Daily news
Проблеми што ги имаат жените со голем задник
Ретко кога целосно ви одговараат некои фармерки
Големи се шансите дека тие ќе бидат преголеми во еден дел, а премали во друг. Доколку ви се точни кај половината, кај бутините изгледаат како дека ќе пукнат секој момент, ако ви се точни кај колковите, областа кај половината секогаш ви стои отворена.
Чувствувате и љубов и омраза кон панталоните кои се растегнуваат
Тие се толку удобни, но не можете да ги носите никаде без да чувствувате дека со нив привлекувате премногу внимание.
Кратките панталони постојано ви се качуваат нагоре додека одите
Со нетрпение чекате да се најдете во ситуација каде што никој не ве гледа со цел да ги спуштите надолу, а истото се случува со здолништата.
Не можете да облечете фармерки без процесот „скокни и повлечи“
Редовно скокате низ вашиот дом во обид да ги облечете вашите тесни фармерки.
Вие сте познати како девојката со големиот задник
Постојано се нервирате зошто никој не ви се обраќа со вашето име.
По секоја пуштена машина за алишта, вие сте убедени дека вашата облека се смалува, а не дека вашиот задник се зголемува
Постојано ја одржувате истата тежина и нема друго логично објаснување за тоа што се случува.
Тесните фармерки не се ваши пријатели
Тесните фармерки изгледаат многу убаво на куклите во излозите, но секој пат кога вие ќе се обидете да ги облечете сфаќате дека тие едноставно не се за вас. Со ниската половина и самиот дизајн на овие фармерки едноставно во нив нема доволно место за вашиот задник.
Имате потешкотии кога треба да поминете покрај луѓе за да стигнете до вашето седиште на стадион или во кино
Има толку малку простор помеѓу нив и вашиот задник што потребно е да бидете премногу внимателни со цел да не ги удрите нив или нивните пијалаци на поминување.
Мразите да се качувате по скали пред други луѓе
Идејата дека вашиот задник е на иста линија со лицето на некој странец е доволно застрашувачка, затоа постојано го одбирате лифтот.
Невозможно е да одговорите на прашањето „Која големина носите?“
На различен дел од вашето тело му прилега различна големина, па токму затоа мора да правите различни комбинации на облека или, пак, дополнително да ја поправате откако ќе ја купите со цел да „легне“ соодветно на вашето тело.
Или сте научиле да шиете или сте потрошиле многу пари на кројачи
Досега не се случило ниту една купена облека совршено да одговара на формата на вашето тело.
Морате да вложите повеќе труд во вежбалница за да се изборите со гравитацијата
Никој не сака виснат задник, па токму затоа постојано вежбате со цел да го одржите вашето тело во форма.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Daily news
Прва правна конференција Tres Partes
На 26 декември година во хотелот „Континентал“, со почеток во 10 часот, ќе се одржи првата правна конференција Tres partes, во организација на „Јанаки знае“, а ќе биде поделена во три дела.
Првиот дел е со работен наслов „Дали е потребно укинување на извршителите?”, на кој ќе учествуваат Зоран Василевски, кој ќе ја застапува тезата ПРО укинување на извршителите, извршител Снежана Андреевска, која ќе ја застапува тезата КОНТРА укинување на извршителите и извршител и поранешен судија за извршување, Христо Јованов, кој ќе предава во делот на извршувањето пред да се укинат судиите извршители.
Вториот дел е со работен наслов „Дали се шаблонизира институтот надомест на нематеријална штета“, на која предавачи ќе бидат адвокатката Маруша Митровска, судијката Љубица Колиќ од Основен суд Скопје 2 и судијата Ѓорѓи Радојков од Апелациониот суд Скопје.
Третиот т.н. кривичен дел е со работен наслов „Неприменување на кривично-правните институти“, во кој предавачи ќе бидат адвокатот Јанаки Митровски, Никола Тупанчевски, редовен професор по казнено право при „Јустинијан Први“, Александра Деаноска, вонредна професорка по казнено право при „Јустинијан Први“, и Оља Ристова, судијка при Основниот суд Скопје 1.
Предвиден е и интерактивен дел со публиката преку поставување прашања и коментари од учесниците.
Daily news
Груевски оди во затвор – Апелација му ја потврди казната
Апелациониот суд Скопје, постапувајќи по кривичниот предмет познат во јавноста под името „Тенк“ по одржана јавна седница, донесе пресуда со која му ја потврди двегодишната затворска казна на премиерот Никола Груевски. „Жалбите на обвинетиот Никола Груевски изјавени лично и преку неговите бранители ги одби како неосновани, а првостепената пресуда ја потврди во целост, со што му ги потврди двете години затворска казна“, пишува во соопштението од судот.
Второстепениот суд делумно му ја уважи жалбата на Ѓоко Поповски и му ја намали казната на 4 години и 6 месеци, а во останатиот дел првостепената одлука ја потврди.
За Гордана Јанкулоска за „Тенк“ е издвоена во друга постапка и пресудата за неа, под обвинение дека ја злоупотребила службената положба и го натерала Поповски да го намести тендерот за „мерцедесот“ што го посакал Груевски, ќе биде изречена на 8 октомври.
Daily news
Бизнисменот Минчо Јорданов треба да сведочи дали бил уценет со пари во шпионската афера
Бизнисменот Минчо Јорданов утрово во кривичниот суд е повикан да сведочи во предметот што го презеде специјалното јавно обвинителство под кодно име „Шпион“.
Обвинетите Миќо Наскоски, Зоран Божиновски и Марјан Маџовски, како што рече на минатото рочиште обвинителката Елизабета Јосифовска, со цел да се стекнат со противправна имотна корист, му се заканиле на бизнисменот Минчо Јорданов дека ќе објават податоци за наводна криминална приватизација и откуп на акциите во АД „Бетон“ и на други негови фирми. Во намерата не успеале, а Јорданов не ги исплатил парите.
„Обвинетиот Александар Диневски прибавувал податоци со степен на државна тајна, а потоа ги доставувал или директно на странските разузнавачки служби или му ги давал на обвинетиот Марјан Ефремов, кој ја формирал групата за уцени, изнуди и шпионажа и ја координирал од 2009 до 2013 година, регрутирајќи нови членови во мрежата. Со обвинетиот Мирослав Зафировски од УБК прибирале податоци за луѓе од ЦИА присутни во Македонија и за штаб на ЦИА во Ирак. Тие прибирале и податоци за организациската поставеност на УБК“, рече Јосифовска за „Шпион“, кое СЈО врз база на нови прислушувани разговори го презеде од Обвинителството за гонење организиран криминал и корупција.
Ефремов, според обвинението, групата за изнуда и тргување со тајни информации од безбедносните служби на Македонија ја направил во 2009 година и, како што тврди обвинителството, тој е мозокот на целата операција. Информациите им ги продавале на Кост Н. од грчката разузнавачка служба, Петар Н. и Јуриј Н. од унгарската и на други лица од странски разузнавачки служби.
Секој од обвинетите, зависно од тоа во која институција работел, снимал службени документи, кои потоа им ги продавал на грчката, руската, унгарската и српската разузнавачка служба. Обвинети во овој случај се и тогашниот шеф на Кабинетот на претседателот на Собранието, Трајко Вељаноски, генералот Горан Стојков, Миќо Насковски, Ѓорѓи Хаџимицев, Цветан Дамјановски (заедно со други нивни колеги од МВР, УБК, АР и Военото разузнавање, кои дел се веќе осудени) и Зоран Божиновски, кој во групата имал улога ако уценуваните не дадат пари, тој да ги објавува, како што вели обвинителката, во порталот „Буревесник“ или во други медиуми во кои работел. Божиновски е обвинет за злосторничко здружување, шпионажа и уцена.
Обвинетите не се чувствуваат виновни, а тврдат и дека целиот процес е монтиран. Во предметот првично беа опфатени 19 лица, од кои неколкумина ја одлежаа затворската казна. Предметот го суди судијата Владимир Туфегџиќ. На конференциска врска треба да сведочи и Драган Даравелски, кој, според обвинението, исто така бил уценуван од обвинетите.