Европа
Киев не воведува воена состојба, Русија негира учество а активисти тврдат дека 100 руски војници загинале во Украина
Украина нема да воведе воена состојба во земјата поради напредувањето на бунтовниците на истокот од земјата но ќе ја врати обврската за редовно служење на воениот рок, Москва негира дека воено учествуваат во судирите во Украина, а опозициски активисти во Русија тврдат дека на боиштето во соседната земја загинале стотина руски војници.
Руското министерство за одбрана во четвртокот навечер негираше какво и да е присуство на руски единици во источна Украина. „Обвинувањата немаат никаква врска со вистината. Ги примивме на знаење тие лажни информации и мораме да ги разочараме нивните автори преку Атлантикот и некои коишто ги поддржуваат во Русија а станува збор за единствен фронт во клеветење на руското министерство за одбрана“, изјави портпаролот на министерството, генералот Игор Конашенков, пренесува агенцијата Интерфакс. Русија одлучно ги отфрла тврдењата на Киев и на Западот дека испраќа единици кои ги водат операциите на проруските бунтовници во источна Украина. Киев во понеделникот објави дека уапсил на своја територија десет руски падобранци, кои како и нивното министерство на прес-конференција изјавија дека при патролирање случајно заталкале на украинска територија. Премиерот на самопрогласената Народна Република Донецк, Александр Захарченко, во четвртокот во интервју за руските телевизии и за Reuters потврди дека во редовите на бунтовниците во Донбас се борат околу три до четири илјади руски доброволци, меѓу кои има и војници кои за време на одморот или отсуството доаѓаат да се борат на страна на проруските бунтовници, но негираше помош и учество на организирани руски единици и воена помош од Русија.Опозициски активисти известија во четвртокот дека во северна Русија во тајност биле погребани двајца падобранци кои според наводно тврдење на нивните семејства загинале во Украина. Двајца членови на Советот за човекови права на рускиот претседател објавија дека повеќе од сто руски војници биле убиени во август во еден напад на украинската армија додека помагале на проруските бунтовници, како и дека руските власти и спречиле протестот на сопругите на војниците северно од Москва.Околу 300 луѓе биле ранети на 13-ти август во близина на гратчето Снижне во областа на Донецк, кога конвој со камиони кој превезувал муниција бил погоден од украински ракетен систем „Град“, рекле Ела Полјакова и Сергеј Кривенко од Рускиот претседателски совет за човекови права, пренесува Reuters. „Конвојот руски војници бил нападнат со ракети ‘Град’ и повеќе од 100 луѓе се убиени. Сето тоа се случило во градот Снижни во областа Донецк“, рекол Кривенко. И Полјакова добила податоци за повеќе од сто убиени руски војници во тој напад.AFP јавува дека руските власти забраниле протест на жените на руски војници кои пред воена база на 331-та регимента на 98-та воздушна дивизија во Кострома, 330 километри северно од Москва, барале објаснување да се видат со сопрузите. „Единствено се согласуваат да ни кажат дека тие не се во Русија“, рекла за AFP Валерија Соколова, која имала сопруг во таа регимента. Според неа, на почетокот од седмицата 15 војници се вратени во Русија ранети, а други во ковчези, пренесува агенцијата.Претседателката на Одборот на мајките на руските војници Валентина Мелникова рекла за опозициската телевизија Дожд дека речиси 15 илјади руски војници се борат во Украина со проруските бунтовници.Москва повторно во четвртокот навечер ги отфрли овие тврдења на Киев и Западот дека нејзини војници се борат во источна Украина. „Тие информации ги проверуваат надлежните власти“, изјави портпаролот на Кремљ, Дмитриј Песков за агенцијата Итар-Тасс.Во меѓувреме, на повеќечасовната седница на Советот за национална безбедност и одбрана на Украина посветена на напредувањето на проруските бунтовници кој југоисточните области заземајќи повеќе градови и избивајќи на брегот на Азовското Море, било решено дека е несоодветно да се воведе воена состојба во земјата поради ситуацијата во источна Украина, изјавил за РИА Новости, портпаролот на Советот и на воената операција, Андриј Лисенко. „Прашањето беше покренато на состанокот, но учесниците дојдоа до заклучокот дека прогласувањето воена состојба“, рекол портпаролот.Меѓутоа, Советот донеле одлука дека уште од оваа есен ќе го воведе задолжителното отслужување на воениот рок, но регрутите нема да служат војска во областите во кои се водат борби со бунтовниците, пренесе украинската агенција Интерфакс. Меѓутоа, засега не се знае колку долго ќе трае воениот рок. Служењето воен рок беше задолжително за сите Украина повозрасни од 18 година, но поранешниот претседател Виктор Јанукович, кој го собори сегашната прозападна власт со безредијата во Киев во февруари, ја прекина таа практика и воведе професионална војска. Полскиот министер за надворешни работи, Радослав Сикорски, кој беше еден од претставниците на ЕУ потписник на договорот меѓу Јанукович и тогашната опозиција за спречување на крвопролевањата во Киев во кои загинаа сто луѓе кој веќе следниот ден беше изигран од страна на опозицијата, рече дека руската акција во источна Украина е „агресија“ која ја создала најголемата безбедносна криза во Европа последните децении и повика на акција, „Најдобро е ако акцијата ја преземе џелата меѓународна заедница“, изјави Сикорски кој смета дека акциите мора да бидат „одлучни, но разборити“, бидејќи последиците би можеле да бидат „несогледливи“.Амбасадорите на 28-те земји членки на НАТО и на Украина, во рамките на Советот Украина – НАТО, ќе одржат во петокот итна средба на којашто ќе се разговара за украинската криза, потврди неименуван функционер на Алијансата. Состанокот ќе се одржи на барање на Украина која ја обвинува Русија дека испраќа војници во југоисточниот дел од земјата да се борат на страна на проруските бунтовници./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Пристигнаа нови карти: „Руското освојување на Покровск може да почека, загубите се огромни“
Руските сили продолжуваат полека, но стабилно да напредуваат кон Покровск во регионот Донецк, според најновиот извештај на Американскиот институт за проучување на војната.
Институтот: Руското заземање на Покровск може да потрае. Загубите се огромни
И покрај месеците обиди за пробивање на украинските одбранбени линии, темпото на рускиот напредок останува ограничено, делумно поради исцрпувачките офанзиви со големи загуби што Москва ги спроведува истовремено на неколку делови од бојното поле.
Според проценката на Институтот, руската команда „веројатно ќе успее да го заземе Покровск и блискиот Мирноград“, но овој процес може да потрае многу подолго и да донесе поголеми загуби отколку што би било потребно доколку силите и ресурсите беа концентрирани исклучиво во таа насока.
Покровск, заедно со Авдиевка и Часив Јар, е еден од клучните урбани центри на западниот регион Донецк, чие заземање би отворило пат за Русија да навлезе во подлабоките делови од украинската одбрана и да ги загрози линиите за снабдување до Днепар.
Напади со висока цена
Институтот, исто така, истакнува дека руските трупи ги користат магливите временски услови во последните недели за да ги интензивираат нападите, особено во правец на Хуљајпол и други области во источна Украина.
Маглата го отежнува работењето на украинските извидувачки и борбени беспилотни летала, што Москва го користи за да ги премести пешадиските и оклопните единици кон линиите на фронтот.
❗️У мережі з’явилося відео наступу російських військ на Покровськ.
На кадрах видно, що окупанти використовують туманну погоду для просування.
Офіційних даних від українських сил щодо ситуації на місці наразі ще немає pic.twitter.com/GDrdkxQmq9
— NV (@tweetsNV) November 11, 2025
Според Институтот, повеќемесечната кампања на Русија за воздушно пресретнување на бојното поле – операции насочени кон онеспособување на украинските логистички и комуникациски центри – веројатно придонела за неодамнешните руски напредувања во областите Великомикајливка и Хуљајпоље.
Сепак, аналитичарите истакнуваат дека овие успеси доаѓаат со висока цена, бидејќи украинските сили продолжуваат со прецизни удари да напаѓаат во руската позадина и снабдувачки патишта.
Исцрпување на противникот
Украинската армија, од друга страна, ја продолжува кампањата на напади од далечина врз руската нафтена инфраструктура, што беше потврдено повторно во ноќта помеѓу 10 и 11 ноември со серија напади врз рафинерии и складишта за гориво на руска територија. Ваквите напади имаат за цел да ја намалат способноста на Русија да ги наполни своите единици со гориво и да го одржи логистичкото темпо на бојното поле.
На терен, според Институтот, украинските сили напредувале во близина на Сиверск, додека руските трупи оствариле ограничен напредок во близина на Покровск и Хуљајпоље. Аналитичарите истакнуваат дека руската стратегија сè повеќе се потпира на исцрпување на противникот и користење бројни пешадиски сили во напади со помал интензитет, што ги продолжува борбите и го зголемува бројот на жртви од двете страни.
„Руската команда продолжува да води војна на исцрпување, забавувајќи го темпото на офанзивата и зголемувајќи ги сопствените загуби, и покрај локалните тактички успеси“, заклучува Институтот во својот извештај.
фото: принтскрин
Европа
Градоначалникот на Киев: Имаме огромен проблем со војниците
Украина се соочува со критичен недостиг на војници, бидејќи рекорден број мажи ја напуштаат земјата и одат за Европа, предупреди градоначалникот на Киев, Виталиј Кличко, во интервју, пишува Политико.
„Имаме огромни проблеми со војниците – со човечките ресурси“, изјави Кличко за Axel Springer Global Reporters Network, признавајќи го данокот што речиси четиригодишната војна го нанесе врз способноста на Украина да ги пополни своите редови.
Руските сили, рече тој, неуморно напредуваат, опишувајќи ги нивните напади како „како компјутерска игра – тие само продолжуваат да доаѓаат, не им е гајле за паднатите војници“.
Кличко има предлог
Според сегашните правила, Украинците можат да бидат мобилизирани од 25 години, но Кличко верува дека ова треба да се промени. „Во минатото, 18-годишниците служеа во војска – но тие се деца“, рече тој. „Моментално во Украина можете да мобилизирате само од 25 години. Тоа би можело да се намали за една или две години – на 23 или 22 години.“
Овие изјави одразуваат растечка загриженост за масовното иселување на млади мажи од земјата. Владин декрет издаден во август со кој им се дозволува на мажите на возраст од 18 до 22 години да ја напуштат земјата се совпадна со нагло зголемување на бројот на Украинци кои бараат заштита во Европската Унија.
Најновите бројки покажуваат дека земјите од ЕУ одобриле повеќе од 79.000 барања за привремена заштита во септември, што е највисока месечна бројка за две години, со најголеми зголемувања регистрирани во Германија и Полска.
фото: принтскрин
Европа
Британец намамувал девојчиња преку „Снапчат“ и ги силувал: осуден на 28 години затвор
Висок раководител на британскиот здравствен систем, опишан од судија како „лукав, интригантен и манипулативен“, е осуден на 28 години затвор за силување и сексуално напаѓање девојчиња што ги регрутирал преку „Снапчат“.
Пол Липскомб, 51, користел лажни профили за да ги намами жртвите, па дури и продавал видеа од злоупотреба на деца генерирани од вештачка интелигенција на веб-страница, објавува „Скај њуз“.
Мрежата на криминал почнала да се расплетува откако 15-годишно девојче, кое било пријавено како исчезнато, ѝ кажало на полицијата дека е силувано.
Обвинителката Фрида Хусеин КЦ изјави пред Крунскиот суд во Лестер дека Липскомб бил уапсен во април 2024 година под сомнение за киднапирање откако полицијата го запрела неговиот автомобил. Девојчето исчезнало од својот дом доцна во ноќта, а Липскомб ја зел и ја однел во хотел.
Полицијата подоцна го пронашла детето на изнајмена адреса, а при претресот на хотелот, автомобилот и неговиот дом биле откриени докази за сексуална злоупотреба, вклучувајќи меки играчки, средства за врзување, вотка и неколку мобилни телефони. „Тој обвинил други луѓе за сериозни кривични дела само за да ги прикрие сопствените злосторства“, нагласи обвинителот.
„Тој беше интелигентен, досетлив и добро организиран“
При изрекувањето на пресудата, судијата Кит Рејнор му се обрати на Липскомб, велејќи дека е „интелигентен, самоуверен, досетлив и добро организиран“ и дека неговите жртви се „вистински ранливи“.
„Доказите покажуваат дека сте биле лукави, интригантни и манипулативни. Бевте дрски во вашето криминално однесување и преземавте многу високи ризици. Сексуалната злоупотреба на млади девојки беше опсесија во вашиот живот“, рече судијата.
Тој се изјасни за виновен
Пол Липскомб се изјасни за виновен за 34 кривични дела и шест девојчиња на возраст од 12 до 15 години, извршени помеѓу септември 2023 и април 2024 година. Обвиненијата вклучуваат силување на дете под 13 години, 21 обвинение за сексуална активност со дете и правење и дистрибуција на непристојни фотографии од деца.
Тој беше осуден на 28 години и еден месец затвор. По неговото ослободување, тој ќе биде под надзор три години и ќе биде ставен во регистарот на сексуални престапници доживотно.
Полицијата се сомнева во нови жртви
Сепак, истрагата продолжува. Детективката Лорен Спејт од Единицата за истрага на злоупотреба на деца (CAIU) повика на претпазливост. „Нашата истрага за кривичните дела извршени од овој човек продолжува“, рече таа.
„Се сомневаме дека можеби бил во контакт со други девојки и можеби извршил сексуални престапи против други. Ги повикуваме сите што биле во контакт со него да не контактираат“, додаде Спејт.
Оженетиот Липскомб работел како специјалист за перформанси и ИТ во фондот на Универзитетските болници Ковентри и Ворикшир.
Болницата соопшти дека бил суспендиран веднаш по апсењето и отпуштен во јуни 2024 година.
фото: принтскрин
Стареењето на населението и иселувањето на младите – предизвици со кои се соочува Фондот на ПИОМ
Реформата на пензискиот систем сама по себе придонесе во подобрувањето на состојбите, но предизвици има сѐ уште, изјави директорот на...
„На државата ѝ недостигаат добри хотели“ – Николоски бара поедноставување на процедурите за градба
На државата ѝ недостигаат добри хотели и време е да ја поедноставиме процедурата за нивна изградба, изјави вицепремиерот и министер...
Новите цени на струјата од РКЕ ќе се знаат на почетокот на декември: МЕПСО бара поскапување од 0,67 отсто
До крајот на месецот или на почетокот на декември Регулаторната комисија за енергетика (РКЕ) ќе ги знае цените за струјата...
Ѓорѓиевски бара да одговараат и лицата што примале плата, а не оделе на работа, но и оние што им потпишувале плата
Градоначалникот на Град Скопје, Орце Ѓорѓиевски разговарал со претставниците на финансиската полиција во врска со обвинувањата кои ги изнесе за...
Фондацијата „Роми за Европа“ бара правда и системска акција по случајот со насилство врз 8-годишно дете во Македонија
Фондацијата „Роми за Европа“ со седиште во Брисел изрази длабока загриженост по објавено видео од Македонија на кое се гледаат...
Почина поетесата д-р Славица Свидерска
Друштвото на писателите на Македонија со длабока тага информира дека денеска, на 12.11.2025 година, почина поетесата Славица Свидерска (1984, Битола)....
Со емотивно видео семејствата на загинатите во „Пулс“ најавија нов протест в сабота во Скопје, следната недела почнува судењето
Здружението на граѓани „16-ти Март“ – кое го создадоа семејствата на жртвите во трагедијата која се случи во дискотеката „Пулс“...
Украина го разреши министерот за правда поради корупциски скандал
Украинската влада привремено го разреши од функцијата министерот за правда Герман Галушченко, објави УНИАН. Премиерката на Украина, Јулија Свириденко, ја...
(Видео) Николоски: Засилено работиме на реконструкција на обиколницата кај Крива Паланка
Вицепремиерот и министер за транспорт Александар Николоски на својот фејсбук профил објави видео од реконструкцијата на обиколницата во Крива Паланка....
(Видео) Трамп: Никој не знае што се магнети
Американскиот претседател Доналд Трамп повторно се најде во центарот на вниманието, овој пат со бизарна изјава за магнетите за време...
Израел сруши повеќе од 1.500 згради во Газа од почетокот на примирјето
Израел сруши повеќе од 1.500 згради во областите на Газа што ги контролира од почетокот на прекинот на огнот со...
Кинескиот претседател и шпанскиот крал Фелипе ги зајакнуваат врските, Мадрид сака кинески инвестиции
Кинескиот претседател Кси Џинпинг му соопшти на шпанскиот крал Фелипе VI дека втората по големина економија во светот сака да...
Британец намамувал девојчиња преку „Снапчат“ и ги силувал: осуден на 28 години затвор
Висок раководител на британскиот здравствен систем, опишан од судија како „лукав, интригантен и манипулативен“, е осуден на 28 години затвор...
(Видео) Тајфунот Фунг-вонг донесе поплави во Тајван, илјадници евакуирани
Тајван евакуираше повеќе од 8.300 луѓе пред доаѓањето на многу ослабениот тајфун Фунг-вонг, кој донесе обилни дождови на планинскиот источен...
Лавров до Трамп: Наместо во Венецуела, треба да се реагира во Белгија, таму е поопасно
Рускиот министер за надворешни работи Сергеј Лавров изјави дека Москва не спровела нуклеарни тестови, отфрлајќи ги тврдењата на американскиот претседател...
Нормализиран сообраќајот на магистралниот пат Струмица – Дабиле
Од 04:20 часот сообраќајот на магистралниот пат Струмица – село Дабиле е нормализиран, извести АМСМ. Сообраќајот на државните патишта се...
Следната недела почнува судењето за пожарот во „Пулс“, обвинителството со тим од 15 обвинители
Судскиот процес за трагичниот пожар во дискотеката „Пулс“ во Кочани, во кој животот го загубија 63 лица, а над 200...
Трагична несреќа во Конче: 46-годишен маж убиен за време на лов, бил застрелан во стомакот и раката
Едно лице вчера е убиено за време на лов во селото Габревци. Според информациите на МВР, уапсени се 11 лица...
(Видео) Кузеска: Власта да ги објави бројките и да го разреши Трипуновски
Откако скандалот кој го најави СДСМ се потврди, денес е време власта да почне да одговара на клучните прашања кои...
Изнервирана затоа што бебето плачело, го удирала со раце и тупаници по устата и носот: Обвинителството поведе истрага против мајката
Основното јавно обвинителство Скопје донесе наредба за спроведување истражна постапка против 23-годишна жена со престојувалиште во ‘Ржаничино, која е осомничена...
