Daily news
Седумте чуда на Украина
1. Националниот резерват на историјата и архитектурата на Камјанецј
Резерватот има вкупна површина од 121 хектара, влучувајќи ја реката Смотрич, стариот град Камјанецј, како и кањонот Смотрич, мост, комплексот од Стариот и Новиот замок.
Симболот на градот Камјанецј е Старата тврдина изградена во 17. век. Тврдината се состои од 11 кули и секоја од нив има свое име и своја историја. Најголемата кула се вика Папска, затоа што нејзината изградба ја финансирал Римскиот Папа Јулиј Втори. Таа се уште се вика Кармељукова, бидејќи тука три пати бил заробен украинскиот херој Устим Кармељук.
2. Кијевско – Печерска Лавра
Првославното светилиште го изградиле уште во времето на владењето на кнезот Јарослав во 1051 година монасите Антониј и Теодосиј во пештерите.
Во 11. век Лаврата фактички била центар на ширење на христијанството во Киевска Русија. Таа ги преживеала Првата и Втората светска војна, советското атеистичко уништување. Во 1990 година Лаврата е поместена на листата на Светското културно наследство на УНЕСКО.
3. Хотинската тврдина
Хотин е еден од најстарите градови во Украина. Го основал кнезот Владимир Велики во десеттиот век. Хотин бил еден од заштитните градови во Галичко-Волинското кнежество. Во периодот од 40-50 години од 13-от век дрвените тврдини на Хотин се заменети со камени.
Хотин преживеа многу разурнувања. Денес овој град е еден од најголемите во Чернивецката област. Во хотинската тврдина снимени се многу историски филмови „Ајванхо“, „Захар Беркут“, „Стрелите на Робин Худ“, „Тројцата мускетари“.
4. Паркот „Софијивка“
Вкупната површина на паркот е 154,7 хектари. Паркот се наоѓа на крајот на древниот град Умањ (Черкаската обалст). Паркот го основал во 1796 година богатиот Полјак, Станислав Потоцјки во чест на неговата сопруга, Софија и и го подарил на нејзинот Ден на Ангелот (во Украина не се слави слава, но секој човек го слави ден на светецот чие име тој го носи, што се вика Ден на Ангелот) во мај 1802 година. Софија замислила паркот да биде тематски – паркот има приказни од грчки легенди – тука се лавиринт на Минотаур, Атина со Аполон и паркот на розите. Паркот е отворен за посетители и еднакво е убав во кое било време од годината.
5. Софијскиот сабор
Тоа е едно од најголемите христијански светилишта во Источна Европа, историски центар на Киевската митрополија.
Според хрониката „Повјест времених лит“, Софискиот собор е изграден во 1037 година. Соборот бил центар на животот на Киевските Руси, таму се собирале луѓето за донесување на најважните државни одлуки, се венчавале кнезови, биле прогласении универзалите за независноста на Украина. Соборот претрпел многу тешки историски периоди, но сепак преживеал. Во 1990 година комплексот околу Софискиот манастир е поместен на листата на Светско културно наследство на УНЕСКО.
6. Херсонес Тавријски
Тоа е древна грчка град-држава на територијата на современиот град Севастопољ (Крим).
Херсонес е стар 2.500 години. Остатоците од древниот град Херсонес се поместени на листата на Светско културно наследство на УНЕСКО. За посетителите се интересни, бидејќи ги враќаат во времето на древна Грција, но во исто време типично грчки мотиви тука на еден хармоничен начин се мешаат со словенски орнаменти и култура.
7. Националниот парк – островот Хортица
Хортица е најголем остров на реката Дњепар. Украинските козаци го избрале како центар за Запорозјку Сич – центар на борбата за независност на украинските територии.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Daily news
Прва правна конференција Tres Partes
На 26 декември година во хотелот „Континентал“, со почеток во 10 часот, ќе се одржи првата правна конференција Tres partes, во организација на „Јанаки знае“, а ќе биде поделена во три дела.
Првиот дел е со работен наслов „Дали е потребно укинување на извршителите?”, на кој ќе учествуваат Зоран Василевски, кој ќе ја застапува тезата ПРО укинување на извршителите, извршител Снежана Андреевска, која ќе ја застапува тезата КОНТРА укинување на извршителите и извршител и поранешен судија за извршување, Христо Јованов, кој ќе предава во делот на извршувањето пред да се укинат судиите извршители.
Вториот дел е со работен наслов „Дали се шаблонизира институтот надомест на нематеријална штета“, на која предавачи ќе бидат адвокатката Маруша Митровска, судијката Љубица Колиќ од Основен суд Скопје 2 и судијата Ѓорѓи Радојков од Апелациониот суд Скопје.
Третиот т.н. кривичен дел е со работен наслов „Неприменување на кривично-правните институти“, во кој предавачи ќе бидат адвокатот Јанаки Митровски, Никола Тупанчевски, редовен професор по казнено право при „Јустинијан Први“, Александра Деаноска, вонредна професорка по казнено право при „Јустинијан Први“, и Оља Ристова, судијка при Основниот суд Скопје 1.
Предвиден е и интерактивен дел со публиката преку поставување прашања и коментари од учесниците.
Daily news
Груевски оди во затвор – Апелација му ја потврди казната
Апелациониот суд Скопје, постапувајќи по кривичниот предмет познат во јавноста под името „Тенк“ по одржана јавна седница, донесе пресуда со која му ја потврди двегодишната затворска казна на премиерот Никола Груевски. „Жалбите на обвинетиот Никола Груевски изјавени лично и преку неговите бранители ги одби како неосновани, а првостепената пресуда ја потврди во целост, со што му ги потврди двете години затворска казна“, пишува во соопштението од судот.
Второстепениот суд делумно му ја уважи жалбата на Ѓоко Поповски и му ја намали казната на 4 години и 6 месеци, а во останатиот дел првостепената одлука ја потврди.
За Гордана Јанкулоска за „Тенк“ е издвоена во друга постапка и пресудата за неа, под обвинение дека ја злоупотребила службената положба и го натерала Поповски да го намести тендерот за „мерцедесот“ што го посакал Груевски, ќе биде изречена на 8 октомври.
Daily news
Бизнисменот Минчо Јорданов треба да сведочи дали бил уценет со пари во шпионската афера
Бизнисменот Минчо Јорданов утрово во кривичниот суд е повикан да сведочи во предметот што го презеде специјалното јавно обвинителство под кодно име „Шпион“.
Обвинетите Миќо Наскоски, Зоран Божиновски и Марјан Маџовски, како што рече на минатото рочиште обвинителката Елизабета Јосифовска, со цел да се стекнат со противправна имотна корист, му се заканиле на бизнисменот Минчо Јорданов дека ќе објават податоци за наводна криминална приватизација и откуп на акциите во АД „Бетон“ и на други негови фирми. Во намерата не успеале, а Јорданов не ги исплатил парите.
„Обвинетиот Александар Диневски прибавувал податоци со степен на државна тајна, а потоа ги доставувал или директно на странските разузнавачки служби или му ги давал на обвинетиот Марјан Ефремов, кој ја формирал групата за уцени, изнуди и шпионажа и ја координирал од 2009 до 2013 година, регрутирајќи нови членови во мрежата. Со обвинетиот Мирослав Зафировски од УБК прибирале податоци за луѓе од ЦИА присутни во Македонија и за штаб на ЦИА во Ирак. Тие прибирале и податоци за организациската поставеност на УБК“, рече Јосифовска за „Шпион“, кое СЈО врз база на нови прислушувани разговори го презеде од Обвинителството за гонење организиран криминал и корупција.
Ефремов, според обвинението, групата за изнуда и тргување со тајни информации од безбедносните служби на Македонија ја направил во 2009 година и, како што тврди обвинителството, тој е мозокот на целата операција. Информациите им ги продавале на Кост Н. од грчката разузнавачка служба, Петар Н. и Јуриј Н. од унгарската и на други лица од странски разузнавачки служби.
Секој од обвинетите, зависно од тоа во која институција работел, снимал службени документи, кои потоа им ги продавал на грчката, руската, унгарската и српската разузнавачка служба. Обвинети во овој случај се и тогашниот шеф на Кабинетот на претседателот на Собранието, Трајко Вељаноски, генералот Горан Стојков, Миќо Насковски, Ѓорѓи Хаџимицев, Цветан Дамјановски (заедно со други нивни колеги од МВР, УБК, АР и Военото разузнавање, кои дел се веќе осудени) и Зоран Божиновски, кој во групата имал улога ако уценуваните не дадат пари, тој да ги објавува, како што вели обвинителката, во порталот „Буревесник“ или во други медиуми во кои работел. Божиновски е обвинет за злосторничко здружување, шпионажа и уцена.
Обвинетите не се чувствуваат виновни, а тврдат и дека целиот процес е монтиран. Во предметот првично беа опфатени 19 лица, од кои неколкумина ја одлежаа затворската казна. Предметот го суди судијата Владимир Туфегџиќ. На конференциска врска треба да сведочи и Драган Даравелски, кој, според обвинението, исто така бил уценуван од обвинетите.