Daily news
Игор Кокошков, Србинот кој на Србија и го одзеде златото
Игор Кокошков за пошироката јавност можеби е непонато име, но овој 46-годишен Србин кој има и американски пасош добро е познат во кошаркарските кругови. Кокошков во неделата вечерта со Словенија се искачи на европскиот кошаркарски врв, а до златниот медал неговата селекција стигна на импресивен начин без ниту еден пораз.
Кокошков има 46 години, е дипломец на белградскиот Универзитет и најмладиот тренер во историјата на југословенската кошарка. Тешката сообраќајна несреќа му ја скрати играчката кариера, поради што на 24-годишна возраст станува тренер.
Започнал во ОКК Београд, во младинските категории, а во овој клуб бил и асистент и тренер. Голема трага оставил во младинската школа на Партизан, а во 1999 година се сели во САД и станува прв европски тренер кој предводи екипа во НЦАА. Кокошков во 1999 година е назначен за тренер на Универзитетот Мисури.
По една сезона во Мисури, добива повик од тогашниот тренер на ЛА Клиперс, Алвин Џентри, да биде негов прв помошник. Три сезони Кокошков работи во Клиперси, а потоа се сели во Детроит во стручниот штаб на легендарниот тренер Лери Браун. Во Детроит е до 2008 година, а во 2004 година го освои шампионскиот прстен со Пистонси.
По Детроит пет години (2008-2013) работи како асистент во Феникс Санс, потоа од 2013 до 2015 е во Кливленд Кавалирс, краок период и во Орландо Меџик, а од 2015 година се сели во Солт Лејк Сити, во Јута Џез.
Кокошков ја предводеше Јута како прв тренер на наколку натпревари сезонава, кога поради болест беше отсутен тренерот Квин Сајдер.
Во националните тимови искуство почнал да собира кај Жељко Обрадовиќ, во 2004 и 2005 година, бил во струшниот штаб на Србија и Црна Гора на Олимписките игри о Европското првенство.
Кокошков во 2008 година ја прифаќа понудата од грузија и во наредните седум години е селектор на оваа репрезентација. За неговиот придонес во развојот на грузиската кошарка, тогашниот премиер Микхаил Шакашвили во 2011 годинаго одликува со највисокиот државен орден „Орден на честа“.
Грузија ја напушта по завршувањето на Евробаскетот во 2015 година, а минатата година постигна договор со Словенија.
На своето прво големо натпреварување како селектор на Словенија, српскиот тренер успеа да го освои златниот медал.
Словенија во групата славеше Исланд, Финска, Грција, Полска и Франција, а во нокаут фазата ги победи Украина, летонија, Шпанија и во финалето со 93:85 Србија, земјата во која Кокошков е роден на 17.декември 1971 година. н.ц.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Daily news
Прва правна конференција Tres Partes
На 26 декември година во хотелот „Континентал“, со почеток во 10 часот, ќе се одржи првата правна конференција Tres partes, во организација на „Јанаки знае“, а ќе биде поделена во три дела.
Првиот дел е со работен наслов „Дали е потребно укинување на извршителите?”, на кој ќе учествуваат Зоран Василевски, кој ќе ја застапува тезата ПРО укинување на извршителите, извршител Снежана Андреевска, која ќе ја застапува тезата КОНТРА укинување на извршителите и извршител и поранешен судија за извршување, Христо Јованов, кој ќе предава во делот на извршувањето пред да се укинат судиите извршители.
Вториот дел е со работен наслов „Дали се шаблонизира институтот надомест на нематеријална штета“, на која предавачи ќе бидат адвокатката Маруша Митровска, судијката Љубица Колиќ од Основен суд Скопје 2 и судијата Ѓорѓи Радојков од Апелациониот суд Скопје.
Третиот т.н. кривичен дел е со работен наслов „Неприменување на кривично-правните институти“, во кој предавачи ќе бидат адвокатот Јанаки Митровски, Никола Тупанчевски, редовен професор по казнено право при „Јустинијан Први“, Александра Деаноска, вонредна професорка по казнено право при „Јустинијан Први“, и Оља Ристова, судијка при Основниот суд Скопје 1.
Предвиден е и интерактивен дел со публиката преку поставување прашања и коментари од учесниците.
Daily news
Груевски оди во затвор – Апелација му ја потврди казната
Апелациониот суд Скопје, постапувајќи по кривичниот предмет познат во јавноста под името „Тенк“ по одржана јавна седница, донесе пресуда со која му ја потврди двегодишната затворска казна на премиерот Никола Груевски. „Жалбите на обвинетиот Никола Груевски изјавени лично и преку неговите бранители ги одби како неосновани, а првостепената пресуда ја потврди во целост, со што му ги потврди двете години затворска казна“, пишува во соопштението од судот.
Второстепениот суд делумно му ја уважи жалбата на Ѓоко Поповски и му ја намали казната на 4 години и 6 месеци, а во останатиот дел првостепената одлука ја потврди.
За Гордана Јанкулоска за „Тенк“ е издвоена во друга постапка и пресудата за неа, под обвинение дека ја злоупотребила службената положба и го натерала Поповски да го намести тендерот за „мерцедесот“ што го посакал Груевски, ќе биде изречена на 8 октомври.
Daily news
Бизнисменот Минчо Јорданов треба да сведочи дали бил уценет со пари во шпионската афера
Бизнисменот Минчо Јорданов утрово во кривичниот суд е повикан да сведочи во предметот што го презеде специјалното јавно обвинителство под кодно име „Шпион“.
Обвинетите Миќо Наскоски, Зоран Божиновски и Марјан Маџовски, како што рече на минатото рочиште обвинителката Елизабета Јосифовска, со цел да се стекнат со противправна имотна корист, му се заканиле на бизнисменот Минчо Јорданов дека ќе објават податоци за наводна криминална приватизација и откуп на акциите во АД „Бетон“ и на други негови фирми. Во намерата не успеале, а Јорданов не ги исплатил парите.
„Обвинетиот Александар Диневски прибавувал податоци со степен на државна тајна, а потоа ги доставувал или директно на странските разузнавачки служби или му ги давал на обвинетиот Марјан Ефремов, кој ја формирал групата за уцени, изнуди и шпионажа и ја координирал од 2009 до 2013 година, регрутирајќи нови членови во мрежата. Со обвинетиот Мирослав Зафировски од УБК прибирале податоци за луѓе од ЦИА присутни во Македонија и за штаб на ЦИА во Ирак. Тие прибирале и податоци за организациската поставеност на УБК“, рече Јосифовска за „Шпион“, кое СЈО врз база на нови прислушувани разговори го презеде од Обвинителството за гонење организиран криминал и корупција.
Ефремов, според обвинението, групата за изнуда и тргување со тајни информации од безбедносните служби на Македонија ја направил во 2009 година и, како што тврди обвинителството, тој е мозокот на целата операција. Информациите им ги продавале на Кост Н. од грчката разузнавачка служба, Петар Н. и Јуриј Н. од унгарската и на други лица од странски разузнавачки служби.
Секој од обвинетите, зависно од тоа во која институција работел, снимал службени документи, кои потоа им ги продавал на грчката, руската, унгарската и српската разузнавачка служба. Обвинети во овој случај се и тогашниот шеф на Кабинетот на претседателот на Собранието, Трајко Вељаноски, генералот Горан Стојков, Миќо Насковски, Ѓорѓи Хаџимицев, Цветан Дамјановски (заедно со други нивни колеги од МВР, УБК, АР и Военото разузнавање, кои дел се веќе осудени) и Зоран Божиновски, кој во групата имал улога ако уценуваните не дадат пари, тој да ги објавува, како што вели обвинителката, во порталот „Буревесник“ или во други медиуми во кои работел. Божиновски е обвинет за злосторничко здружување, шпионажа и уцена.
Обвинетите не се чувствуваат виновни, а тврдат и дека целиот процес е монтиран. Во предметот првично беа опфатени 19 лица, од кои неколкумина ја одлежаа затворската казна. Предметот го суди судијата Владимир Туфегџиќ. На конференциска врска треба да сведочи и Драган Даравелски, кој, според обвинението, исто така бил уценуван од обвинетите.