Црна хроника
Два нови случаи на криумчарење мигранти
Регионалниот центар за гранични работи – Југ во два одвоени случаи на криумчарење мигранти до надлежното основно јавно обвинителство поднесе кривични пријави против 42-годишниот Ѓ.М. од село Петрово и 40-годишниот С.П. од од село Волково поради постоење основано сомнение дека сториле кривично дело „криумчарење на мигранти“.
И во двата случаи од страна на судија на претходна постапка на двајцата пријавени им се изречени мерки притвор, за Ѓ.М. во траење од осум дена а за С.П во траење од 30 дена.
Во првиот случај пријавениот Ѓ.М. прифатил и превезувал лица со илегален влез и престој во Македонија, односно илегални мигранти од бензинската пумпа на „Макпетрол“, на автопатот кај Демир Капија во правец Гевгелија – Скопје до близина кај село Каласлари -Велес со намера да ги превезе до Куманово.
Тој е сопрен од страна на УПС од ПС за БПСА Демир Капија, при што во возилото со велешки регистарски таблички биле откриени четири лица илегални мигранти сите од Сирија. Во разговор со лицата илегални мигранти константирано е дека истите оствариле илегален влез во Македонија од Грција, и дека биле со намера илегално да ја преминат државната граница од економска природа и преку Србија да стигнат до земјите од ЕУ.
Во вториот случај, С.П. во петокот прифатил и превезувал лица со илегален влез и престој во акедонија, односно илегални мигранти од село Удово, во правец Гевгелија – Скопје до тунелите кај Демир Капија, со намера да ги превезе до Скопје.
Од страна на патролен тим од Полициската станица за преминот „Михајлово“ при редовна средба со полицајци од станицата во Демир Капија на автопатот во правец Демир Капија – Скопје, кај тунелите на Демир Капија е запрено возило со скопски регистарски таблички, сопственост и управувано од пријавениот, при што се откриени шест лица илегални мигранти од Сирија.
Во разговорот со лицата илегални мигранти констатирано е дека истите илегално влегле во Македонија од Грција покрај пругата, во близина на граничниот премин „Богородица“ продолжиле да се движат пеш во близина на пругата.
Додека се движеле низ шумата ги пресретнало непознато лице и им рекло дека може да им организира превоз до Скопје за цена од 250 евра. Тие му ги дале парите и по кратко време лицето го снемало. Кога сакале да продолжат пешки, на патот пред нив застанало возило и им рекло да се качат за Скопје./крај/мф/бс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Топ
Еден е повреден во пукање вечерва во Чаир
Едно лице е потешко повредено, и веднаш е пренесено во болница во пукањето кое вечерва се случи во скопската населба Чаир. Од МВР го потврдија настанот.
„На 05.10.2024 во 20.20 часот пријавено е дека на ул. Цветан Димов во Скопје има повредено лице од огнено оружје. Според пријавеното, во повредениот било пукано од возило „пасат“. Повредениот е пренесен во ГОБ Св.Наум Охридски за укажување помош. Се преземаат мерки за расчистување на случајот“, велат од МВР.
Црна хроника
63-годишен маж починал додека работел на нива
Вчера во 10.30 часот во полициската станица Струмица било пријавено дека е починат 63-годишниот Ж.Ј. од село Муртино.
Тој извршувал земјоделски работи со својот трактор во нива во место викано „Врловарник“, атар на село Муртино. Додека ги вршел работите со тракторот зафатил железна шипка од оранжеријата, која паднала и го повредила при што од здобиените повреди починал.
Смрт констатирал лекар Медицински центар Струмица додека Увид на местото извршиле јавен обвинител од Основното јавно обвинителство Струмица и екипа на СВР Струмица.
Црна хроника
Приведен крадец на голф, автомобилот е вратен на сопственикот
Полициски службеници од СВР Тетово синоќа во 19.40 часот во тетовското село Порој го лишиле од собода Е.М.(27) од Косово, поради тоа што противправно одзел патничко возило „голф“ со тетовски регистерски таблици, сопственост на лице од село Џепчиште, тетовско.
Како што соопшти денеска МВР, Е.М. е задржан во полициската станица Тетово за понатамошна постапка и против него ќе биде поднесена соодветна пријава, додека одземеното возило му било вратено на сопственикот.