Европа
Оланд ја моли ЕУ за трпение, ветува реформи
Францускиот претседател Франсоа Оланд ја повика во четвртокот навечер Германија и другите европски партнери да бидат трпеливи и да ѝ дадат на неговата земја повеќе време за спроведување на реформите пред намалување на буџетскиот дефицит во согласност со договорените прописи на Европската унија, но сепак призна дека резултатите пребавно се остваруваат.
На почетокот од прес-конференцијата францускиот претседател Франсоа Оланд најави дека Париз ќе им се придружи на САД во воздушните напади врз терористите од Исламската држава во Ирак и дека ќе испрати воена полска болница во Гвинеја како помош во сузбивањето со епидемијата на еболата во западна Африка.Меѓутоа, за внатрешните прашања челникот на француските социјалисти кој како претседател на Франција го има најнискиот процент на поддршка на сите времиња од само 13 отсто, вети дека ќе ги спроведе реформите до крајот на својот мандат во 2017 година, оти ќе ја модернизира земјата, ќе ја заживее економијата и истовремено ќе го зачува великодушниот социјален модел.Претседателот Оланд, кој одбива да ја укине 35-часовната работна седмица, да ја намали најниската плата и да ја подигне возраста за пензионирање или да излезе од еврозоната, изјави дека од Франција не смее да се бара во пет години да ги спроведе реформите за кои на Германија ѝ биле потребни десет години и освен тоа во далеку поповолни економски услови. Премиерот Мануел Валс таквиот став ќе ѝ го пренесе на германската канцеларка Ангела Меркел кога во понеделник со неа е се сретне во Берлин, најави Оланд.Две седмици откако Париз го предизвика гневот на европските партнери со изјавата дека јавниот дефицит на припишаното европско ниво од 3 отсто од националниот БДП нема да го намали до 2017 година, а тоа е две години по веќе продолжените рокови, Оланд порача дека нема да има нови кастрења. „Франција нема да стори повеќе од тоа, бидејќи тоа би било лошо за растот, Франција нема да ги зголеми даноците, бидејќи тоа би му штетело на заздравувањето“, изјави Оланд пред 350 новинари и целата негова влада.„Не барајте од нас во пет години да го сториме она за што на нашите германски пријатели им беа потребни десет години во далеку поповолна економска атмосфера и без присила на јавниот дефицит“, рече претседателот на Франција. Оланд, сепак, призна дека „резултатите бавно се остваруваа“, но и дека верува дека ќе ги постигне до 2017-та.Оланд порача дека со Берлин ќе работи на посилна интеграција, во прв ред во одржливата енергија, а за шкотскиот референдум за независност рече дека претставува закана за изградбата на Европа откако таа се градеше половина век./крај/мф/сн
Извор: AFP
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
(Видео) Голем пожар во фабрика во Берлин, жителите предупредени да го избегнуваат подрачјето
Голем пожар во фабрика во Берлин-Лихтерфелд, која произведува системи за противвоздушна одбрана што се користат на бојното поле во Украина.
Противпожарната бригада предупредува на отровен чад, пренесува „Билд“.
‼️ A defense-industrial company factory is on fire in Berlin
According to media reports, a fire with toxic smoke occurred at a metallurgical plant of the defense-industrial company Diehl. The company is the main contractor of the IRIS-T production program and ammunition for this… pic.twitter.com/jZBBXTEdSm
— NEXTA (@nexta_tv) May 3, 2024
Адријан Венцел, портпарол на берлинската противпожарна бригада, изјави за Билд:
„Целосно изгореа четири ката од зградата. Дел од неа е веќе урнат, а ја гаснеме однадвор. Пожарот повеќе не може да се стави под контрола однатре.
Дежураат околу 160 пожарникари. Спасувачите носат заштитни одела.
Можеме да потврдиме дека во зградата биле запалени и хемикалии. Таму биле складирани сулфурна киселина и бакар цијанид. Постои ризик да се формира водород цијанид и да се издигне во воздухот со чад“, додаде портпаролот.
Противпожарната бригада го информираше населението преку апликации за предупредување.
Feuer mit Explosionen in Berlin Lichterfelde am 03.05.2024 #Feuerwehr #brand pic.twitter.com/4hZG5XekU0
— Niko (@nl_an) May 3, 2024
Станува збор за фирма „Diehl Metal Applications“ која има сопствен систем за доработка на метални површини во објектот.
По проценка на временските услови и соодветниот правец на ветерот, чадот од фабриката се пресели на север. Противпожарната бригада советува избегнување на просторот околу претпријатието, затворање на прозорците и вратите и исклучување на вентилацијата и климатизацијата.
Сојузната држава Берлин издаде официјално предупредување за опасност, советувајќи ги луѓето да ја избегнуваат областа.
Учениците и наставниците од околните училишта беа испратени дома.
Во е-пошта до родителите, една гимназија испратила порака во која ги замолува учениците да останат дома.
Засега нема информации за причината за пожарот, но соопштено е дека нема повредени.
Европа
Борис Џонсон го вратија од гласање, дојде без лична карта: се обиде да го заобиколи сопствениот закон
Борис Џонсон (59), поранешниот британски премиер, во четвртокот бил вратен од избирачкото место, откако се обидел да гласа без лична карта, односно документ со фотографија. Како што пренесува „Гардијан“, Џонсон се обидел да го измами сопствениот закон, бидејќи токму за време на неговиот мандат во Велика Британија била донесена одредба со која се барал документ со фотографија за гласање.
Џонсон, кој поднесе оставка во 2022 година по мандатот обележан со бројни скандали, беше предупреден на избирачко место во Оксфордшир (Јужна Англија) дека мора да го има потребниот документ за докажување на неговиот идентитет. На гласачкото место му дозволија да гласа на локалните избори кои се одржаа низ цела Англија.
Портпаролот на поранешниот премиер изјави дека Џонсон гласал за конзервативците. Тој не ги демантираше пишувањата на медиумите дека поранешниот премиер немал лични документи со фотографија. Минатата година на изборите по промената на законот, околу четири отсто од испитаниците се изјасниле дека не гласале токму затоа што немаат документ со фотографија. Тоа е нешто помалку од околу 800.000 гласачи.
Владата на Џонсон го промени изборниот закон за да ја ограничи можноста за изборен фалсификат, а опозицијата остро ги критикуваше властите за потенцијално обесправување на делови од гласачкото тело. Претходно, гласачите требаше да го дадат само своето име и адреса за да гласаат.
„Мислам дека не е неразумно да се бара од оние што гласаат да покажат некаков доказ за идентитетот“, рече Џонсон во 2021 година за новите правила.
Ова е само последниот инцидент во неговата шарена политичка кариера. Како премиер беше снимен како се крие во фрижидер додека новинарска екипа го бараше за интервју, пренесува медиумот.
Истражувањето спроведено од „YouGov“ покажало дека 14 отсто од Британците пред локалните избори не знаеле дека постои правило за идентификација на гласачите со помош на лични документи.
Европа
Захарова: Секоја агресија врз Крим ќе биде проследена со силна одмазда
Портпаролката на руското Министерство за надворешни работи Марија Захарова денеска ги предупреди Вашингтон, Лондон и Брисел дека сите агресивни дејствија против Крим и мостот на Крим се осудени на неуспех и ќе бидат одговорени со силна одмазда.
„Би сакала повторно да ги предупредам Вашингтон, Лондон и Брисел дека сите агресивни дејства против Крим не само што се осудени на неуспех, туку и ќе бидат одговорени со силна одмазда“, рече Захарова на прес-конференцијата, пренесе ТАСС.
Крим е полуостров со оспорен статус, тој е под де факто контрола на Русија и е поделен на два субјекта на Руската Федерација, Република Крим и град со федерален статус Севастопол, пренесува медиумот.
Украина го смета Крим за дел од својата територија и не ја признава неговата анексија кон Русија.