Daily news
(Видео) ЛШ: Барса го доби дербито, сигурни победи на фаворитите
Фудбалерите на Барселона го совладаа Јувентус со 3:0, на отворањето на новата сезона во Лигата на шампионите. Барса успеа да му се реваншира на Јувентус за елиминацијата во четврт-финалето, во претходната сезона.
Дербито на првото коло во елитното натпреварување мина во знакот на Лионел Меси, иако и Јувентус имаше свои шанси во раната фаза на натпреварот.
Во судиското надополнување на времето во првиот дел Меси го постигна првиот гол. Голот во 46.минута беше прв кој Аргентинецот го постигнал против Џиџи Буфон. По акцијата на меси во 56.минута Ракитиќ го постигна вториот гол, а точка на натпреварот стави Меси во 69.минута.
Во вториот меч во оваа група Спортинг славеше кај Олимпијакос со 3.2. Португалскиот тим имаше 3:0 со головите на Думбија, Мартинс и Фернандес, а во последните четири минути Пардо со два гола избори чесен пораз за грчкиот шампион.
Манчестер Јунајтед по неколкугодишна пауза со триумф се врати во Лигата на шампионите. Погба се повреди по само 17 минута игра, а неговата замена Фелаини прв го совлада голманот на Базел. Во второто полувреме победата на јунајтед ја потврдија Лукаку и Рашфорд.
Во оваа група ЦСКА успеа да ја изненади Бенфика во Лисабон и да слави на „Луж“ срадионот со 2.1.
Б групата очекувано донесе лесни победи на фаворитите во првото коло. ПСЖ, во Глазгов, го декалсира Селтик со 5:0. Нејмар, Мбапе и Кавани стрелаа прецизно во првото полувреме, потоа Лустинг постигна авто-гол, а точка на мечот стави Кавани со својот втор гол.
Лесна победа запиша и Баерн против Андерлехт 3:0. Гостите од 12.минута играа со играч помалку, во истата минута Левандовски погоди од пенал, а во вториот дел по еден гол постигнаа Алкантара и Кимих.
Дебитантот во Лигата на шампионите Карабаг доживеа вистински дебакл на „Стенфорд Бриџ“ од челси, во Ц групата. Челзи победи 6:0 со головите на Педро, Запакоста, Аспиликуета, Бакајоко, Батшуаи и авто-голот на Медведев.
Во вториот меч од групата Рома играше против Атлетико. Римскиот тим од пораз пред своите навивачи го спаси голманот Алисон, кој одбрани неколку тешки топки, по обидите на Саул,Вието и Кореа, еднаш Манолс успеа да интервенира на гол линијата по ударот на Кока, а во 91.минута Саул имаше неверојатно промашување.
Група А:
Манчестер Јунатед-Базел 3:0
Бенфика-ЦСКА Москва 1:2
Група Б:
Селтик-ПСЖ 0:5
Баерн Минхен-Андерлехт 3:0
Група Ц:
Рома-Атлетико Мадрид 0:0
Челси-Карабаг 6:0
Група Д:
Барселона-Јувентус 3:0
Олимпијакос-Спортинг Лисабон 2:3. н.ц
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Daily news
Прва правна конференција Tres Partes
На 26 декември година во хотелот „Континентал“, со почеток во 10 часот, ќе се одржи првата правна конференција Tres partes, во организација на „Јанаки знае“, а ќе биде поделена во три дела.
Првиот дел е со работен наслов „Дали е потребно укинување на извршителите?”, на кој ќе учествуваат Зоран Василевски, кој ќе ја застапува тезата ПРО укинување на извршителите, извршител Снежана Андреевска, која ќе ја застапува тезата КОНТРА укинување на извршителите и извршител и поранешен судија за извршување, Христо Јованов, кој ќе предава во делот на извршувањето пред да се укинат судиите извршители.
Вториот дел е со работен наслов „Дали се шаблонизира институтот надомест на нематеријална штета“, на која предавачи ќе бидат адвокатката Маруша Митровска, судијката Љубица Колиќ од Основен суд Скопје 2 и судијата Ѓорѓи Радојков од Апелациониот суд Скопје.
Третиот т.н. кривичен дел е со работен наслов „Неприменување на кривично-правните институти“, во кој предавачи ќе бидат адвокатот Јанаки Митровски, Никола Тупанчевски, редовен професор по казнено право при „Јустинијан Први“, Александра Деаноска, вонредна професорка по казнено право при „Јустинијан Први“, и Оља Ристова, судијка при Основниот суд Скопје 1.
Предвиден е и интерактивен дел со публиката преку поставување прашања и коментари од учесниците.
Daily news
Груевски оди во затвор – Апелација му ја потврди казната
Апелациониот суд Скопје, постапувајќи по кривичниот предмет познат во јавноста под името „Тенк“ по одржана јавна седница, донесе пресуда со која му ја потврди двегодишната затворска казна на премиерот Никола Груевски. „Жалбите на обвинетиот Никола Груевски изјавени лично и преку неговите бранители ги одби како неосновани, а првостепената пресуда ја потврди во целост, со што му ги потврди двете години затворска казна“, пишува во соопштението од судот.
Второстепениот суд делумно му ја уважи жалбата на Ѓоко Поповски и му ја намали казната на 4 години и 6 месеци, а во останатиот дел првостепената одлука ја потврди.
За Гордана Јанкулоска за „Тенк“ е издвоена во друга постапка и пресудата за неа, под обвинение дека ја злоупотребила службената положба и го натерала Поповски да го намести тендерот за „мерцедесот“ што го посакал Груевски, ќе биде изречена на 8 октомври.
Daily news
Бизнисменот Минчо Јорданов треба да сведочи дали бил уценет со пари во шпионската афера
Бизнисменот Минчо Јорданов утрово во кривичниот суд е повикан да сведочи во предметот што го презеде специјалното јавно обвинителство под кодно име „Шпион“.
Обвинетите Миќо Наскоски, Зоран Божиновски и Марјан Маџовски, како што рече на минатото рочиште обвинителката Елизабета Јосифовска, со цел да се стекнат со противправна имотна корист, му се заканиле на бизнисменот Минчо Јорданов дека ќе објават податоци за наводна криминална приватизација и откуп на акциите во АД „Бетон“ и на други негови фирми. Во намерата не успеале, а Јорданов не ги исплатил парите.
„Обвинетиот Александар Диневски прибавувал податоци со степен на државна тајна, а потоа ги доставувал или директно на странските разузнавачки служби или му ги давал на обвинетиот Марјан Ефремов, кој ја формирал групата за уцени, изнуди и шпионажа и ја координирал од 2009 до 2013 година, регрутирајќи нови членови во мрежата. Со обвинетиот Мирослав Зафировски од УБК прибирале податоци за луѓе од ЦИА присутни во Македонија и за штаб на ЦИА во Ирак. Тие прибирале и податоци за организациската поставеност на УБК“, рече Јосифовска за „Шпион“, кое СЈО врз база на нови прислушувани разговори го презеде од Обвинителството за гонење организиран криминал и корупција.
Ефремов, според обвинението, групата за изнуда и тргување со тајни информации од безбедносните служби на Македонија ја направил во 2009 година и, како што тврди обвинителството, тој е мозокот на целата операција. Информациите им ги продавале на Кост Н. од грчката разузнавачка служба, Петар Н. и Јуриј Н. од унгарската и на други лица од странски разузнавачки служби.
Секој од обвинетите, зависно од тоа во која институција работел, снимал службени документи, кои потоа им ги продавал на грчката, руската, унгарската и српската разузнавачка служба. Обвинети во овој случај се и тогашниот шеф на Кабинетот на претседателот на Собранието, Трајко Вељаноски, генералот Горан Стојков, Миќо Насковски, Ѓорѓи Хаџимицев, Цветан Дамјановски (заедно со други нивни колеги од МВР, УБК, АР и Военото разузнавање, кои дел се веќе осудени) и Зоран Божиновски, кој во групата имал улога ако уценуваните не дадат пари, тој да ги објавува, како што вели обвинителката, во порталот „Буревесник“ или во други медиуми во кои работел. Божиновски е обвинет за злосторничко здружување, шпионажа и уцена.
Обвинетите не се чувствуваат виновни, а тврдат и дека целиот процес е монтиран. Во предметот првично беа опфатени 19 лица, од кои неколкумина ја одлежаа затворската казна. Предметот го суди судијата Владимир Туфегџиќ. На конференциска врска треба да сведочи и Драган Даравелски, кој, според обвинението, исто така бил уценуван од обвинетите.