Daily news
Ибрахими: БЕСА подготвува нов закон за употреба на албанскиот јазик
„Ова е текст кој е добро концепиран и е презицен. Што се однесува на содржината, која треба да стане реалност, ќе треба да почекаме. Иако Владата го дава својот придонес за да се направат потребните реформи за организирањето на изборите, за жал, иако сме во вториот дел од јули, сè уште во ДИК не може да се види новиот состав на пратеничките групи. Што се однесува до работата на Собранието, можам да кажам дека само денеска Движењето „Беса“ ги има предложено своите кандидати на сите пратенички тела на Собранието – изјави денеска во Собранието Зекирија Ибрахими од Движењето „Беса“.
Тој вели дека БЕСА носи одлуки кои се автономни и кои ги презема врз основа на партискиот и интересот на Албанците во Републикa Македонија.
„Што се однесува до законот за албанскиот јазик, сакам да кажам дека навистина чекавме владата да нè консултира за содржината на истиот, но тие немаат сè уште направено таков чекор. Ние веќе пишуваме еден закон за употреба на албанскиот јазик, а кога ќе оцениме дека е потребно, ќе го предложиме до Собранието. Околку реформите во администрацијата, Албанците со години наназад се без унапредување, а треба да се систематизираат и унапредат. Во делот на реформите во судството, мислам дека Албанците во Македонија цело време имаа сомнеж дали е праведен овој систем. Би сакал новата Влада, да предложи мерки за непристрасност и еднаквост на судот. Работата на СЈО уште не ги има оправдано очекувањата бидејќи секогаш кога се спомнува темата за правосудството, на Албанците паметот им оди на два случаи, а тоа се ‘Сопот’ и ‘Монструм’. Борбата против корупицјата не треба да препознава етничка, ниту партиска припадност, но, за жал, не сме убедени дека тоа е така. Во делот на борбата против екстремизмот, треба да кажам дека владата треба да направи прецизна дефиниција што подразбира под тој термин. Органите на редот треба да ја извршат својата задача, но треба да внимаваме како се храни екстремизмот кај граѓаните од Македонија и да внимаваме со што се служат учениците, односно од какви учебници учат“ – рече Ибрахими.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Daily news
Награда за „Бизнисот на задоволството“ на фестивалот во САД, кој ги откри Спилберг и Џорџ Лукас
Долгометражниот филм „Бизнисот на задоволството“ на Гоце Цветaновски е добитник на наградата „Сребрено реми“ на „Хјустон интернешнал филм фестивал“ (WorldFest-Houston International Film Festival) во САД.
Овој значаен фестивал, кој постои цели 57 години е еден од најстарите во Америка и најстар во светот за независни филмови. Се гордее со тоа што во својата историја им ги доделил првите награди на легендарни режисери како што се Стивен Спилберг, Џорџ Лукас, Анг Ли, браќата Коен, Ридли Скот, Брајан де Палма, Оливер Стоун, Роберт Родригез, Спајк Ли, Дејвид Линч и уште многу други.
„Ова е голем успех. Да бидеш награден во конкуренција од над 4.000 филмови од 70 држави, е признание кое ја потврдува естетската вредност на филмот. Дефинитивно влеговме во убаво друштво, со оглед на тоа кој се’ е добитник на „Реми награда“ во историјата на фестивалот. И’ честитам на целата екипа којашто допринесе за меѓународниот успех на филмот и едвај чекам сите да се собереме повторно и во септември да го претставиме филмот пред македонската публика.“, рече режисерот Гоце Цветановски.
Наградата е деветта по ред на филмските фестивали во светот, а трета во САД, откако претходно „Бизнисот на задоволството“ го доби признанието за најдобар филм на „Риверсајд филм фестивал“ во Калифорнија и за највпечатлив филм во Седона, Аризона.
Улогите ги толкуваат Муса Исуфи, Слаѓана Вујошевиќ, Исмаил Касуми, Дамјан Цветановски, Осман Ахмети, Елени Декидис, Мендим Муртези, Егзона Салиху, Авни Далипи и Катерина Коцевска, а Цветановски го потпишува и сценариото. Продуценти на филмот се Дритон Рамадани, Богдан Јончевски и Гоце Цветановски.
Снимен е со поддршка на Агенцијата за филм.
Daily news
Прва правна конференција Tres Partes
На 26 декември година во хотелот „Континентал“, со почеток во 10 часот, ќе се одржи првата правна конференција Tres partes, во организација на „Јанаки знае“, а ќе биде поделена во три дела.
Првиот дел е со работен наслов „Дали е потребно укинување на извршителите?”, на кој ќе учествуваат Зоран Василевски, кој ќе ја застапува тезата ПРО укинување на извршителите, извршител Снежана Андреевска, која ќе ја застапува тезата КОНТРА укинување на извршителите и извршител и поранешен судија за извршување, Христо Јованов, кој ќе предава во делот на извршувањето пред да се укинат судиите извршители.
Вториот дел е со работен наслов „Дали се шаблонизира институтот надомест на нематеријална штета“, на која предавачи ќе бидат адвокатката Маруша Митровска, судијката Љубица Колиќ од Основен суд Скопје 2 и судијата Ѓорѓи Радојков од Апелациониот суд Скопје.
Третиот т.н. кривичен дел е со работен наслов „Неприменување на кривично-правните институти“, во кој предавачи ќе бидат адвокатот Јанаки Митровски, Никола Тупанчевски, редовен професор по казнено право при „Јустинијан Први“, Александра Деаноска, вонредна професорка по казнено право при „Јустинијан Први“, и Оља Ристова, судијка при Основниот суд Скопје 1.
Предвиден е и интерактивен дел со публиката преку поставување прашања и коментари од учесниците.
Daily news
Груевски оди во затвор – Апелација му ја потврди казната
Апелациониот суд Скопје, постапувајќи по кривичниот предмет познат во јавноста под името „Тенк“ по одржана јавна седница, донесе пресуда со која му ја потврди двегодишната затворска казна на премиерот Никола Груевски. „Жалбите на обвинетиот Никола Груевски изјавени лично и преку неговите бранители ги одби како неосновани, а првостепената пресуда ја потврди во целост, со што му ги потврди двете години затворска казна“, пишува во соопштението од судот.
Второстепениот суд делумно му ја уважи жалбата на Ѓоко Поповски и му ја намали казната на 4 години и 6 месеци, а во останатиот дел првостепената одлука ја потврди.
За Гордана Јанкулоска за „Тенк“ е издвоена во друга постапка и пресудата за неа, под обвинение дека ја злоупотребила службената положба и го натерала Поповски да го намести тендерот за „мерцедесот“ што го посакал Груевски, ќе биде изречена на 8 октомври.