Европа
Министрите на ЕУ не се договорија околу целосната распределба на мигранти
Министрите на државите членки на Европската унија (ЕУ) не постигнаа договор околу начинот на кој ќе бидат распределни вкупно 40 илјади сириски и еритрејски мигранти од Италија и Грција, кои се под преголем притисок од мигрантите, соопштиле од европските институции.
Министрите се согласиле да почнат со преместување на повеќе од 32 илјади мигранти по 28-члената Европска унија, но не се договориле околу преостанатите осум илјади од вкупно 40 илјади, колку што треба да бидат распределени според договорот кои лидерите на ЕУ го постигнаа на самитот во јуни.
„Имаме решение за преместување на мигрантите оваа година. Се уште не се согласивме за идната година и за тоа ќе разговараме во октомври или ноември“, изјавил германскиот државен секретар Емили Хабер по состанокот.
Европската комисија предложи распределба на 40 илјади мигранти по бродоломот на мигрантте во Медитеранот во април, кога загинаа близу 800 лица, потсетуваат агенциите.
Лидерите на ЕУ се согласија со тој предлог, но потоа меѓу нив се јавија поделби о врска со начинот на неговото спроведување, бидејќи најпрво ги отфрлија обврзувачките квоти, а потоа започнаа и меѓусебните кавги во врска со прашањето за распоредот на мигрантите./крај/мф/бс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Орбан: Во Брисел во тек се подготовки за влез на Европа во војна
Унгарскиот премиер Виктор Орбан денеска изјави дека во Брисел се водат подготовки за влез на Европа во војната и додаде дека е неопходно зајакнување на одбранбените капацитети на Унгарија.
Орбан изјави за „Радио Кошут“ дека „постојат некои алармантни сличности меѓу сегашното време и времето кога се подготвувале за Првата и Втората светска војна“, пренесува агенцијата „МТИ“.
„Она што денес се случува во Брисел и Вашингтон, или во моментов повеќе во Брисел отколку во Вашингтон, создава атмосфера за можен воен конфликт, што би можеле да го опишеме како подготовка за влез на Европа во војната“, рече унгарскиот премиер.
Орбан изјави и дека поради тоа има потреба од зајакнување на армијата, бидејќи тоа само по себе може да ја одврати војната.
„Слабоста е најчеста причина за војни, затоа е неопходно да се има војска и војници, да се направат подготовки и да се зајакнат капацитетите за самоодбрана“, рече унгарскиот премиер.
Европа
Пукање во Истанбул: расправија во кафуле прераснала во вооружен судир, има убиени и повредени
ТРИ лица загинаа, а пет се повредени, од кои две потешко, во пукотница што се случи синоќа во кафуле во областа Ускудар во Истанбул, соопштија турските власти.
Инцидентот се случил на улицата Ајазма во областа Уналан кога расправијата меѓу две групи прераснала во вооружен конфликт, пишува турски „Хуриет“. Според првите извештаи, веднаш по тепачката на местото биле испратени полициски и медицински екипи.
„Кавга помеѓу две групи околу 20 часот и 10 минути во кафуле на улицата Ајазма во областа Ускудар Уналан прерасна во вооружен конфликт. Три лица го загубија животот, а пет лица се повредени, од кои 2 потешко. Повредените се згрижени во близина. Во болниците продолжува истрагата“, соопшти гувернерот на Истанбул.
Европа
Децата од Британија прават најмалку физички вежби во Европа
Истражувањето објавено од Светската здравствена организација (СЗО) покажало дека децата на возраст од 11, 13 и 15 години од Велика Британија прават најмалку физички вежби на дневна основа во споредба со децата од другите земји во Европа, централна Азија и Канада.
Околу 11 отсто од девојчињата и 16 отсто од момчињата во Англија го прават препорачаниот час физички тренинг дневно, пишува британски „Тајмс“.
Физичката активност, од умерена до енергична, вклучува работи како брзо одење, возење велосипед и возење ролери.
„Имаме голем јаз меѓу половите и големи социо-економски разлики. Две третини од 15-годишните момчиња во Велика Британија учествуваат во енергична физичка активност четири или повеќепати неделно, но само една третина од девојчињата“, рече координаторот на оваа меѓународна студија, Џо Инчли, од Универзитетот во Глазгов.
Таа изјавила дека посилните вежби, во кои срцето чука малку побргу, исчезнуваат од животот на младите.
„Порано, кога младите поминуваа многу време надвор, тој број ќе беше многу поголем. Сега гледаме дека многу опаѓа и мислам дека тоа е многу загрижувачки бидејќи може да има големо влијание врз здравјето и благосостојбата на младите“, рече Инчли.
Регионалниот директор на СЗО за Европа, Ханс Клуге, истакна дека редовната физичка активност, здравите навики во исхраната и одржувањето здрава телесна тежина се клучни делови од здравиот живот.
„Наодите од истражувањето укажуваат на потребата од насочени интервенции за да им се овозможи на адолесцентите да усвојат поздрави навики и да избегнуваат навики што влијаат не само на нивното сегашно здравје и благосостојба туку и на нивните идни траектории“, рече Клуге.