Daily news
Заврши одбранбено-безбедносниот „Летен кампус 2017“
Со свечена церемонија во центарот за обука „Пепелиште“, денеска беше затворен осмиот меѓународен високо-образовен обранбено безбедносен проект „Летен кампус 2017“.
На затворањето, заменик-министерот за одбрана, Беким Максути, посочи дека Летниот кампус претставува пример за презентација на меѓународната соработка и партнерството на земјите од регионот и пошироко во областа на военото образование и одбраната.
„Сите земји учеснички се наши долгогодишни партнери кои што се посветени на градење квалитетни кадри и подготвени се за инвестирање во идните генерации на офицери“, рече заменик-министерот Максути и додаде дека со овој проект Република Македонија уште еднаш покажа дека е силно посветена на процесот на изградба на капацитети кои се неопходни за новите безбедносни предизвици.
Заменик-министерот истакна дека оваа година Летниот кампус имаше интересни теми и богата програма, особено што фокусот беше ставен на миграциските кризи и меѓународниот воен одговор, а кампусот беше посветен на 100-годишнината од Дојранската битка во Првата светска војна. „Оваа година Летниот кампус се разликуваше од претходните, по тоа што фокусот беше ставен на академската елаборација на различни теми, но со иста цел – воспоставување на моќна мрежа на идните офицери и нивна подготовка за идна интероперабилност и соработка“, рече замник-министерот.
„Да учите интензивно и да работите чесно и посветено. Високото образование на секој млад претставува незаборавен период посветен на стекнување на најсовремени знаења и вештини и стекнување на нови долготрајни пријателства. Вашите високи воени знаења и вештини, вашите лидерски способности, креативност, храброст, етика и интегритет им се потребни на националните вооружени и безбедносни сили, но и на меѓународната заедница. Вашето школување во исти клупи, на исти полигони за обука, заедничките меѓусебни пријателства се влог за висока меѓусебна доверба и соработка во Регионот и пошироко во НАТО и ЕУ“ им порача заменик-министерот на питомците-учесници на Кампусот.
„Летниот кампус 2017“ се реализираше од 27 јуни, а дел од него беа 116 питомци од 12 земји како и студенти од Универзитетите во Република Македонија. Најголем дел од земјите учеснички се водечки земји членки на НАТО меѓу кои Соединетите Американски Држави, Германија, Норвешка, Полска, Чешка, Романија, Бугарија, Албанија, Црна Гора, како и земјите од регионот Босна и Херцеговина, Косово и Република Македонија како домаќин.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Daily news
Измамници се претставувале како Бред Пит и навеле обожавателки да веруваат дека почнале романтична врска со него
Во Шпанија уапсени се пет лица кои изнудиле 325.000 евра од две жени претставувајќи се како познатиот американски актер Бред Пит, соопшти денеска МВР на таа земја на својата официјална веб-страница.
Во текот на истрагата се покажа дека криминалците контактирале со своите жртви преку веб-страница за обожаватели на американскиот актер, ја добиле нивната доверба и ги навеле да веруваат дека почнале романтична врска со Бред Пит.
Потоа со лажно претставување ги натерале жртвите да инвестираат во комерцијални проекти.
Daily news
Спаси жена што сакаше да скокне од мост, а со години бесплатно ги хранеше бездомниците: Џон Бон Џови ја враќа вербата во човештвото
Познатиот рокер Џон Бон Џови пред десетина дена беше тема на сите светски медиуми кога убеди непозната жена да не скокне од мост. Овој потег не е единствениот што ја докажува неговата емпатија и хуманост кон луѓето што не ги познава.
Џон Бон Џови, американскиот музичар и фронтмен на познатиот бенд „Бон Џови“, на пешачкиот мост го снимал спотот за песната The People’s House кога од другата страна на оградата забележал жена.
На снимките од надзорните камери што ги сподели локалната полиција може да се види како Џон со член на својата екипа ѝ приоѓа на потресена жена. Потоа се потпрел на оградата и почнал да разговара со неа повикувајќи ја да се врати на безбедно по што ѝ помогнал да се прекачи преку оградата.
Бон Џови потоа ја прегрна и тие стоеја така околу една минута пред заедно да одат по мостот.
Полицискиот оддел Метрополитен во Нешвил го сподели видеото на нивниот канал на „Јутјуб“ и рече дека пејачот ѝ помогнал на очајна жена.
Секоја чест за Џон Бон Џови и неговиот тим што ѝ помогнаа на една жена на пешачкиот мост „Сејгенталер“ во вторникот вечерта.
„Бон Џови успеа да ја убеди да се симне од платформата на мостот на реката Камберленд на безбедно“, објави полицијата на платформата X.
Обожавателите на рокерот не беа изненадени од неговиот потег. Имено, тој во 2011 година основал непрофитна организација, односно синџир ресторани, каде што немало ценовници, а плаќањето на сметката било опционално.
Daily news
Награда за „Бизнисот на задоволството“ на фестивалот во САД, кој ги откри Спилберг и Џорџ Лукас
Долгометражниот филм „Бизнисот на задоволството“ на Гоце Цветaновски е добитник на наградата „Сребрено реми“ на „Хјустон интернешнал филм фестивал“ (WorldFest-Houston International Film Festival) во САД.
Овој значаен фестивал, кој постои цели 57 години е еден од најстарите во Америка и најстар во светот за независни филмови. Се гордее со тоа што во својата историја им ги доделил првите награди на легендарни режисери како што се Стивен Спилберг, Џорџ Лукас, Анг Ли, браќата Коен, Ридли Скот, Брајан де Палма, Оливер Стоун, Роберт Родригез, Спајк Ли, Дејвид Линч и уште многу други.
„Ова е голем успех. Да бидеш награден во конкуренција од над 4.000 филмови од 70 држави, е признание кое ја потврдува естетската вредност на филмот. Дефинитивно влеговме во убаво друштво, со оглед на тоа кој се’ е добитник на „Реми награда“ во историјата на фестивалот. И’ честитам на целата екипа којашто допринесе за меѓународниот успех на филмот и едвај чекам сите да се собереме повторно и во септември да го претставиме филмот пред македонската публика.“, рече режисерот Гоце Цветановски.
Наградата е деветта по ред на филмските фестивали во светот, а трета во САД, откако претходно „Бизнисот на задоволството“ го доби признанието за најдобар филм на „Риверсајд филм фестивал“ во Калифорнија и за највпечатлив филм во Седона, Аризона.
Улогите ги толкуваат Муса Исуфи, Слаѓана Вујошевиќ, Исмаил Касуми, Дамјан Цветановски, Осман Ахмети, Елени Декидис, Мендим Муртези, Егзона Салиху, Авни Далипи и Катерина Коцевска, а Цветановски го потпишува и сценариото. Продуценти на филмот се Дритон Рамадани, Богдан Јончевски и Гоце Цветановски.
Снимен е со поддршка на Агенцијата за филм.