Daily news
Стремејќи се кон среќата ги правиме овие девет грешки
Додека усвојувањето на среќните навики може да биде начин да бидете задоволни во секојдневниот живот, можно е тие да ви донесат повеќе штета од корист, кога се работи за нашата вкупна, долгорочна сатисфакција, а за тоа да не сте ни свесни.
Девет најчести грешки кои веројатно ги правите, а кои се штетни по вашата среќа.
Во својот говор на ТЕД за моќта на ранливоста, професорката од Универзитетот во Хјустон Брене Браун тврди дека со бегањето од лошите емоции всушност ја намалуваме својата можност да чувствуваме среќа. Кога бегаме од тешки чувства, вели Браун, ја сокриваме радоста, благодарноста и среќата. Нашиот природен стремеж да ја избегнеме болката, со други зборови може да биде причина што не постигнуваме ултимативно задоволство.
Се поставува прашањето: Дали некои од нашите одбранбени механизми дури и малите, секојдневни навики кои ги формираме, се пречка на патот кон среќата?
Додека усвојувањето на среќните навики може да биде начин да бидете задоволни во секојдневниот живот, можно е тие да ви донесат повеќе штета од корист, кога се работи за нашата вкупна, долгорочна сатисфакција, а за тоа да не сте ни свесни.
Девет најчести грешки кои веројатно ги правите, а кои се штетни по вашата среќа.
Ставате преголем акцент на исполнетоста
Преголемата фокусираност на постигнувањето на среќа може да ве направи несреќни. Според истражувањето спроведено на Универзитетот во Денвер, стремежот кон среќата може уште повеќе да ве оддалечи од неа. Студијата откри дека тие кои вршат поголем притисок на себе за да бидат среќни, се чувствуваат поосамени на дневна база од тие кои не го прават тоа. Личниот притисок, од која било причина, е доволен да произведе стрес и да влијае на целата наша среќа и здравје.
Чувате се во себе
Додека позитивното размислување е клучно за вашата благосостојба, неуспесите во животот се неизбежни, иако треба да продолжите да бидете оптимисти, потиснувањето на чувствата во тек на тежок период може да ви штети. Плачењето е емоционален одговор на телото на надворешните искри, добри или лоши. Потиснувањето на плачењето може да го загрози вашето ментално и физичко здравје, кои се клучни за вашата среќа.
Премногу споделувате
Кристофер МекКенделс еднаш рекол дека – среќата е вистинска само кога се споделува, но во новата, дигитална ера тоа можеби не е секогаш случај. Премногу споделување, дури и ако се работи за поставување на среќен статус на Фејсбук, може да предизвика судир во романтична врска, тврди истражувањето објавено на Универзитетот во Канзас. Границата меѓу тоа што го споделувате со вашиот партнер и тоа што го споделувате со остатокот од светот станува се понејасна, а изнесувањето на премногу детали од вашиот живот може да ги направи не толку посебни за вашата врска.
Цело време сте на Фејсбук и на смартфоните
Поврзаноста со другите луѓе може да е клуч за среќа, но ако се работи за таа преку Фејсбук тоа веројатно ви штети. Неодамнешната студија на Универзитетот во Мичиген предвидува дека големите ангажмани на социјалните мрежи ќе ја намалат целата благосостојба и позитивната состојба на духот. Истражувањето откри дека колку повеќе време учесниците поминале на Фејсбук, толку полошо се чувствувале. Корисниците кои поминале најмногу време прегледувајќи ги новостите на Фејсбук, исто така имале најниско ниво на сатисфакција во текот на студијата.
Да се биде постојано конектиран исто така може да ја намали вашата среќа. Пропуштањето на важни моменти во животот обидувајќи се да ги забележите, не ви помага. Со тоа што не се одвојувате од вашиот смартфон, можеби создавате опасен круг кој ја убива вашата сатисфакција и продуктивност.
Се обидувате да имате се
Можеби мислите дека настојувањето се да постигнете, работа, дружење, домашни обврски, училишни приредби, ќе ви донесе ултимативно чувство на исполнетост, но тоа всушност го прави токму спротивното. Всушност, обидувајќи се да имате се и тоа брзо, ги уништува вашите чувства за среќа, посебно ако сте жена. Истражувањето објавено во 2011 година покажува дека вработените жени кои се обидуваат да бидат супер мајки се изложени на поголем ризик за депресија поради огромниот притисок кои го вршат сами на себе. Тие кои имаат пореална слика за балансирање на работата и дома, биле многу посреќни. Претседателката Барнард од колеџот Дебора Спар, чиј став е дена не треба да се има се, туку тоа што е важно, најдобро тоа го сумираше на група студенти на Универзитетот Колумбија. – Не можете да имате се во животот, но можете да имате работи кои ви се важни.
Не се осврнувате на минатото
Да се живее во минатото не е клуч за среќа, но препуштањето на чувството на носталгија може да ве одведе во добар правец. Во студијата од 2012 година за носталгиите и емоциите, учесниците наоѓале утеха кога размислувале за минатото. Носталгијата исто така создава физичко чувство на топлина, кое ве чини посреќни.
Не се движите
Не е тајна дека здравиот начин на живот, физички и ментален, е важен фактор за среќа. Меѓутоа, многу од нас не го практикуваат. Нешто толку едноставно како што е прошетка може да биде лесно решение и повеќекратно е корисно. Шетањето може да ви помогне подобро да размислувате, да ја зголемите својата креативност и да добиете некои од најважните витамини. Движењето на стопалата доведува до излачување на ендорфин и чувство на среќа.
Не прифаќате промени
На пример да кажаме дека вашата кариера и вашите лични околности се всушност такви какви што сте ги посакувале. Вашиот живот ви се чини прилично совршен и сакате така и да остане, но не прифаќањето на промени за краен резултат може да предизвика незадоволство. Според студијата за психолошки избор, човечкиот мозок природно се стреми да избегне загуби, но тоа ограничување може да предизвика голем стрес. Само поради тоа што сте задоволни од сегашниот живот, не значи дека треба да бегате од промени. Било да се работи за страв од непознато или страв дека ќе го изгубите тоа што моментално го имате, притисокот да се пазите од сегашномста на крај може да биде штетен за вашата среќа во иднина.
Не медитирате
Голем број истражувања ја поврзуваат медитацијата со среќата и тоа со причина. Одвојувањето време за медитирање може да поттикне позитивни мисли и да ве направи помудри, според истражувањето на УКЛА. Медитацијата може физички да го обнови мозокот, зголемувајќи ја емоционалната интелигенција и овозможувајќи побрзо усвојување на информации. Со медитација го опуштате телото, негувате чувство на благодарност и го намалувате нивото на стресот, а сето тоа е клучно за чувство на среќа.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Daily news
Прва правна конференција Tres Partes
На 26 декември година во хотелот „Континентал“, со почеток во 10 часот, ќе се одржи првата правна конференција Tres partes, во организација на „Јанаки знае“, а ќе биде поделена во три дела.
Првиот дел е со работен наслов „Дали е потребно укинување на извршителите?”, на кој ќе учествуваат Зоран Василевски, кој ќе ја застапува тезата ПРО укинување на извршителите, извршител Снежана Андреевска, која ќе ја застапува тезата КОНТРА укинување на извршителите и извршител и поранешен судија за извршување, Христо Јованов, кој ќе предава во делот на извршувањето пред да се укинат судиите извршители.
Вториот дел е со работен наслов „Дали се шаблонизира институтот надомест на нематеријална штета“, на која предавачи ќе бидат адвокатката Маруша Митровска, судијката Љубица Колиќ од Основен суд Скопје 2 и судијата Ѓорѓи Радојков од Апелациониот суд Скопје.
Третиот т.н. кривичен дел е со работен наслов „Неприменување на кривично-правните институти“, во кој предавачи ќе бидат адвокатот Јанаки Митровски, Никола Тупанчевски, редовен професор по казнено право при „Јустинијан Први“, Александра Деаноска, вонредна професорка по казнено право при „Јустинијан Први“, и Оља Ристова, судијка при Основниот суд Скопје 1.
Предвиден е и интерактивен дел со публиката преку поставување прашања и коментари од учесниците.
Daily news
Груевски оди во затвор – Апелација му ја потврди казната
Апелациониот суд Скопје, постапувајќи по кривичниот предмет познат во јавноста под името „Тенк“ по одржана јавна седница, донесе пресуда со која му ја потврди двегодишната затворска казна на премиерот Никола Груевски. „Жалбите на обвинетиот Никола Груевски изјавени лично и преку неговите бранители ги одби како неосновани, а првостепената пресуда ја потврди во целост, со што му ги потврди двете години затворска казна“, пишува во соопштението од судот.
Второстепениот суд делумно му ја уважи жалбата на Ѓоко Поповски и му ја намали казната на 4 години и 6 месеци, а во останатиот дел првостепената одлука ја потврди.
За Гордана Јанкулоска за „Тенк“ е издвоена во друга постапка и пресудата за неа, под обвинение дека ја злоупотребила службената положба и го натерала Поповски да го намести тендерот за „мерцедесот“ што го посакал Груевски, ќе биде изречена на 8 октомври.
Daily news
Бизнисменот Минчо Јорданов треба да сведочи дали бил уценет со пари во шпионската афера
Бизнисменот Минчо Јорданов утрово во кривичниот суд е повикан да сведочи во предметот што го презеде специјалното јавно обвинителство под кодно име „Шпион“.
Обвинетите Миќо Наскоски, Зоран Божиновски и Марјан Маџовски, како што рече на минатото рочиште обвинителката Елизабета Јосифовска, со цел да се стекнат со противправна имотна корист, му се заканиле на бизнисменот Минчо Јорданов дека ќе објават податоци за наводна криминална приватизација и откуп на акциите во АД „Бетон“ и на други негови фирми. Во намерата не успеале, а Јорданов не ги исплатил парите.
„Обвинетиот Александар Диневски прибавувал податоци со степен на државна тајна, а потоа ги доставувал или директно на странските разузнавачки служби или му ги давал на обвинетиот Марјан Ефремов, кој ја формирал групата за уцени, изнуди и шпионажа и ја координирал од 2009 до 2013 година, регрутирајќи нови членови во мрежата. Со обвинетиот Мирослав Зафировски од УБК прибирале податоци за луѓе од ЦИА присутни во Македонија и за штаб на ЦИА во Ирак. Тие прибирале и податоци за организациската поставеност на УБК“, рече Јосифовска за „Шпион“, кое СЈО врз база на нови прислушувани разговори го презеде од Обвинителството за гонење организиран криминал и корупција.
Ефремов, според обвинението, групата за изнуда и тргување со тајни информации од безбедносните служби на Македонија ја направил во 2009 година и, како што тврди обвинителството, тој е мозокот на целата операција. Информациите им ги продавале на Кост Н. од грчката разузнавачка служба, Петар Н. и Јуриј Н. од унгарската и на други лица од странски разузнавачки служби.
Секој од обвинетите, зависно од тоа во која институција работел, снимал службени документи, кои потоа им ги продавал на грчката, руската, унгарската и српската разузнавачка служба. Обвинети во овој случај се и тогашниот шеф на Кабинетот на претседателот на Собранието, Трајко Вељаноски, генералот Горан Стојков, Миќо Насковски, Ѓорѓи Хаџимицев, Цветан Дамјановски (заедно со други нивни колеги од МВР, УБК, АР и Военото разузнавање, кои дел се веќе осудени) и Зоран Божиновски, кој во групата имал улога ако уценуваните не дадат пари, тој да ги објавува, како што вели обвинителката, во порталот „Буревесник“ или во други медиуми во кои работел. Божиновски е обвинет за злосторничко здружување, шпионажа и уцена.
Обвинетите не се чувствуваат виновни, а тврдат и дека целиот процес е монтиран. Во предметот првично беа опфатени 19 лица, од кои неколкумина ја одлежаа затворската казна. Предметот го суди судијата Владимир Туфегџиќ. На конференциска врска треба да сведочи и Драган Даравелски, кој, според обвинението, исто така бил уценуван од обвинетите.
Цената на осигурувањето од автоодговорност се враќа на ниво од пред 25 април, одлучи Владата
Владата ја разгледа и усвои Информацијата со Предлог- измени и дополнувања на Тарифата на премии за осигурување на сопствениците на...
„Влен“: Влада и Бадентер да, но без ДУИ и Левица
ДУИ ги напушти вредностите за кои се залагаше во 2001 кога наместо за Албанската кауза почна да се грижи единствено...
Чекајте, па ние сме на избори конкуренти, одговори Ковачевски прашан дали би им помогнале на ВМРО-ДПМНЕ ако не можат да формираат Влада
Чекајте, па ние сме на избори конкуренти, првин да ги видиме резултатите на 8 мај. Вака лидерот на СДСМ, Димитар...
ДСЗИ ќе забрани на Токсикологија да работат лица со истечени договори оти директорката, која не зборува македонски, не им ги одзела пристапите
Организациската директорка на Клиниката за токсикологија Бесија Иљази, не постапила и не ја потпишала опомената од Државниот санитарен и здравстве...
Османи: Со Рамковниот договор неопходни се две мнозинства за формирање Влада – парламентарното од 61 плус Бадентеровото
Со Рамковниот договор неопходни се две мнозинства за формирање Влада – парламентарното од 61 плус Бадентеровото, вели портпаролот на ДУИ,...
Почина таткото на Тоше Проески
Почина Никола Проески – татко на музичарот Тоше. Веста за неговата смрт на социјалните мрежи ја објави Дора, неговата ќерка....
Десна објави наводно писмо од Љупчо Палевски: Министерот Лога лаже за екстрадицијата
Политичката партија Десна на својот Фејсбук профил објави писмо од својот лидер Љупчо Палевски Палче, кој чека екстрадиција во Македонија...
Кулеба: Повеќе од половина од енергетскиот систем на Украина е оштетен во нападите на руските сили
Повеќе од половина од енергетскиот систем на Украина е оштетен во нападите на руските сили, изјави министерот за надворешни работи...
Полицијата во САД уби ученик пред училиште во Висконсин по пријава за пукање
Американската полиција убила ученик пред средно училиште во Висконсин, откако добила дојава дека таму има вооружено лице, изјави Џош Кол,...
Каевски од голтар до милионер, фатен како прави милионски проневери како директор на Агенцијата за млади и спорт, велат од ВМРО-ДПМНЕ
Каевски од голтар до милионер, фатен како прави милионски проневери како директор на Агенцијата за млади и спорт, велат од...
При уривање на автопат во јужна Кина загинаа 36 лица
Бројот на загинати во уривањето на дел од автопатот во јужната кинеска провинција Гуангдонг се искачи на 36, соопштија локалните...
Трамп: Апсењето на студенти во Њујорк „беше убаво за гледање“
Поранешниот американски претседател Доналд Трамп изјави дека е „убаво да се гледа“ како полицијата во Њујорк упадна во зградата на...
Земјотрес со јачина од 4,1 степени според Рихтер го погоди Лос Анџелес
Земјотрес со јачина од 4,1 степени според Рихтеровата скала вечерва го погоди поширокото подрачје на Лос Анџелес, соопшти Сеизмолошкиот институт...
Силјановска: Како никој не се сети да им каже во ЕУ дека самите во член 4 гарантираат немешање во внатрешните работи и почитување на уставните структури
Како може некому да ветите дека ќе го смените Уставот, кога Уставот може да го сменат само пратениците во Уставот....
СДСМ за Димитриевски: Ароганција е кога човек-партија одработува против своите довчерашни сопартијци
Ароганција е кога човек-партија одработува против своите довчерашни сопартијци и во тоа нема ништо социјалдемократски ниту вредносно туку единствено и...
Пендаровски: Не велам дека Европската преговарачка рамка е во ред, ама е договорена од 27 држави – ние или ја прифаќаме, или ја одбиваме
Во вечерашниот телевизиски дуел помеѓу двата претседателски кандидати, Пендаровски се осврна на неговиот концепт за напредок на државата, за кој,...
Борел: Западен Балкан има историска можност да ја поврзе својата иднина со ЕУ
Високиот претставник за надворешна и безбедносна политика на ЕУ, Жосеп Борел, по повод 20-годишнината од најголемото проширување на ЕУ, изјави...
Димитриевски: Ароганцијата на оние кои дозволија отварање на бугарски клубови во Македонија е ненадминлива
Движењето ЗНАМ – За наша Македонија денеска по повод празникот на трудот Први Мај организираше пикник во Пелинце. Претседателот на...
Демократски сојуз: Народот не може да создаде толку колку што власта може да украде
Демократскиот сојуз на сите работници им го честита Меѓународниот Ден на правата, 1-ви Мај. „Во услови на влошена економско-социјална положба...
„Колку повеќе не напаѓаат посилни не прават“ – Работниците дадоа црвен картон на судот поради обидите за притисоците врз синдикатите
Претседателот на ССМ Слободан Трендафилов на денешниот протест порача дека работниците даваат црвен картон на Врховниот судот за неговата одлука...
