Европа
DW: НАТО потврди дека Украина употребила балистички ракети
Украинската армија, спротивно на уверувањата од официјален Киев, употребила балистички проектили против проруските бунтовници во источниот дел од земјата, пренесува во петокот Deutsche Welle, повикувајќи се на потврда од штабот на НАТО.
Украинската армија, спротивно на уверувањата од официјален Киев, употребила балистички проектили против проруските бунтовници во источниот дел од земјата, пренесува во петокот Deutsche Welle, повикувајќи се на потврда од штабот на НАТО.
„НАТО ја потврдува информацијата на американската телевизиска мрежа CNN за тоа дека армијата на Украина употребила балистички ракети со кус дострел“ против проруските бунтовници во источниот дел на земјата, пренесува Deutsche Welle повикувајќи се на претставник на службата за односи со јавноста во седиштето на НАТО во Брисел.
Притоа портпаролот на Алијансата не можел да даде никакви други поединости, истакнувајќи дека „информацијата е базирана на податоци од американското разузнавање“.
Според претпоставките на повеќето медиуми кои изминатите денови се занимаваа со оваа тема, најверојатно станува збор за ракетните системи „Точка“, со дострел на балистичките ракети од повеќе од 100 километри. „Нема информации за бројот балистички проектили истрелани од украинска страна, како и врз какви цели биле истрелани и какво биле исходот од тоа“, забележува Deutsche Welle.
Постојаниот известувач на CNN од Пентагон, Барбара Стар во вторникот (29-ти јули) објави дека украинската армија во судирите со проруските бунтовници употребила балистички ракети. „Според нашите податоци, американското разузнавање преку своите сателити регистрирало како украинските сили од своите позиции истрелале балистички проектили ’земја-земја’ со мал дострел кон територијата под контрола на сепаратистите“, рече новинарката на CNN. Според истиот извор, станува збор за ракети кои носат боева глава од 454 килограми и има радиуси на дејствување од 80 километри. Како што истакна CNN во прилогот, ова е најдеструктивното оружје за кое се знае дека досега е употребено во судирите.
Како што додава Deutsche Welle, Украина ги негираше наводите на CNN, и притоа ја цитира изјавата на портпаролот на Советот за национална безбедност и одбрана на Украина од средата (30-ти јули) дека земјата „не употребила балистички проектили за време на антитерористичката операција“ во побунетите источни региони./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Намалениот број на станови доведе до раст на кириите во Германија
Растат кириите во Германија поради немањето станови во услови на високи градежни трошоци и кредити. Сето тоа го запре градежниот сектор и побарувачката, но и ги намали цените на квадратот, се вели во извештајот на здружението на банките.
Становите во Германија поевтиниле за 4,3 отсто во првиот квартал во однос на истиот период лани, објави здружението на германските банки„Pfandbrief“.
Цените за изнајмување на нови станови се зголемени за 5,6 отсто. Трендот на поскапување на кириите нема да запре, оценуваат од здружението.
„Пазарот за изнајмување станови е под огромен притисок. Побарувачката значително ја надминува понудата“, рече извршниот директор на здружението, Јенс Толкмит.
Трошоците за изградба значително се зголемија во последните години поради повисоките каматни стапки на кредитите и значително повисоките трошоци за работна сила и цените на градежните материјали. Во вакви услови се намали бројот на одобренија за градба, а побарувачката ослабе, што резултираше со пониски цени на становите, смета министерот за финансии.
Според податоците на здружението на банките, цените на недвижностите најмногу паднале во Минхен, за 5,3 отсто.
Во исто време, падот на градежната активност го продлабочува „недостигот“ на станови, зголемувајќи го натамошниот раст на закупнината, кој би можел да продолжи уште некое време.
Здружението оценува дека цените на станбените недвижности треба да се стабилизираат во догледна иднина, за разлика од комерцијалните недвижности, како што се деловните згради и трговските центри.
Цените во тој сегмент паднаа за речиси 10 проценти на годишно ниво и се уште не се гледа „дното“, вели првиот човек на здружението.
Проценките се базираат на податоци за работењето на повеќе од 700 банки кои се активни во финансирањето на недвижен имот, а не на понуди за купување и изнајмување кои служат како основа за Заводот за статистика, забележуваат тие во здружението.
Европа
(Видео) Драма на небото над Трст: забележана несекојдневна појава
Во внатрешноста на заливот Трст, во близина на границата со Словенија, во вторникот попладне се формирал вител.
Италијанските медиуми јавија дека невремето не предизвикало материјална штета, ниту било закана за населението. Интервенцијата на пожарникарите и на пристанишните служби не била потребна.
Waterspout reported in the North Adriatic between the town of Muggia and Koper a few hours ago.
Original video shooting from meteoradar
➡️ https://t.co/SXbq5rbWaj pic.twitter.com/XxRu57Gohs— Alpine-Adriatic Meteorological Society (@aametsoc) May 7, 2024
Италијанската метеоролошка агенција објасни дека ваквите појави не се воопшто ретки и дека се резултат на екстремна нестабилност на атмосферата.
Областа на низок воздушен притисок, која владее со поголемиот дел од Италија, донесе влажни струи во Трстскиот Залив.
„Во овие временски услови, неколку пати годишно може да се појават воздушни вртлози, кои во повеќето случаи се распаѓаат на море“, објаснуваат италијанските метеоролози.
Европа
Венеција заработи огромна сума на пари со наплата на влезници во градот за само 11 дена
Новововедениот билет за туристите на еднодневно патување во Венеција на градот му донесе приход од 975 илјади евра во првите 11 дена од пробниот период.
Билетот, кој првпат беше воведен на 25 април, се наплаќа по стандардна цена од пет евра.
Градот објави дека продал вкупно повеќе од 195.000 билети, што е малку над очекувањата, пренесува Независне новине.
Влезот ќе се наплаќа во повеќето саботи и недели до средината на јули, кога градот ќе ја разгледа цената.
Како општо правило, целодневните посетители помеѓу 8:30 и 16:00 часот се обврзани да платат влезница и да добијат QR код, кој служи како доказ за плаќање. Ако не го сторат, може да платат казна од 300 евра.
Домашните жители, гостите кои преноќуваат, студентите и децата под 14 години се ослободени од плаќање.
Со околу 15 милиони посетители годишно, Венеција е една од најпосетуваните туристички дестинации во светот.
Масовниот туризам му носи многу приходи на градот, но и гужвите создаваат големи проблеми. Не е познато дали Венеција ќе ја задржи таксата по пробниот период.