Регион
Албански пратеник се бара во Белгија за убиство
Албанскиот пратеник Марк Фроку, на кој деновиве му беше одземен имунитетот од страна на Собранието поради лажно сведочење и кој е во куќен притвор, е обвинет и за убиство во Белгија.
Албанскиот пратеник Марк Фроку, на кој деновиве му беше одземен имунитетот од страна на Собранието поради лажно сведочење и кој е во куќен притвор, е обвинет и за убиство во Белгија.
Белгиското јавно обвинителство побара од властите во Тирана, Фроку да биде екстрадиран во Белгија бидејќи е обвинет за убиство. Белгиските власти, како што е соопштено во Албанија, како организатор на групи проститутки е замешан и во едно убиство во Брисел, од пред десет години. Се очекува собраниските тела повторно да му го одземат имунитетот на Фроку, бидејчи Фроку и пратеникот Том Доши, кој исто така е обвинет за лажно сведочење и е во притвор, на слобода да бидат деновиве.
Инаку Фроку и Доши, според албанското јавно обвинителство, дале лажни изјави бидејќи сакале да го „наместат“, на претседателот на Собранието, Илир Мета, за кого тврдат дека тој нарачал убиство за ликвидација на Том Доши.
Доши најави судска разврска на случајот во Стразбур, бидејќи смета дека Мета врши силен притисок на јавното обвинитество./крај/мф/мн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Маж во Тузла ги убил сопругата и двете деца
М.Ч. синоќа во Тузла ги убил сопругата и двете малолетни деца, а потоа си го одзел животот скокајќи од 14 кат од зграда.
Маж се самоуби синоќа околу 21 часот и 15 минути, а денеска полицијата во станот го пронашла телото на неговата 34-годишна сопруга и децата на возраст од две и девет години.
Според неофицијалните информации кои ги објавија сараевските медиуми, мажот работел како медицински техничар во Германија, а во Тузла пристигнал пред неколку дена.
Истражните екипи денеска пронајдоа секира во станот во населбата Ступине во Тузла, со која наводно ги убил сопругата и децата.
Портпаролот на обвинителството во Тузла, Адмир Арнаутовиќ изјави дека ќе бидат издадени наредби за обдукција на телата на загинатите за да се утврдат точните причини за смртта.
Ќе биде издадена наредба за биолошко вештачење, ДНК анализа, како и други истражни дејствија и вештачења, со цел да се утврдат сите околности поврзани со овој настан, вклучително и начинот и начинот на трите убиства“, рече Арнаутовиќ.
Регион
Вучиќ изрази сочувство за смртта на Раиси
Претседателот на Србија, Александар Вучиќ, изрази сочувство до народот и владата на Иран во врска со смртта на претседателот на таа земја, Ебрахим Раиси.
„Изразувам сочувство до народот и владата на Исламската Република Иран за смртта на претседателот Ебрахим Раиси, искрен и доследен пријател на Србија“, напиша Вучиќ на својот профил на мрежата Х.
Хеликоптерот со Раиси и министерот за надворешни работи Хосеин Амир-Абдолахиан се урна во неделата во северозападниот дел на Иран, во областа Верзеган, а покрај двајцата загинаа уште шест лица.
Регион
18-годишник е уапсен бидејќи го запалил хрватското знаме и го споделил на социјалните мрежи
Осумнаесетгодишник е уапсен во Славонија бидејќи на 1 мај го запалил хрватското знаме во шумата кај Трпија.
Како што дознала полицијата, тој тоа го снимил и го објавил на социјалните мрежи.
„На овој начин тој јавно го подложи знамето на Република Хрватска на потсмев и грубо омаловажување и на јавноста и стави на располагање видео од тој чин преку компјутерска мрежа, во кое повикува на насилство или омраза насочена кон група луѓе поради нивната национална или етничка припадност“, наведува полицијата во кривичната пријава.
Пријавата го товари младиот човек за јавно поттикнување насилство и омраза и нарушување на угледот на Република Хрватска. За овие злосторства му се заканува затворска казна до три години.
Од полицијата потврдија дека со решение на Жупанискиот суд во Вуковар, на 18-годишникот му е одредена мерка притвор.