Daily news
Чудотворен пијалак за брзо губење на тежината
По повеќе од две децении на работа и усовршување на диетата и методите на детоксикација , нутриционистот Ен Луис Гитлеман уште еднаш ги израдува сите поборници на здраво живеење.
64-годишната Ен, автор на триесетина книги, вклучувајќи го и револуционерниот начин на исхрана и совети за тоа како на уморниот организам да му пружите потребна побуда и да ја вратите виталноста , овој пат развила план за детоксикација кој го вклучува т.н. чудо од пијалак.
Пијте црвени бои, чии основни состојки се сок од брусница , ѓумбир и лимон ,во вашиот црниот дроб ќе внесат свежина, ќе го исчистат од токсини и на тој начин ќе ги подобрат перформансите на целиот организам. Црниот дроб е најголемиот внатрешен орган кој ја прочистува крвта , го поддржува дигестивниот систем, го регулира шеќерот во крвта , помага во складирање на масти и продукција на протеини.
Секоја чаша вино, кафе или некоја форма на индустриски произведена храна му нанесува на овој орган кој се наоѓа на десната страна од стомачната шуплина тежок удар , иако е позната неговата способност да се регенерира. Затоа не дозволувајте црниот дроб да го носи товарот на модерниот живот, туку земете од чудотворниот пијалок и помогнете да се исчистат отровите.
Програмата која е опишана во книгата „Брз пат за еднодневна детоксикација“, Гитламан ја создаде само од една причина – за сите кои сакаат да им се овозможи пристап до еден цел нов свет на детоксикација кој се концентрира на црниот дроб, кој служи како еден вид на филтер. Следниов план за чистење е сосема безбеден , ефикасен и не вклучува ригорозни услови и одрекувања.
Овој план на исхрана е добар бидејќи е применлив во секојдневниот живот , кој вклучува голем број на активности – од работа преку грижа за децата и шопинг. Пред самиот детокс неопходно е да се спроведе седум дневен режим во исхраната кој вклучува многу овошје и зеленчук кои ќе го прочистат дебелото црево од отрови и ќе го подготват црниот дроб за едноневниот пост што следува. Осмиот ден е резервиран за еднодневниот пост кој вклучува конзумирање само вода и од чудесната напивка, чиј рецепт може да се најде подолу. По миењето на нечистотиите, следува тридневно приспособување, враќање во нормала, при што од голема помош ќе ни бидат пробиотиците – ферментирани намирници кои ги поддржуваат бактериите кои на вашиот организам му се потребни со цел успешно да се синтетизираат витамините и одржување ефикасен имунолошки систем.
Потребни состојки за чудотворниот пијалак:
2 литри вода од брусница
1/2 лажичка мелен цимет
1/4 лажичка мелен ѓумбир
1/4 лажичка морско оревче
3/4 шолја свежо исцеден сок од портокал
1/4 чаша свежо исцеден сок од лимон
Стевиа (1-3 пакети)
Зовривате вода од брусница и го намалувате огнот за да можете да ги додадете останатите зачини. Гответе го сето тоа заедно уште 15 минути и оставете да се излади на собна температура . На сето тоа додадете измешан сок од портокал и лимон и додадете стевија. Да се чува во фрижидер. Тајната на оваа чудотворна напивка се крие во сокот од брусница – ефективен антиоксиданс, билките кои го намалуваат гладот и сокот од портокал и лимон , кои се вистински витаминска бомба во борбата против маснотиите.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Daily news
Награда за „Бизнисот на задоволството“ на фестивалот во САД, кој ги откри Спилберг и Џорџ Лукас
Долгометражниот филм „Бизнисот на задоволството“ на Гоце Цветaновски е добитник на наградата „Сребрено реми“ на „Хјустон интернешнал филм фестивал“ (WorldFest-Houston International Film Festival) во САД.
Овој значаен фестивал, кој постои цели 57 години е еден од најстарите во Америка и најстар во светот за независни филмови. Се гордее со тоа што во својата историја им ги доделил првите награди на легендарни режисери како што се Стивен Спилберг, Џорџ Лукас, Анг Ли, браќата Коен, Ридли Скот, Брајан де Палма, Оливер Стоун, Роберт Родригез, Спајк Ли, Дејвид Линч и уште многу други.
„Ова е голем успех. Да бидеш награден во конкуренција од над 4.000 филмови од 70 држави, е признание кое ја потврдува естетската вредност на филмот. Дефинитивно влеговме во убаво друштво, со оглед на тоа кој се’ е добитник на „Реми награда“ во историјата на фестивалот. И’ честитам на целата екипа којашто допринесе за меѓународниот успех на филмот и едвај чекам сите да се собереме повторно и во септември да го претставиме филмот пред македонската публика.“, рече режисерот Гоце Цветановски.
Наградата е деветта по ред на филмските фестивали во светот, а трета во САД, откако претходно „Бизнисот на задоволството“ го доби признанието за најдобар филм на „Риверсајд филм фестивал“ во Калифорнија и за највпечатлив филм во Седона, Аризона.
Улогите ги толкуваат Муса Исуфи, Слаѓана Вујошевиќ, Исмаил Касуми, Дамјан Цветановски, Осман Ахмети, Елени Декидис, Мендим Муртези, Егзона Салиху, Авни Далипи и Катерина Коцевска, а Цветановски го потпишува и сценариото. Продуценти на филмот се Дритон Рамадани, Богдан Јончевски и Гоце Цветановски.
Снимен е со поддршка на Агенцијата за филм.
Daily news
Прва правна конференција Tres Partes
На 26 декември година во хотелот „Континентал“, со почеток во 10 часот, ќе се одржи првата правна конференција Tres partes, во организација на „Јанаки знае“, а ќе биде поделена во три дела.
Првиот дел е со работен наслов „Дали е потребно укинување на извршителите?”, на кој ќе учествуваат Зоран Василевски, кој ќе ја застапува тезата ПРО укинување на извршителите, извршител Снежана Андреевска, која ќе ја застапува тезата КОНТРА укинување на извршителите и извршител и поранешен судија за извршување, Христо Јованов, кој ќе предава во делот на извршувањето пред да се укинат судиите извршители.
Вториот дел е со работен наслов „Дали се шаблонизира институтот надомест на нематеријална штета“, на која предавачи ќе бидат адвокатката Маруша Митровска, судијката Љубица Колиќ од Основен суд Скопје 2 и судијата Ѓорѓи Радојков од Апелациониот суд Скопје.
Третиот т.н. кривичен дел е со работен наслов „Неприменување на кривично-правните институти“, во кој предавачи ќе бидат адвокатот Јанаки Митровски, Никола Тупанчевски, редовен професор по казнено право при „Јустинијан Први“, Александра Деаноска, вонредна професорка по казнено право при „Јустинијан Први“, и Оља Ристова, судијка при Основниот суд Скопје 1.
Предвиден е и интерактивен дел со публиката преку поставување прашања и коментари од учесниците.
Daily news
Груевски оди во затвор – Апелација му ја потврди казната
Апелациониот суд Скопје, постапувајќи по кривичниот предмет познат во јавноста под името „Тенк“ по одржана јавна седница, донесе пресуда со која му ја потврди двегодишната затворска казна на премиерот Никола Груевски. „Жалбите на обвинетиот Никола Груевски изјавени лично и преку неговите бранители ги одби како неосновани, а првостепената пресуда ја потврди во целост, со што му ги потврди двете години затворска казна“, пишува во соопштението од судот.
Второстепениот суд делумно му ја уважи жалбата на Ѓоко Поповски и му ја намали казната на 4 години и 6 месеци, а во останатиот дел првостепената одлука ја потврди.
За Гордана Јанкулоска за „Тенк“ е издвоена во друга постапка и пресудата за неа, под обвинение дека ја злоупотребила службената положба и го натерала Поповски да го намести тендерот за „мерцедесот“ што го посакал Груевски, ќе биде изречена на 8 октомври.