Daily news
НБРМ: Каматата на кредитите непроменета, на депозитите намалена
![](https://makfax.com.mk/wp-content/uploads/2018/01/кредити.jpg)
Според податоците на Народната банка на Република Македонија, во ноември минатата година банките во Македонија одобрувале кредити со просечна каматна стапка од 5,1 отсто, која останала непроменета во последните три месеци, а каматната стапка кај депозитите изнесувала 1,3 отсто и забележала намалување од 0,1 отсто на месечно ниво.
Како што покажуваат податоците, каматната стапка на кредитите на корпоративниот сектор изнесувала 5,3 отсто, а кај домаќинствата 6,4 отсто. Кај депозитите каматната стапка на претпријатијата била 1,9 отсто, а на населението 1,5 отсто.
Каматата на вкупните кредити одобрени на корпоративниот сектор забележала намалување од 0,1 проценти. Притоа анализирано од аспект на валутната структура на одобрените кредити минималната надолна промена е евидентирана кај каматните стапки на сите компоненти, и тоа кај денарските кредити со валутна калузула за 0,2 проценти и без валутна клаузула од 0,1 проценти и кај кредитите во странска валута 0,1 проценти. На годишна основа каматната стапка бележи намалување од 0,6 проценти.
Каматата врз која се одобрувале нови кредити во корпоративниот сектор во ноември изнесува 4,9 отсто и има месечно зголемување од 0,1 проценти. Месечниот раст е резултат на зголемувањето на каматните стапки кај денарските кредити со валутна калузула од 0,2 проценти и кредитите одобрени во странска валута од 0,1 проценти наспроти падот кај каматната стапка на денарските кредити без валутна клаузула од 0,1 проценти. Во споредба со октомври претходната година каматата е пониска 0,8 проценти.
Депозитите на корпоративниот сектор имале камата од 1,9 процент со месечен пад од 0,1 проценти, што е резултат на намалувањето кај каматните стапки на денарските депозити со валутна клаузула и каматните стапки на депозитите во странска валута за 0,1 проценти. На годишно ниво стапката е пониска од 0,2 проценти.
Новопримените депозити на корпоративниот сектор имале камата од еден процент и на месечна основа не бележи промена, а во однос на ноември претходната година има намалување од 0,6 проценти.
Кредитите одобрени на домаќинстата во ноември имаат просечна каматна стапка намалена 0,1 проценти. Каматата на новоодобрените кредити на домаќинствата изнесувала 5,5 проценти, каде што е забележана минимална надолна промена од 0,1 проценти во споредба со претходниот месец, а на годишна основа е забележано намалување од 0,3 проценти.
Од април 2017 година просечната каматна стапка на вкупните депозити од домаќинствата се одржува на ниво од 1,5 процент. Просечната каматна стапка на новопримените депозити од домаќинствата во ноември забележала намалување од 0,1 проценти и изнесува 1,6 процент.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Daily news
Награда за „Бизнисот на задоволството“ на фестивалот во САД, кој ги откри Спилберг и Џорџ Лукас
![](https://makfax.com.mk/wp-content/uploads/2024/05/thumbnail_The_Business_of_Pleasure_2.jpg)
Долгометражниот филм „Бизнисот на задоволството“ на Гоце Цветaновски е добитник на наградата „Сребрено реми“ на „Хјустон интернешнал филм фестивал“ (WorldFest-Houston International Film Festival) во САД.
Овој значаен фестивал, кој постои цели 57 години е еден од најстарите во Америка и најстар во светот за независни филмови. Се гордее со тоа што во својата историја им ги доделил првите награди на легендарни режисери како што се Стивен Спилберг, Џорџ Лукас, Анг Ли, браќата Коен, Ридли Скот, Брајан де Палма, Оливер Стоун, Роберт Родригез, Спајк Ли, Дејвид Линч и уште многу други.
„Ова е голем успех. Да бидеш награден во конкуренција од над 4.000 филмови од 70 држави, е признание кое ја потврдува естетската вредност на филмот. Дефинитивно влеговме во убаво друштво, со оглед на тоа кој се’ е добитник на „Реми награда“ во историјата на фестивалот. И’ честитам на целата екипа којашто допринесе за меѓународниот успех на филмот и едвај чекам сите да се собереме повторно и во септември да го претставиме филмот пред македонската публика.“, рече режисерот Гоце Цветановски.
Наградата е деветта по ред на филмските фестивали во светот, а трета во САД, откако претходно „Бизнисот на задоволството“ го доби признанието за најдобар филм на „Риверсајд филм фестивал“ во Калифорнија и за највпечатлив филм во Седона, Аризона.
Улогите ги толкуваат Муса Исуфи, Слаѓана Вујошевиќ, Исмаил Касуми, Дамјан Цветановски, Осман Ахмети, Елени Декидис, Мендим Муртези, Егзона Салиху, Авни Далипи и Катерина Коцевска, а Цветановски го потпишува и сценариото. Продуценти на филмот се Дритон Рамадани, Богдан Јончевски и Гоце Цветановски.
Снимен е со поддршка на Агенцијата за филм.
Daily news
Прва правна конференција Tres Partes
![](https://makfax.com.mk/wp-content/uploads/2018/03/1-1-3.jpg)
На 26 декември година во хотелот „Континентал“, со почеток во 10 часот, ќе се одржи првата правна конференција Tres partes, во организација на „Јанаки знае“, а ќе биде поделена во три дела.
Првиот дел е со работен наслов „Дали е потребно укинување на извршителите?”, на кој ќе учествуваат Зоран Василевски, кој ќе ја застапува тезата ПРО укинување на извршителите, извршител Снежана Андреевска, која ќе ја застапува тезата КОНТРА укинување на извршителите и извршител и поранешен судија за извршување, Христо Јованов, кој ќе предава во делот на извршувањето пред да се укинат судиите извршители.
Вториот дел е со работен наслов „Дали се шаблонизира институтот надомест на нематеријална штета“, на која предавачи ќе бидат адвокатката Маруша Митровска, судијката Љубица Колиќ од Основен суд Скопје 2 и судијата Ѓорѓи Радојков од Апелациониот суд Скопје.
Третиот т.н. кривичен дел е со работен наслов „Неприменување на кривично-правните институти“, во кој предавачи ќе бидат адвокатот Јанаки Митровски, Никола Тупанчевски, редовен професор по казнено право при „Јустинијан Први“, Александра Деаноска, вонредна професорка по казнено право при „Јустинијан Први“, и Оља Ристова, судијка при Основниот суд Скопје 1.
Предвиден е и интерактивен дел со публиката преку поставување прашања и коментари од учесниците.
Daily news
Груевски оди во затвор – Апелација му ја потврди казната
![](https://makfax.com.mk/wp-content/uploads/2018/08/gruevski-sud.jpg)
Апелациониот суд Скопје, постапувајќи по кривичниот предмет познат во јавноста под името „Тенк“ по одржана јавна седница, донесе пресуда со која му ја потврди двегодишната затворска казна на премиерот Никола Груевски. „Жалбите на обвинетиот Никола Груевски изјавени лично и преку неговите бранители ги одби како неосновани, а првостепената пресуда ја потврди во целост, со што му ги потврди двете години затворска казна“, пишува во соопштението од судот.
Второстепениот суд делумно му ја уважи жалбата на Ѓоко Поповски и му ја намали казната на 4 години и 6 месеци, а во останатиот дел првостепената одлука ја потврди.
За Гордана Јанкулоска за „Тенк“ е издвоена во друга постапка и пресудата за неа, под обвинение дека ја злоупотребила службената положба и го натерала Поповски да го намести тендерот за „мерцедесот“ што го посакал Груевски, ќе биде изречена на 8 октомври.