Европа
Руските експерти на местото од падот на малезискиот авион, прекин на огнот за 24 часа
Руските експерти имаат намера во четврток да го посетат местото на падот на малезискиот авион од 17-ти јули во источна Украина, заедно со меѓународниот тим истражители да ги испитаат останките од авионот, соопштија претставници на руската цивилна авијација.
Руските експерти имаат намера во четврток да го посетат местото на падот на малезискиот авион од 17-ти јули во источна Украина, заедно со меѓународниот тим истражители да ги испитаат останките од авионот, соопштија претставници на руската цивилна авијација.
„Руските експерти имаат намера да се сретнат со челникот на меѓународната истражна комисија и да му ги предадат сите материјали кои тој претходно ги бараше. Денеска, исто така, руските претставници ќе се обидат да дојдат до областа во којашто се урна авионот Boeing 777 и заедно со експертите на меѓународната истражна комисија да ја испитаат состојбата на деловите од авионот на местото на настанот“, се наведува во соопштението на руската цивилна авијација што го цитира агенцијата Интерфакс.
Истовремено украинската армија објави дека за еден дена ја прекинува својата офанзива против проруските бунтовници во источната Донецка област на барање на генералниот секретар на Обединетите нации, Бан Ки-мун за да им се овозможи на меѓународните експерти да дојдат до местото на падот на авионот.
„Денеска на дело е прекин на огнот на барање на Бан Ки-мун, за да се овозможи работата на стручњаците во зоната нападот на авионот. Генералштабот на антитерористичката операција (како што Киев ја нарекува офанзивата во источниот дел на земјата – з.р.) одлучи за еднодневен прекин на борбите“, изјави портпаролот на украинските сили кои ја спроведуваат операцијата во источна Украина, Олкесиј Дмитрачевски, пренесе агенцијата УНН.
Украинските сили и покрај изјавата на претседателот Петро Порошенко дека издал наредба да ги сопрат борбените дејствија во радиус од 40 километри од местото на падот на малезискиот патнички авион кога загинаа вкупно 298 луѓе, деновиве водеа жестока офанзива обидувајќи се да ја заземат споменатата област, што наиде на реакции од страна на меѓународните организации.
Киев и Западот тврдат дека проруските бунтовници „по забуна“ го урнале патничкиот авион со оружје „најверојатно“ донесено од Русија, додека Москва отфрлајќи ги овие обвинувања кои не се поткрепени со технички податоци изнесе податоци според кои во времето на трагедијата во близина на Донецката област која е под контрола на проруските бунтовници бил активен еден ракетен систем „Бук М1“ на украинската армија /крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Уапсени две млади момчиња: планирале напад со нож на верници во синагога во Германија
Германските власти денеска соопштија дека уапсиле двајца мажи осомничени дека планирале напад со нож врз верници во синагога во Хајделберг, на југозападот на земјата.
Осомничените, на возраст од 24 и 18 години, беа приведени за време на одделни полициски операции во покраината Баден-Виртемберг на почетокот на овој месец, соопштија државните обвинители и полицијата, пренесе АП.
Тие разговарале за убиство на еден или повеќе верници во напад на синагогата, по што ќе следуваше нивна „маченичка смрт“, а сакаа полицијата да ги убие, се вели во заедничкото соопштение на германските власти.
Осомничените се соочуваат со обвиненија за заговор за убиство.
Полицијата го открила заговорот со претрес на домот на повозрасниот осомничен на 3 мај.
При претресот, полицаецот пукал и ранил еден од осомничените откако се фатил за нож.
Доказите запленети за време на претресот вклучуваат размена на онлајн пораки меѓу двајцата осомничени во април, во кои тие разговарале за можен напад на синагогата, соопштија властите.
На 18 мај полицијата го приведе помладиот осомничен и изврши претрес во неговиот стан.
Двајцата осомничени се германски државјани, а 18-годишникот има и турско државјанство, соопштија властите.
Нивните имиња не се објавени.
Германските лидери предупредија на ризиците од напади врз Евреите и го осудија порастот на антисемитизмот по избувнувањето на војната меѓу Израел и Хамас.
Европа
Филипинка се породила на крузер и го сокрила бебето: тоа починало
Истражен судија во Гросето, Италија го отфрли обвинението за убиство против Чан Џенсел Пиа Салахид, 28-годишна Филипинка која се породила на бродот за крстарење „Сребрен шепот“ на 17 мај, а потоа беше уапсена за смртта на детето.
Истражниот судија го потврдил приведувањето, а младата жена останала во затвор, но под обвинение за напуштање дете кое починало. Нејзините двајца колеги, кои ја делеле кабината со неа и кои исто така биле уапсени поради смртта на бебето, биле ослободени.
Тие и помогнале да се породи и биле соучесници во прикривањето.
Како што пишува „Rai News“, по добивањето на резултатите од обдукцијата, судот ги отфрли обвиненијата за убиство. Засега не се знае за што точно ќе биде обвинета жената освен за напуштање на детето.
А, таа цело време пред истражителите, според италијанските медиуми, тврдела дека не сакала да го убие својот син, кого го нарекла Тејлор.
Само се плашела дека ќе остане без работа, па го сокрила. Секогаш кога можела, доаѓала да го дои, според исказите. Бебето го оставала во плакарот со подотворена врата за никој да не го види или слушне неговиот плач.
Европа
Состојбата на Фицо е стабилна, забележително е благо подобрување, велат од болницата
Состојбата на словачкиот премиер Роберт Фицо по минатонеделниот атентат е стабилна со благо подобрување, соопштија денеска од болницата каде што е сместен Фицо.
„Состојбата на премиерот е стабилна со благо подобрување. Веруваме дека напредокот ќе продолжи“, соопшти болницата на платформата Х (Твитер), пренесе Ројтерс.
Фицо минатата среда беше застрелан од 71-годишниот писател Јурај Цинтула, кој веднаш беше приведен од полицијата.
Словачкиот премиер во тешка состојба беше пренесен во болницата каде му беше извршена операција.
Словачкиот суд во саботата одлучи Цинтула да биде задржан во притвор, а тој се соочува со казна од 25 години до доживотен затвор.