Европа
ОН: Бројот загинати во Украина надмина илјада
Од почетокот на борбените дејствија на украинската армија во источните делови од земјата загинале 1.129 луѓе, а ранети се околу од 3,5 илјади, објави Високата комесарка на Обединетите нации за човекови права Наванетхем (Нави) Пилај, претставувајќи го во Женева во понеделникот извештајот на набљудувачката мисија.
Од почетокот на борбените дејствија на украинската армија во источните делови од земјата загинале 1.129 луѓе, а ранети се околу од 3,5 илјади, објави Високата комесарка на Обединетите нации за човекови права Наванетхем (Нави) Пилај, претставувајќи го во Женева во понеделникот извештајот на набљудувачката мисија.
Според документот, точниот број цивилни жртви во овој момент тешко може да се утврди, но според информациите добиени од мисијата на комесаријатот на ОН за човекови права и Светската здравствена организација, од средината на април кога новите прозападни власти во Киев ја започнаа ткн „антитерористичка“ операција за враќање под контрола на источните региони на Украина на кои своја власт прогласија проруските бунтовници, до 26-ти јули загинале 1.129 луѓе, а 3.442 се ранети.
Притоа се истакнува дека станува за збор за „конзервативни процени“ на четвртата набљудувачката мисија на ОН, односно на агенцијата за човекови права UHCHR и на СЗО, кој го опфаќа периодот од 8-ми јуни до 15-ти јули 29014 година, кога бројот на жртвите достигнува околу илјада. Од нив повеќе од половината – 522 загинати, се цивили.
Според извештајот, причината за поголемиот број смртни случаи во последно време се интензивните артилериски бомбардирања на населените места и ткн „колатералната штетат“ од борбените дејствија, кои се одвиваат во густо населените населби.
„Зголемениот број загинати и сериозните оштетувања на цивилната инфраструктура, во зависност од околностите, може да се смета за нарушување на меѓународното хуманитарно право“, истакна Пилај и порача дека „борбите мора да престанат“.
„Двете страни треба особено да се заложат да се избегнуваат нови жртви и ранети меѓу цивилното населени“, челничката на агенцијата за човекови права при светската организација.
Во источните региони на Украина, кои се контролирани од проруските милиции „има целосно отфрлање на владеењето на правото“, се истакнува исто така во извештајот на ОН.
Во понеделникот, пак, властите на самопрогласените „народни републики“ во Донецк и во Луганск, известија за нови цивилни жртви, во борбените операции на украинската армија во споменатите области кои веќе четврт месец се под контрола на проруските бунтовници кои не ги признаваат властите во Киев. Така, се известува дека во Луганс во артилериски оган загинале 5 а ранети се 15 цивили, додека во Донецк во бомбардирањата во текот на ноќта кон понеделникот три цивила се убиени а осум се ранети. Притоа, регистрирани се големи оштетувања на мрежите за снабдување со електрична енергија и природен гас, како и на многу цивилни објекти./крај/мф/сн
Извор: ОН/Итар-Тасс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
16-годишно момче избодено во училиште во Германија
16-годишно момче е тешко повредено кога утрово околу 8 часот било избодено од тинејџер (17) во училиште во Нојкирхен-Влуин.
На нападот наводно му претходела вербална расправија.
Постариот ученик наеднаш извадил нож и го ранил 16-годишникот во горниот дел од телото.
Момчето итно било пренесено во болница, а лекарите велат дека неговата состојба е стабилна.
По прободувањето напаѓачот побегнал од училиштето, но полицијата брзо го лоцирала и го уапсила.
Според инспекторот, немало опасност по безбедноста на другите деца во училиштето.
Европа
Во Англија извикал „Алах Акбар“ и убил случаен минувач: „Го направив тоа за луѓето од Газа“
45-годишниот Ахмед Алид вчера беше прогласен за виновен за убиство и обид за убиство. На 15 октомври минатата година, барател на азил од Мароко со нож го уби 70-годишниот Теренс Карни во центарот на англискиот град Хартлпул. Тој претходно го избодел со нож својот заспан цимер Џавед Нури додека викал „Алах Акбар“.
Алид и рекол на полицијата дека сето тоа го направил „за луѓето од Газа“. Само осум дена пред да убие случаен минувач и да го рани својот цимер, милитантите на Хамас го нападнаа Израел. Алид се заколнал дека ќе убиел повеќе луѓе доколку имал митралез и друго оружје, изјави обвинителот Џонатан Сендифорд во Судот во Тесајд.
Алид делел куќа со други баратели на азил во североисточна Англија. Тој бил вознемирен што Нури го прифатил христијанството. Цимерите рекле дека Алид почнал да носи нож откако на телевизија видел прилог за настаните во Газа.
Европа
Крим главна цел: Пентагон откри за што Украина ќе ги користи моќните ракети АТАКМС
Министерството за одбрана на САД ја појасни целта за испорака на ракети со долг дострел во Украина, кои неодамна беа испорачани во тајност. Како што објави „Њујорк тајмс“, целта на испораката на американските ракети АТАКМС е да се зголеми притисокот врз Крим, кој беше анектиран од Русија по референдумот во 2014 година.
Крим го претставува центарот во кој се лоцирани голем број руски воздушни и копнени сили и кој досега, како што пишува американскиот дневен весник, „за нив бил релативно безбедно засолниште“. Ова го тврди анонимен американски функционер. Сепак, Пентагон одби да каже колку точно од овие проектили со дострел од 300 километри се испорачани на украинската страна.
Советникот за национална безбедност на Белата куќа, Џејк Саливан, претходно ја потврди испораката на овие ракети без да прецизира дали тие се модифицирани и имаат зголемен дострел.
Украинските сили веќе употребија АТАКМС, што претседателот Володимир Зеленски го потврди на 17 април, објавувајќи дека бил извршен напад врз воздухопловната база Џанкој, која се наоѓа на 165 километри од линијата на фронтот. Министерството за одбрана на Руската Федерација не ги коментираше овие наводи.
Pentagon reveals Ukraine’s targets for ATACMS missiles – NYT — (the usual baffling lack of retaliation threats from #Putin– instead just the usual bleating that ‘it’s impossible to justify’..Bring Stalin back to life please, Russia) https://t.co/8pi0Lx8tbt #CapeTown #SouthAfrica pic.twitter.com/ZtI5cG3r2m
— Peter Mayson (@theforeverman) April 26, 2024
Американскиот дневен весник потсетува дека Украина првпат добила ракети АТАКМС во септември минатата година, но дека станува збор за верзија со половина дострел. Се шпекулираше дека Украина можеби користела американски ракети за да го урне кримскиот мост, што на почетокот на месецов го потврди и самиот претседател Зеленски, велејќи дека неговата влада „навистина сака да го уништи мостот на Крим“.
Тој е симбол на руската окупација и преку овој мост Русија испорачува воена опрема и ги снабдува војниците во Украина. Во неколку наврати досега мостот беше цел на украински напади.
– Мислам дека е вистинското време, а шефот (Бајден) донесе одлука дека е вистинско време да и го обезбеди на Украина оружјето неопходно за тековната борба. Тоа е добро осмислена и многу конструктивна одлука – изјави адмирал Кристофер Грејди, заменик командант на Здружениот генералштаб на американската армија.
Руската страна го осуди потегот на САД, а рускиот амбасадор во Вашингтон Анатолиј Антонов рече дека тоа „ја зголемува заканата за безбедноста на Крим, вклучително и Севастопол и другите руски градови“.