Црна хроника
МВР заплени 35 килограми марихуана
Министерството за внатрешни работи во соработка со Царинска управа во петокот на ГП Богородица, на излез од Р.Македонија заплени 35 килограми висококвалитетна дрога, марихуана, со што уапеа да пресече меѓународен канал од Р.Албанија преку Р.Македонија – Р.Грција, со крајна дестинација земјите од Западна Европа, информираат од Министерството за внатрешни работи.
Дрогата била со потекло од Република Албанија и била сместена во патничко моторно возило „Пежо Партнер” со грчки регистарски таблички, управувано од 32 годишниот З.Р., албански државјанин.
За време на акцијата, со цел полесно пронаоѓање на наркотична дрога од страна на царинските службеници било употребено е службено куче – трагач на наркотична дрога кое што при обиколката на возилото реагирало на задниот дел од возилото, велат од МВР.
По контрола на возилото од страна на царинските и полициските службеници во возилото во просторот за багаж бил пронајден посебно изработен бункер каде била скриена дрогата.
За време на претресот бил пронајден и пиштол марка „Црвена застава ТТ” и рамка со седум куршуми калибар 7,62 милиметри.
Запленетата марихуана при продажба на нарко пазар би достигнал цена од околу 100.000 евра.
Од страна на МВР против З.Р. ќе биде поднесена кривична пријава поради постоење на основано сомнение дека сторил две кривични дела „Неовластено производство и пуштање во промет наркотични дроги, психотропни супстанции и прекурсори” и „Недозволено изработување, држење и тргување со оружје или распрскувачки материи„.
Во сабота предвидено е пријавениот да биде изнесен пред судија по претходна постапка.
Министерството за внатрешни работи презема дополнителни мерки и активности за обезбедување на докази за други лица евентуално инволвирани во случајот, се вели во соопштението на МВР. /крај/мф/ап
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Скопјанец пукал со воздушна пушка и ја погодил мачката на соседот, полицијата му го одзеде оружјето
Вчера во 10.06 часот во СВР Скопје, 47-годишниот Б.П. од Скопје пријавил дека околу 09.50 часот на подрачјето на Кисела Вода, неговиот сосед, 64-годишниот З.К. од Скопје пукал со воздушна пушка и погодил мачка, сопственост на пријавителот, извести МВР.
Со пријавениот бил извршен службен разговор и од него била одземена воздушната пушка, дијаболи и потврда за пријавено оружје, сопственост на неговиот син, извести МВР.
По целосно документирање на случајот ќе следува соодветен поднесок.
Црна хроника
Тетовец измамен за 800 евра
Вчера во 08.30 часот во СВР Тетово, 38-годишен тетовец пријавил дека на 22.04.2024 бил измамен од едно лице за сума од 800 евра, извести МВР.
„Според пријавеното, лицето дошло во неговиот деловен објект и му понудило мобилен телефон за сумата, за што му приложил и фактура. Како што е пријавено, тој одлучил да го купи телефонот, а откако се обидел да го активира кај неколку сервисери, тие му кажале дека телефонот не е оригинал и сфатил дека бил измамен“, соопшти МВР.
Се преземаат мерки за расчистување на случајот.
Црна хроника
Пожар во концертна сала на Факултетот за музичка уметност „Илија Николовски-Луј“, нема повредени
Вчера во 15.00 часот во СВР Скопје било пријавено дека настанал пожар во концертна сала на Факултетот за музичка уметност „Илија Николовски-Луј“ во Скопје, извести МВР.
Од Бригадата за противпожарна заштита Скопје пожарот бил изгаснат, а повредени лица нема, додаваат од МВР.
Извршен бил увид од увидна екипа од СВР Скопје.