Daily news
Дански навики кои ќе ве шокираат
Во Данска се’ може да се направи преку Интернет, со помош на т.н. жолта картичка. Се’ е до тој степен интернетизирано што некои класични работни места како библиотекар целосно се исчезнати. Во данските библиотеки се’ е компјутеризирано. Книгите се изнајмуваат со помош на компјутер, се враќаат преку движечка лента, која издава сметка, па дури и пресметува ако сте задоцниле со враќањето. И плаќањата се електронски. Има се’ помалку и помалку благајници, а големите трговски синџири преминуваат на автоматизирани благајни. Карти за траекти можат да се купат само он-лајн, и тоа за одреден траект во одредено време. Ако патникот задоцни – може да влезе во следниот на кој има место, а се чека во просек половина ден. И весниците се читаат он-лајн. Речиси и да нема киоск со весници. Тие се продаваат во продавници и се многу скапи.
Фитнес
Во Данска има фитнес клубови во изобилство. Работат нон-стоп. Имаат јога, пилатес, и други видови вежбање. Термините секој си ги одредува сам, како му одговара, и тоа преку Интернет. Месечната претплата изнесува 350 дански круни (околу 50 евра).
Но,огромни се казните ако не се појавите на договорениот термин. Колку пати нема да се појавите во текот на месецот, на договорените термини, толку глоби ќе си платите. Немој ни да помислувате да не платите. Ќе ви биде блокирана жолтата картичка, па освен претплатата и глобите, ќе си платите и трошоци за процедурата, а се разбира и камати. Исто така, во договорот кој се потпишува за посета на фитнес клубовите, секогаш стои дека сте обврзани да доаѓате 10 минути порано на резервираниот термин. Ако не го почитувате тоа, повторно глоба.
Ништо по 6 часот попладне
Во Данска се’ се затвора во околу 18 часот. Ако чекате во некоја продавница во ред на каса, и во тој момент истече работното време, тогаш стоката што сте имале намера да ја купите ќе треба да ја вратите, и да дојдете повторно следниот ден. Излегувањето по 18 часот во Данска се смета како малку непристојно. Данците во 18 часот имаат семеен оброк, нешто како ручек-вечера, а во 19 часот децата одат на спиење. Таков е редот. Ако сте во ресторан, треба да знаете дека во 21 часот келнерите и персоналот почнуваат да го расчистуваат и средуваат објектот, и ќе ви донесат сметка дури и ако не сте ја ни побарале. Доколку не станете да си заминете, тогаш во 22 часот бидете сигурни дека ќе ве избркаат.
Штедење, штедење, штедење
Данците се исклучително штедлив народ. Набавките во маркетите ги прават во петок, бидејќи во сабота доаѓаат нови свежи производи, овошје, зеленчук и месо. Поради тоа во петок производите се продаваат по акциски цени. Данците преферираат сирова храна, а со тоа добиваат се’ што им треба. Ретко готват, но тоа не значи дека јадат по ресторани, бидејќи јадењето надвор од дома го сметаат за расипништво и луксуз. Ненаменските кредити во Данска се исклучително ретки. Речиси и никој да не подига таков. Највисоките каматни стапки во банките се 3 отсто, но кредит неможе да се добие без добра причина. Данците воопшто не го разбираат концептот на минус на сметката во банка, односно „дозволеното пречекорување на сметката“.
Терапевтски придонес на спиењето на улица
Пред секоја градинка во Данска може да се заблежат колички за деца, нешто што и не е така чудно и невообичаено. Но, во количките има и деца. И да студи, и да врне дожод, или да паѓа снег, а ветер дува постојано, децата во количките спијат. Колку и да звучи тоа неверојатно, точно е. Но, Данците силно веруваат во терапевтскиот придонес на спиењето на децата на улица, и тоа без надзор од овластено лице од градинката. Данците се збунети и не разбираат зошто странците честопати кога ќе се ги забележат децата во количките какоспијат или плачат, паничат и веднаш повикуваат полиција и социјална служба. Во данските градинки радинката нема сопствен двор, тогаш мора да обезбеди тераса, која ќе биде спална за деца на отворено.
Најдобро е децата да се остават во шума
Данците кестремно се придржуваат до екологијата и до здравиот живот. Данските деца многу ретко добиваат слатки, но затоа многу се внимава тие да јадат сирова храна. Не им се купуваат играчки кои немаат крај и конец. Децата треба да бидат креативни и да си играат надвор, без никакво вмешување на возрасните во нивната игра. Од тие причини многу се популарни шумските градинки. Станува збор за дестки градинки, кои во градежна смисла, имаат приправен санитарен јазол на ливада во шума, надвор од градовите. Просториите за игра, за спорт, за танцување, шкафчињата и останатиот вообичаен инвентар за една детска градинка, се наоѓаат во шумата. Оние од јасли се во група „Даб“, а останатите во „Смрека“. Осум часа секој ден, тие деца прстојуваат во шума, без покрив, без зграда, без играчки, без греење. И тоа во земја во која има силна зима од крајот на септември до почетокот на мај. Децата со себе си носат т.н. ланч-пакети, претежно од сирова храна. Основно правило е дека децата од јасли мора да се анимираат самите, без педагог. По престојот од осум часа во шума, децата назад во градот ги враќа автобус. Во детските градинки во шума, нема вируси ниту бактерии. Тие деца се исклучително здрави.
Ако бебе има температура ќе заврши голо на снег
Данците не наседнуваат на фармацевтските лобирања и измами со лекови, од проста причина што според нив од повеќето од работите не се умира. Ова е став не само на обичните граѓани туку и на данските лекари. Ако некое дете во градинка има температура, го соблекуваат голо и го оставаат покрај отворен прозор и тоа среде зима. Тоа, според Данците е единствениот природен начин за спуштање на температурата! Данските мајки презираат чепчиња, сирупи, облоги и останата прва помош за зголемена телесна температура. Исто така, Данците презираат и непотребно одење на лекар поради висока температура. Во Данска на лекар неможе да се отиде без претходна најава и закажување, или преку Интернет или телефонски. Од тие причини неможе ниту да се дојде на лекар со симптоми на обично разболување, како настинка или висока температура.
Фризурите проблем?
Влегување во дрогерија и долготрајно одбирање на шампон или пак на гел за туширање се мали и вообичаени радосувања за жените. Но, тоа не важи во Данска, за нив тоа е глупаво и е губење на време. За нив е важно кога ги набавуваат тие производи, да се здрави, еколошки и во големи пакувања. Во нивните дрогерии нема шарени полици и миризливи понуди: пакувањата се петлитарски, без мириси и без адитиви. Не прават пена и не ја загадуваат водата и природата. Што можете повеќе да посакате? Капење дома, без мирис, без пена. Во фризерските салони во Данска неможете да ја бојадисувате својата коса, да боите прамени, или да правите фризури со помош на лак за коса дури и да сакате да платите десетоструко. Таму не се употребуваат хемикалии. Може да си ја бојадисувате косата само со еколошки и природни бои.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Daily news
Прва правна конференција Tres Partes
На 26 декември година во хотелот „Континентал“, со почеток во 10 часот, ќе се одржи првата правна конференција Tres partes, во организација на „Јанаки знае“, а ќе биде поделена во три дела.
Првиот дел е со работен наслов „Дали е потребно укинување на извршителите?”, на кој ќе учествуваат Зоран Василевски, кој ќе ја застапува тезата ПРО укинување на извршителите, извршител Снежана Андреевска, која ќе ја застапува тезата КОНТРА укинување на извршителите и извршител и поранешен судија за извршување, Христо Јованов, кој ќе предава во делот на извршувањето пред да се укинат судиите извршители.
Вториот дел е со работен наслов „Дали се шаблонизира институтот надомест на нематеријална штета“, на која предавачи ќе бидат адвокатката Маруша Митровска, судијката Љубица Колиќ од Основен суд Скопје 2 и судијата Ѓорѓи Радојков од Апелациониот суд Скопје.
Третиот т.н. кривичен дел е со работен наслов „Неприменување на кривично-правните институти“, во кој предавачи ќе бидат адвокатот Јанаки Митровски, Никола Тупанчевски, редовен професор по казнено право при „Јустинијан Први“, Александра Деаноска, вонредна професорка по казнено право при „Јустинијан Први“, и Оља Ристова, судијка при Основниот суд Скопје 1.
Предвиден е и интерактивен дел со публиката преку поставување прашања и коментари од учесниците.
Daily news
Груевски оди во затвор – Апелација му ја потврди казната
Апелациониот суд Скопје, постапувајќи по кривичниот предмет познат во јавноста под името „Тенк“ по одржана јавна седница, донесе пресуда со која му ја потврди двегодишната затворска казна на премиерот Никола Груевски. „Жалбите на обвинетиот Никола Груевски изјавени лично и преку неговите бранители ги одби како неосновани, а првостепената пресуда ја потврди во целост, со што му ги потврди двете години затворска казна“, пишува во соопштението од судот.
Второстепениот суд делумно му ја уважи жалбата на Ѓоко Поповски и му ја намали казната на 4 години и 6 месеци, а во останатиот дел првостепената одлука ја потврди.
За Гордана Јанкулоска за „Тенк“ е издвоена во друга постапка и пресудата за неа, под обвинение дека ја злоупотребила службената положба и го натерала Поповски да го намести тендерот за „мерцедесот“ што го посакал Груевски, ќе биде изречена на 8 октомври.
Daily news
Бизнисменот Минчо Јорданов треба да сведочи дали бил уценет со пари во шпионската афера
Бизнисменот Минчо Јорданов утрово во кривичниот суд е повикан да сведочи во предметот што го презеде специјалното јавно обвинителство под кодно име „Шпион“.
Обвинетите Миќо Наскоски, Зоран Божиновски и Марјан Маџовски, како што рече на минатото рочиште обвинителката Елизабета Јосифовска, со цел да се стекнат со противправна имотна корист, му се заканиле на бизнисменот Минчо Јорданов дека ќе објават податоци за наводна криминална приватизација и откуп на акциите во АД „Бетон“ и на други негови фирми. Во намерата не успеале, а Јорданов не ги исплатил парите.
„Обвинетиот Александар Диневски прибавувал податоци со степен на државна тајна, а потоа ги доставувал или директно на странските разузнавачки служби или му ги давал на обвинетиот Марјан Ефремов, кој ја формирал групата за уцени, изнуди и шпионажа и ја координирал од 2009 до 2013 година, регрутирајќи нови членови во мрежата. Со обвинетиот Мирослав Зафировски од УБК прибирале податоци за луѓе од ЦИА присутни во Македонија и за штаб на ЦИА во Ирак. Тие прибирале и податоци за организациската поставеност на УБК“, рече Јосифовска за „Шпион“, кое СЈО врз база на нови прислушувани разговори го презеде од Обвинителството за гонење организиран криминал и корупција.
Ефремов, според обвинението, групата за изнуда и тргување со тајни информации од безбедносните служби на Македонија ја направил во 2009 година и, како што тврди обвинителството, тој е мозокот на целата операција. Информациите им ги продавале на Кост Н. од грчката разузнавачка служба, Петар Н. и Јуриј Н. од унгарската и на други лица од странски разузнавачки служби.
Секој од обвинетите, зависно од тоа во која институција работел, снимал службени документи, кои потоа им ги продавал на грчката, руската, унгарската и српската разузнавачка служба. Обвинети во овој случај се и тогашниот шеф на Кабинетот на претседателот на Собранието, Трајко Вељаноски, генералот Горан Стојков, Миќо Насковски, Ѓорѓи Хаџимицев, Цветан Дамјановски (заедно со други нивни колеги од МВР, УБК, АР и Военото разузнавање, кои дел се веќе осудени) и Зоран Божиновски, кој во групата имал улога ако уценуваните не дадат пари, тој да ги објавува, како што вели обвинителката, во порталот „Буревесник“ или во други медиуми во кои работел. Божиновски е обвинет за злосторничко здружување, шпионажа и уцена.
Обвинетите не се чувствуваат виновни, а тврдат и дека целиот процес е монтиран. Во предметот првично беа опфатени 19 лица, од кои неколкумина ја одлежаа затворската казна. Предметот го суди судијата Владимир Туфегџиќ. На конференциска врска треба да сведочи и Драган Даравелски, кој, според обвинението, исто така бил уценуван од обвинетите.
Цената на осигурувањето од автоодговорност се враќа на ниво од пред 25 април, одлучи Владата
Владата ја разгледа и усвои Информацијата со Предлог- измени и дополнувања на Тарифата на премии за осигурување на сопствениците на...
„Влен“: Влада и Бадентер да, но без ДУИ и Левица
ДУИ ги напушти вредностите за кои се залагаше во 2001 кога наместо за Албанската кауза почна да се грижи единствено...
Чекајте, па ние сме на избори конкуренти, одговори Ковачевски прашан дали би им помогнале на ВМРО-ДПМНЕ ако не можат да формираат Влада
Чекајте, па ние сме на избори конкуренти, првин да ги видиме резултатите на 8 мај. Вака лидерот на СДСМ, Димитар...
ДСЗИ ќе забрани на Токсикологија да работат лица со истечени договори оти директорката, која не зборува македонски, не им ги одзела пристапите
Организациската директорка на Клиниката за токсикологија Бесија Иљази, не постапила и не ја потпишала опомената од Државниот санитарен и здравстве...
Османи: Со Рамковниот договор неопходни се две мнозинства за формирање Влада – парламентарното од 61 плус Бадентеровото
Со Рамковниот договор неопходни се две мнозинства за формирање Влада – парламентарното од 61 плус Бадентеровото, вели портпаролот на ДУИ,...
Почина таткото на Тоше Проески
Почина Никола Проески – татко на музичарот Тоше. Веста за неговата смрт на социјалните мрежи ја објави Дора, неговата ќерка....
Десна објави наводно писмо од Љупчо Палевски: Министерот Лога лаже за екстрадицијата
Политичката партија Десна на својот Фејсбук профил објави писмо од својот лидер Љупчо Палевски Палче, кој чека екстрадиција во Македонија...
Кулеба: Повеќе од половина од енергетскиот систем на Украина е оштетен во нападите на руските сили
Повеќе од половина од енергетскиот систем на Украина е оштетен во нападите на руските сили, изјави министерот за надворешни работи...
Полицијата во САД уби ученик пред училиште во Висконсин по пријава за пукање
Американската полиција убила ученик пред средно училиште во Висконсин, откако добила дојава дека таму има вооружено лице, изјави Џош Кол,...
Каевски од голтар до милионер, фатен како прави милионски проневери како директор на Агенцијата за млади и спорт, велат од ВМРО-ДПМНЕ
Каевски од голтар до милионер, фатен како прави милионски проневери како директор на Агенцијата за млади и спорт, велат од...
При уривање на автопат во јужна Кина загинаа 36 лица
Бројот на загинати во уривањето на дел од автопатот во јужната кинеска провинција Гуангдонг се искачи на 36, соопштија локалните...
Трамп: Апсењето на студенти во Њујорк „беше убаво за гледање“
Поранешниот американски претседател Доналд Трамп изјави дека е „убаво да се гледа“ како полицијата во Њујорк упадна во зградата на...
Земјотрес со јачина од 4,1 степени според Рихтер го погоди Лос Анџелес
Земјотрес со јачина од 4,1 степени според Рихтеровата скала вечерва го погоди поширокото подрачје на Лос Анџелес, соопшти Сеизмолошкиот институт...
Силјановска: Како никој не се сети да им каже во ЕУ дека самите во член 4 гарантираат немешање во внатрешните работи и почитување на уставните структури
Како може некому да ветите дека ќе го смените Уставот, кога Уставот може да го сменат само пратениците во Уставот....
СДСМ за Димитриевски: Ароганција е кога човек-партија одработува против своите довчерашни сопартијци
Ароганција е кога човек-партија одработува против своите довчерашни сопартијци и во тоа нема ништо социјалдемократски ниту вредносно туку единствено и...
Пендаровски: Не велам дека Европската преговарачка рамка е во ред, ама е договорена од 27 држави – ние или ја прифаќаме, или ја одбиваме
Во вечерашниот телевизиски дуел помеѓу двата претседателски кандидати, Пендаровски се осврна на неговиот концепт за напредок на државата, за кој,...
Борел: Западен Балкан има историска можност да ја поврзе својата иднина со ЕУ
Високиот претставник за надворешна и безбедносна политика на ЕУ, Жосеп Борел, по повод 20-годишнината од најголемото проширување на ЕУ, изјави...
Димитриевски: Ароганцијата на оние кои дозволија отварање на бугарски клубови во Македонија е ненадминлива
Движењето ЗНАМ – За наша Македонија денеска по повод празникот на трудот Први Мај организираше пикник во Пелинце. Претседателот на...
Демократски сојуз: Народот не може да создаде толку колку што власта може да украде
Демократскиот сојуз на сите работници им го честита Меѓународниот Ден на правата, 1-ви Мај. „Во услови на влошена економско-социјална положба...
„Колку повеќе не напаѓаат посилни не прават“ – Работниците дадоа црвен картон на судот поради обидите за притисоците врз синдикатите
Претседателот на ССМ Слободан Трендафилов на денешниот протест порача дека работниците даваат црвен картон на Врховниот судот за неговата одлука...
