреевска, која ќе ја застапува тезата КОНТРА укинување на извршителите и извршител и поранешен судија за извршување, Христо Јованов, кој ќе предава во делот на извршувањето пред да се укинат судиите извршители.
Вториот дел е со работен наслов „Дали се шаблонизира институтот надомест на нематеријална штета“, на која предавачи ќе бидат адвокатката Маруша Митровска, судијката Љубица Колиќ од Основен суд Скопје 2 и судијата Ѓорѓи Радојков од Апелациониот суд Скопје.
Третиот т.н. кривичен дел е со работен наслов „Неприменување на кривично-правните институти“, во кој предавачи ќе бидат адвокатот Јанаки Митровски, Никола Тупанчевски, редовен професор по казнено право при „Јустинијан Први“, Александра Деаноска, вонредна професорка по казнено право при „Јустинијан Први“, и Оља Ристова, судијка при Основниот суд Скопје 1.
Предвиден е и интерактивен дел со публиката преку поставување прашања и коментари од учесниците.
Daily news
Груевски оди во затвор – Апелација му ја потврди казната
Апелациониот суд Скопје, постапувајќи по кривичниот предмет познат во јавноста под името „Тенк“ по одржана јавна седница, донесе пресуда со која му ја потврди двегодишната затворска казна на премиерот Никола Груевски. „Жалбите на обвинетиот Никола Груевски изјавени лично и преку неговите бранители ги одби како неосновани, а првостепената пресуда ја потврди во целост, со што му ги потврди двете години затворска казна“, пишува во соопштението од судот.
Второстепениот суд делумно му ја уважи жалбата на Ѓоко Поповски и му ја намали казната на 4 години и 6 месеци, а во останатиот дел првостепената одлука ја потврди.
За Гордана Јанкулоска за „Тенк“ е издвоена во друга постапка и пресудата за неа, под обвинение дека ја злоупотребила службената положба и го натерала Поповски да го намести тендерот за „мерцедесот“ што го посакал Груевски, ќе биде изречена на 8 октомври.