Црна хроника
Вранишковски останува во затвор, Апелациониот суд ја потврди пресудата

Апелациониот суд ја потврди пресудата од минатата година со која расчинетиот владика Јован Вранишковски беше осуден на три години затворска казна за кривично дело „перење пари и други приноси од казниво дело“, соопшти во четврток Основниот суд Скопје 1.
Апелациониот суд ја потврди пресудата од минатата година со која расчинетиот владика Јован Вранишковски беше осуден на три години затворска казна за кривично дело „перење пари и други приноси од казниво дело“, соопшти во четврток Основниот суд Скопје 1.
„Советот на Апелациониот суд – Скопје донел одлука со која жалбата на Основното јавно обвинителство за гонење на организиран криминал и корупција – Скопје, жалбата на обвинетиот Ј.В. изјавена лично, заедничката жалба на обвинетиот Ј.В. изјавена преку неговиот бранител се одбиваат како неосновани“, се наведува во соопштението и се додава дека Основниот суд Скопје 1 правилно и целосно ја утврдил фактичката состојба.
Пресудата беше донесена на 2-ри јули, 2013 година, а со неа, освен Вранишковски кој доби три години затворска казна, уште 18 лица беа осудени на две години условни казни доколку во следните пет години не го повторат делото. Сите беа обвинети за злоупотреба на црковни пари за купување имот.
Обвинетите ја оштетија Македонската православна црква за околу 13,5 милиони денари.
„Од Здружението за унапредување на граѓанските и верски слободи Анастасија од село. Нижеполе, Битола се конфискува во корист на оштетената Македонска православна Црква, непосредна и посредна имотна корист прибавена со кривичното дело што се состои во пари во износ од 4.940.400,00 денари. Исто така, од обвинетиот И.П. се конфискува во корист на оштетената Македонска православна Црква имотна корист прибавена со кривичното дело во вредност од 8.595.571,00 денари што се состои во недвижен имот – земјиште“, соопшти Судот.крај/мф/сд
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Кривична против полицаец од Интервентна поради поткуп

Одделот за внатрешна контрола, криминалистички истраги и професионални стандарди при МВР до надлежното Основно јавно обвинителство за гонење на организиран криминал и корупција Скопје, во соработка со Одделот за сузбивање на организиран и сериозен криминал при МВР поднесе кривична пријава против А.Б. на работно место виш полицаец во Единица за интервентна полиција при СВР Скопје, поради постоење основи на сомнение дека сторил кривично дело „давање поткуп“ по член 358 став 1 од КЗ.
Според документираните сознанија, пријавениот во текот на февруари и март годинава посредувал кај друг полициски службеник вработен на ГП Долно Блаце, односно понудил и дал поткуп со цел полицискиот службеник да не ја изврши својата службена должност, односно да не евидентира влез во државава на македонски државјанин на ГП Долно Блаце, така што од негова страна евидентиран е турски државјанин. Пријавениот е лишен од слобода и задржан во полициска станица, а од страна на Основниот кривичен суд Скопје изречена му е мерка претпазливост и забрана за вршење на дејност. Воедно ОВККИПС против А.Б. ќе поднесе и предлог за поведување на постапка за кршење на работниот ред и дисциплина.
Црна хроника
25-годишник од Велес со тешки повреди пренесен во болница: управувајќи мопед, паднал на коловозот

Вчера во 22:15 часот во СВР Велес е пријавено дека на улицата „Васил Ѓоргов“ во Велес, 25-годишниот К.П. од Велес управувајќи мопед со скопски регистарски ознаки, паднал на коловозот.
Во несреќата со тешки телесни повреди се здобил К.П., констатирани во Општата болница Велес. Извршен бил увид од СВР Велес.
Црна хроника
При градежни активности на имот во Кисела Вода била оштетена цевка од гасовод, при што имало истекување гас

Вчера во 11:37 часот во СВР Скопје било пријавено дека при ископ и вршење градежни активности на имот на правно лице на булеварот „Борис Трајковски“, на подрачје на Кисела Вода во Скопје, била оштетена цевка од гасовод, при што имало истекување на гас.
Полициски службеници од ЕВР Кисела Вода и инспектор за животна средина излегле на местото и било констатирано дека од страна на фирмата „Нома гас“ биле исклучени вентилите и појасниле дека на местото нема присуство на гас.
Увид бил извршен и по целосно документирање на случајот, ќе биде поднесена пријава по член 291 од Кривичниот законик – „уништување или оштетување на јавни инсталации“.