Црна хроника
Прегазен пешак кај Требеништа
Жител на село Требеништа загина во сообраќајна незгода што се случи во средата попладне во 17 часот и 45 минути на магистралниот пат Охрид-Кичево кај спојот со локалниот пат за селото Требеништа.
Шеесет и четиригодишниот Јонче Ј. починал во возило на Брза помош на пат кон Општата болница во Охрид.Сообраќајната незгода се случила во момент кога сега починатиот го преминувал коловозот на магистралниот пат од левата кон десната страна при што дошло до удар од патничко моторно возило марка „Рено Лагуна“ со охридски регистарски ознаки управувано од М.Ш.(42) од Охрид. Ударот се случил на десната коловозна лента со предниот лев дел од патничкото возило кое се движело од Кичево кон Охрид.За време на увидот на местото на настанот, извршен од полициски екипи и вешто лице, сообраќајот на магистралниот пат не беше во застој односно, по една сообраќајна лента се вршеше наизменично пропуштање на моторните возила. По наредба на Јавен обвинител, подигнати се траги за ДНК анализа, во СВР-Охрид земени се брисеви од усна шуплина од возачот и сопатникот во возилото „Рено Лагуна“ а во брза помош Охрид земена им е крв и урина за анализа.Врз телото на сега починатиот денеска ќе се изврши обдукција, а врз патничкото моторно возило дополнително вештачење./крај/мф
Извор: Фото:архива
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Приведен маж од Неготино, ја вознемирувал поранешната партнерка
Неготинец бил лишен од слобода поради непочитување на судска мерка и вознемирување на поранешна партнерка, информираа денеска од СВР Велес.
„Вчера во 16.00 часот полициски службеници од ОВР Неготино го лишиле од слобода З.М.(42) од Неготино, постапувајќи по претходна пријава од страна на неговата поранешна 37-годишна партнерка од тој град. Според пријавеното, З.М. не го почитувал решението од Основен суд Неготино со мерка забрана за приближување, дошол во нејзиниот дом и по кратка расправија скршил прозорец од домот. З.М. бил задржан во полициска станица, известен бил јавен обвинител и по документирање на настанот против него ќе биде поднесен соодветен поднесок“, соопштија од СВР Велес.
Црна хроника
Скопјанец почина косејќи трева во двор, го усмртил струен удар
Вчера во 20.45 часот во СВР Скопје било пријавено дека во двор од семејниот дом на подрачјето на Бит Пазар, додека В.П.(66) од Скопје косел трева со импровизирана косилка, се здобил со струен удар и починал.
Од страна на лекар од Итната медицинска помош била констатирана смрт.
Црна хроника
Возач на трактор тешко повреден откако излетал од коловозот
Вчера во 08.45 часот во полициската станица Валандово било пријавено дека во атар на с.Чалакли, валандовско, трактор „ИМТ 533“ со полуприколка, управуван од А.П.(48) од с.Балинци, валандовско, излетал надвор од коловозот.
Во несреќата со тешки телесни повреди се здобил возачот, констатирани во Општата болница Гевгелија.
Извршен бил увид од увидна екипа од ОВР Валандово.