Европа
Педесет камиони од хуманитарниот конвој се вратија во Русија
Камионите коишто ја доставија хуманитарната помош во источниот украински град Луганск, еден од центрите на проруските бунтовници, и покрај заканите од Киев и САД, почнаа празни да се враќаат на Русија, а вицепремиерот на самопрогласената Народна Република Луганск, Василиј Никитин изрази надеж дека руската помош во храна и лекови и натаму ќе продолжи.
„Во нашата република речиси не останаа прехранбени продукти, и ние се надеваме дека Русија нема да нé остави во таква состојба и со толку малку продукти, како и дека хуманитарните конвои ќе станат вообичаени. Се надеваме на помош и со нетрпение ја очекуваме“, изјави Никитин за РИА Новости.
Според него, ситуацијата со прехранбени продукти во Луганската област е многу тешка. И покрај тоа што е сезона на собирање на родот, тоа е невозможно и пазарите остануваат празни поради постојаниот артилериски оган и пожарите кои потоа избувнуваат. Неколку стотиците илјади жители на Луганск покрај тоа што повеќе од две седмици беа без електрична енергија, вода за пиење и лекови, одвај преживувале со резервите од храна, вели Никитин. Според вицепремиерот на непризнаената република, помошта во храна којашто пристигна од Русија на населението ќе му биде распределена подоцна во саботата.
Во меѓувреме првите педесетина камиони кои го доставиле својот товар во Луганск веќе се вратиле на руска територија, пренесува агенцијата. Притоа тие повторно ја минале царинската проверка на пограничниот премин „Донецк“, крај истоимениот град на руската страна од границата.
Рускиот хуманитарен конвој со 287 камиони и околу две илјади тони продукти, главно вода за пиење, лекови, брашно, храна за бебиња и генератори, на 14-ти август дојде на рускиот дел од границата и до 21-ви август го чекаше одобрувањето на украинската страна и проверката извршена со посредство на претставници на Меѓународниот комитет на Црвениот крст.
Во петокот навечер министерството за надворешни работи на Украина, и покрај контроверзните одговори на прозападните власти во Киев во врска со дозволата за доставувањето на помошта во Луганск, тоа го квалификуваше како „кршење на меѓународните норми“ и ги повика своите меѓународни партнери да ја осудат Русија.
Генералниот секретар на НАТО, Андерс Фог Расмусен издаде писмена изјава во кој наведе дека „Влезот на тој конвој без украинско одобрување и каква и да е врска со Меѓународниот комитет на Црвениот крст, претставува очигледно кршење на меѓународните обврски на Русија и дополнително руско кршење на украинскиот суверенитет“. Според него, непочитувањето на меѓународните хуманитарни начела ја доведува под сомнеж целта на тој конвој, посебно, како што рече, „дали станува збор за помош на цивилите или транспорт на опрема на вооружените сепаратисти“.
САД, исто така, побараа од Русија да го повлече хуманитарниот конвој од областите коишто се под контрола на бунтовниците во источна Украина, обвинувајќи ја Русија за „флагрантно кршење на суверенитетот на соседната земја“ заканувајќи се засилени санкции.„Испраќањето на камиони претставува руско кршење на суверенитетот и територијалната целост на Украина“, рече вицеадмиралот Џон Кирби, портпарол на Пентагон. Според него, Русија не може да испраќа свои возила и персонал во Украина без дозвола на Киев.
На обвинувањата и заканите министерството за надворешни работи на Руската Федерација одговори со соопштение во кое наведе дека „исцрпени сите обиди за одолговлекување и попречување на испораката на помош за цивилното население во областа каде што се случува хуманитарна катастрофа“. Руската дипломатија потсети притоа дека „мисијата се подготвуваше долго време и во целосна транспарентности и соработка со украинската страна и Црвениот крст“./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Норвешка вели дека признавањето на Палестина е важен ден; Израел: Одлуката е награда за акциите на Хамас
Норвешка, една од трите европски земји што денеска официјално ја признаа Палестина, го поздрави „важниот ден“ и изрази жалење поради очигледниот недостиг на Израел од „конструктивен ангажман“.
„Повеќе од 30 години Норвешка е еден од најверните застапници на постоењето палестинска држава“, изјави шефот на норвешката дипломатија, Еспен Барт Еиде.
„Денот кога Норвешка официјално ја признава Палестина како држава е важен ден за норвешко-палестинските односи“, додаде тој.
Како дел од иницијативата координирана со Шпанија и Ирска, оваа нордиска земја минатата среда објави дека во вторник ќе ја признае државата Палестина.
Оваа одлука го налути Израел, кој ја смета за „награда“ за акциите на палестинското исламистичко движење Хамас во екот на војната во Појасот Газа.
Шефот на израелската дипломатија, Израел Кац, веднаш најави консултации со израелските амбасадори во овие три земји и ги покани на разговор нивните амбасадори во Израел.
Европа
(Видео) Руски ветерани од Украина се степаа на улица, во тепачката учествувале и припадници на „Вагнер“, пренесуваат локалните медиуми
Руските власти поведоа кривична истрага за масовна улична тепачка и пукање во градот Чељабинск за време на викендот, во која наводно биле вклучени воени ветерани од Украина.
На видеото од тепачката објавено од локалните медиуми се гледа како група мажи со тап предмет тепаат маж што лежел со лицето надолу кон земјата. Некои од мажите носеле маски.
Неколку моменти подоцна група мажи облечени во црно пристигнале со два автомобила и почнале да пукаат кон првата група мажи, кои потоа побегнале од областа.
Russia: Wagner mercenaries got into a mass brawl with local bandits in Chelyabinsk and were winning. Then bandit reinforcements arrived and shot up the mercenaries.
These Wagnerites have now called up their Wagner brethren to come down on the city and destroy the bandits. 🍿 pic.twitter.com/UAbYM9kSQO— Igor Sushko (@igorsushko) May 26, 2024
Официјални лица изјавија дека сите инволвирани во конфронтацијата биле уапсени откога тепачката избувнала во саботата попладне. Не се знае колку лица се приведени. Неофицијални извори тврдат дека се уапсени тројца мажи, меѓу кои и едно малолетно лице.
Некои извештаи сугерираат дека уличната тепачка можеби избувнала поради љубовен триаголник, врска меѓу жена, војник и ветеран од платеничката група „Вагнер“.
Меѓутоа, според извештаите на локалните медиуми, тепачката избувнала кога борецот на „Вагнер“ и неговата девојка наводно биле нападнати од непозната група мажи.
Платеничката единица „Вагнер“ одигра клучна улога во руската инвазија на Украина пред нејзиниот краткотраен бунт и смртта на нејзиниот основач Евгениј Пригожин минатото лето.
Европа
Борел: Украина има право да возврати со напади врз цели во Русија
Според законот за војна, Украина може да одговори на руските напади со контра удари на руска територија, но неопходно е да се најде баланс меѓу ескалацијата на конфликтот и правото на одбрана, изјави високиот претставник на ЕУ за надворешна и безбедносна политика, Жозеп Борел.
„Тоа е сосема можно според законот на војната, нема противречност, можете да возвратите или да се борите против оној што ќе ве нападне од вашата територија“, рече Борел пред почетокот на состанокот на министрите за одбрана на земјите членки на ЕУ.
На состанокот ќе се разговара за тоа откако генералниот секретар на НАТО, Јенс Столтенберг, ги повика западните земји да ги преиспитаат ограничувањата што им ги поставија на Украинците дека не смее да го користат своето оружје за напад на цели во Русија. „Прашањето за ризикот од ескалација на конфликтот ќе се постави многу бргу и ќе треба да се најде баланс помеѓу тој ризик и правото и потребата на Украинците да се бранат“, рече Борел.
Столтенберг во понеделникот рече дека „Украина има право да се брани и да напаѓа легитимни воени цели надвор од Украина“. Во вторникот пред состанокот на ЕУ тој рече дека употребата на Украина на оружје испорачано од нејзините западни сојузници против цели во Русија нема да ги направи НАТО и неговите членки страни во конфликтот.