Daily news
(Видео) Аргентина се оддалечува од Мундијалот
Фудбалската репрезентација на Аргентина се наоѓа во незаводна положба во пресрет на последното коло во рамките на јужноамериканските квалификации за пласман на Светското првенство во Русија. „Гаучосите“ во претпоследното коло одиграа 0:0 со селекцијата на Перу. Во ноќта што измина важни победи забележаа Чиле и Парагвај, додека Бразил и Уругвај во своите натпревари ремизираа.
Лео Меси и соиграчите од аргентинската репрезентација, доминираа против Перу, имаа поголем посед на топка (59/41 отсто), повеќе удар кон голот на Педро Галеса (7/1), но ниту една не заврши зад грбот на перуанскиот голман.
Најдобрата шанса ја имаше меси во 47.минута, но неговиот удар од добра позиција заврши во дирекот.
Перу успеа да освои важен бод и ја мина Агентина на табелата, која во пресрет на последното коло се наоѓа на место кое не и носи пласман на Мундијалот.
Селекцијата на Хорхе Сампаоли нема победа на последните четири квалификациски дуели.
Чиле на домашен терен го победи Еквадор со 2:1, со голот на Алексис Санчез постигант во 85.минута. Претходно Чиле поведе во 21.минута со голот на Едуардо Варгас, а израмни Ибора во 82.минута.
Парагвај со неверојатен пресврт во Колумбија успеа да ги освои сите три бода. Колумбија имаше водство од 79.минута со голот на Фалкао, но во последните минути Парагвајците приредија вистински трилер. Најпрвин израмни Оскар Кардозо во претпоследната минута, а во 92.минута Санабрија погоди за триумф на Парагвај.
Натпреварите Венецуела-Уругвај и Боливија-Бразил завршија без голови. Бразил веќе има обезбедено настап на Мундијалот.
Табела: 1. Бразил 38, 2. Уругвај 28, 3. Чиле 26, 4. Колумбија 26, 5. Перу 25, 6. Аргентина 25, 7. Парагвај 24, 8. Еквадор 20, 9. Боливија 14. 10. Венецуела 9.
Во последното коло кое се игра за пет дена ќе играат: Бразил-Чиле, Еквадор-Аргентина, Парагвај-Венецуела, Перу-Колумбија, Уругвај-Боливија.
Директен пласман во Русија ќе изборат најдобрите четири селекции, а петтопласираната ќе игра бараж против Австралија или Сирија. н.ц
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Daily news
Награда за „Бизнисот на задоволството“ на фестивалот во САД, кој ги откри Спилберг и Џорџ Лукас
Долгометражниот филм „Бизнисот на задоволството“ на Гоце Цветaновски е добитник на наградата „Сребрено реми“ на „Хјустон интернешнал филм фестивал“ (WorldFest-Houston International Film Festival) во САД.
Овој значаен фестивал, кој постои цели 57 години е еден од најстарите во Америка и најстар во светот за независни филмови. Се гордее со тоа што во својата историја им ги доделил првите награди на легендарни режисери како што се Стивен Спилберг, Џорџ Лукас, Анг Ли, браќата Коен, Ридли Скот, Брајан де Палма, Оливер Стоун, Роберт Родригез, Спајк Ли, Дејвид Линч и уште многу други.
„Ова е голем успех. Да бидеш награден во конкуренција од над 4.000 филмови од 70 држави, е признание кое ја потврдува естетската вредност на филмот. Дефинитивно влеговме во убаво друштво, со оглед на тоа кој се’ е добитник на „Реми награда“ во историјата на фестивалот. И’ честитам на целата екипа којашто допринесе за меѓународниот успех на филмот и едвај чекам сите да се собереме повторно и во септември да го претставиме филмот пред македонската публика.“, рече режисерот Гоце Цветановски.
Наградата е деветта по ред на филмските фестивали во светот, а трета во САД, откако претходно „Бизнисот на задоволството“ го доби признанието за најдобар филм на „Риверсајд филм фестивал“ во Калифорнија и за највпечатлив филм во Седона, Аризона.
Улогите ги толкуваат Муса Исуфи, Слаѓана Вујошевиќ, Исмаил Касуми, Дамјан Цветановски, Осман Ахмети, Елени Декидис, Мендим Муртези, Егзона Салиху, Авни Далипи и Катерина Коцевска, а Цветановски го потпишува и сценариото. Продуценти на филмот се Дритон Рамадани, Богдан Јончевски и Гоце Цветановски.
Снимен е со поддршка на Агенцијата за филм.
Daily news
Прва правна конференција Tres Partes
На 26 декември година во хотелот „Континентал“, со почеток во 10 часот, ќе се одржи првата правна конференција Tres partes, во организација на „Јанаки знае“, а ќе биде поделена во три дела.
Првиот дел е со работен наслов „Дали е потребно укинување на извршителите?”, на кој ќе учествуваат Зоран Василевски, кој ќе ја застапува тезата ПРО укинување на извршителите, извршител Снежана Андреевска, која ќе ја застапува тезата КОНТРА укинување на извршителите и извршител и поранешен судија за извршување, Христо Јованов, кој ќе предава во делот на извршувањето пред да се укинат судиите извршители.
Вториот дел е со работен наслов „Дали се шаблонизира институтот надомест на нематеријална штета“, на која предавачи ќе бидат адвокатката Маруша Митровска, судијката Љубица Колиќ од Основен суд Скопје 2 и судијата Ѓорѓи Радојков од Апелациониот суд Скопје.
Третиот т.н. кривичен дел е со работен наслов „Неприменување на кривично-правните институти“, во кој предавачи ќе бидат адвокатот Јанаки Митровски, Никола Тупанчевски, редовен професор по казнено право при „Јустинијан Први“, Александра Деаноска, вонредна професорка по казнено право при „Јустинијан Први“, и Оља Ристова, судијка при Основниот суд Скопје 1.
Предвиден е и интерактивен дел со публиката преку поставување прашања и коментари од учесниците.
Daily news
Груевски оди во затвор – Апелација му ја потврди казната
Апелациониот суд Скопје, постапувајќи по кривичниот предмет познат во јавноста под името „Тенк“ по одржана јавна седница, донесе пресуда со која му ја потврди двегодишната затворска казна на премиерот Никола Груевски. „Жалбите на обвинетиот Никола Груевски изјавени лично и преку неговите бранители ги одби како неосновани, а првостепената пресуда ја потврди во целост, со што му ги потврди двете години затворска казна“, пишува во соопштението од судот.
Второстепениот суд делумно му ја уважи жалбата на Ѓоко Поповски и му ја намали казната на 4 години и 6 месеци, а во останатиот дел првостепената одлука ја потврди.
За Гордана Јанкулоска за „Тенк“ е издвоена во друга постапка и пресудата за неа, под обвинение дека ја злоупотребила службената положба и го натерала Поповски да го намести тендерот за „мерцедесот“ што го посакал Груевски, ќе биде изречена на 8 октомври.