Црна хроника
Повлечено обвинението за петмина вработени во МВР за убиството на Тушевски
Обвинителството го повлече обвинението против последните петмина обвинети за убиството на Марјан Тушевски и Киро Јанев.
Сите обвинети коишто беа ослободени во завршниот збор на обвинителството работеле и се уште работат во Министерството за внатрешни работи. Беа обвинети дека биле на лице место кога се случило убиството, но дека не презеле доволно дејствија.
Ослободените од обвинението, Милан Спасов, Благојче Димитриевски, Горан Петровски, Едвард Фишер и Бранислава Стојчевски за време на убиството работеле како инспектори во Секторот за набљудување и документирање и ги следеле Марјан Тушевски и Киро Јанев, но никој од инспекторите не ги видел сторителите.
Обвинителката, Лидија Раичевиќ Вучкова го повлече обвинението против петмината бидејќи нема докази дека обвинетите однапред знаеле дека таму во тој момент ќе се случи убиство.
Против останатите обвинети, меѓу кои и поранешниот министер за внатрешни работи, Љубе Бошкоски обвинителката тврди дека има докази.
„За клучни докази се сметаат дел од исказите на сведоците. Од материјалните докази ништо не се издвојува бидејќи сите имаат еднаква важност во постапката. За ослободените, во доказите недостасуваше еден важен елемент, а тоа е немавме докази дека постоело однапред дадено информација дека токму тука ќе се случи убиство. Кога во текот на постапката во фаза на откривање кога имаме каков било доказ, во конкретниов случај за поранешниот министер Бошковски, се работи за вербален доказ кој посочува дека тоа лице има дејствија на помагање вие едноставно во својство на јавен обвинител мора да гоните“, изјави обвинителката Раичевиќ Вучкова.
Бошкоски се товари дека како министер за внатрешни работи во тоа време му дозволил на сега веќе починатиот Орце Коруновски да нарача убиство за Тушевски. Марјан Тушевски и Кире Јанев беа убиени на 10-ти јули 2001 година кога излегувале од кафулето „ЗУ“ во скопската населба Капиштец.
Прво со 11 куршуми беше убиен Тушевски, а потоа напаѓачите пукале и кон Киро Јанев кој се обидувал да избега. За овој случај одговараат 15 лица, а четворица од нив се во бегство
Раичевиќ, обвинетите Сашо Јовановски-Тупан и Вук Вукиќевиќ кој е во бегство ги нарече директни помагачи во убиството, Бошкоски, психолошки помагач, а Зоран Трајковски, Никола Нигриевски, посредни помагачи во убиството.
Обвинителката во завршните зборови изрази надеж дека со овој случај ќе се искорени практиката високите политички структури да бидат блиски со криминални структури, како во овој случај. Според обвинението, Бошкоски како министер бил близок и со Тушевски и со Коруновски. Коруновски и Тушевски ги расипале односите кога шурата на Бошкоски заедно со Коруновски требало да отворат бизнис со стриптиз бар, што му претставувало конкуренција на Тушевски. Коруновски дознал дека Тушевски сака да го ликвидира, па за да го спречи тоа тој нарачал да го ликвидираат Тушевски.
На следното рочиште се очекува одбраната и обвинетите да даваат свои завршни зборови по што судијата треба да закаже датум за пресуда./крај/фф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Скопјанец измамен во менувачница од двајца странски државјани
Скопјанец пријавил дека во менувачница во Старата скопска чаршија бил измамен од страна на двајца странски државјани за сума од 25.000 евра, информираат попладнево од Министерството за внатрешни работи.
Синоќа во 19.15 часот во СВР – Скопје, Х.М., на возраст од 34 години од главниот град на државава, пријавил дека околу 15 часот во менувачница во Старата скопска чаршија бил измамен од двајца странски државјани.
Според пријавеното, откако се договориле во менувачницата да сменат пари за 25.000 евра, лицата дошле со чанта со договорената сума на пари во денари, при што еден од нив ја заменил чантата со денари со друга иста чанта, која во долниот дел била полна со хартиени ливчиња.
Како што пријавил Х.М., тој им ги дал еврата без да ја провери чантата, а откако заминале, сфатил дека е измамен, појаснуваат од МВР.
Се преземаат мерки за расчистување на случајот.
Црна хроника
Пожар во Дом за стари лица во струмичко Банско, нема повредени
Пожар синоќа избил во Дом за стари лица во село Банско, Струмичко. Нема повредени лица, предизвикана е само материјална штета, соопшти Центарот за управување со кризи (ЦУК).
Според Регионалниот центар за управување со кризи – Струмица, пожарот бил пријавен околу 23.30 часот. Во гаснењето на пожарот интервенирале седум пожарникари со две противпожарни возила. Пожарот целосно е изгаснат во 50 минути по полноќ.
– Прво биле евакуирани лица од катот каде што бил пожарот, потоа од долните катови. По целосното гаснење на пожарот, евакуираните лица полека се вратени на местата, собите од каде што биле евакуирани. Причината за пожарот и материјалната штета дополнително ќе бидат утврдени, појаснуваат од ЦУК.
Во денешното соопштение се наведува и дека изминатото деноноќие имало вкупно 1.759 повици на единствениот повикувачки број за итни случаи – 112 во ЦУК.
Црна хроника
Притвор за осомничен за спречување на полициски службеници да фатат побегнат затвореник
Основното јавно обвинителство Кавадарци поведе постапка против 18-годишник за кого постои основано сомнение дека сторил кривично дело – Спречување службено лице во вршење службено дејствие од член 382 став 3 во врска со став 2 и став 1 од Кривичниот законик.
На 2 мај, во куќа на улицата “Димката А. Габерот” во Кавадарци, двајца инспектори од МВР преземале службено дејствие – фаќање побегнат затвореник од КПУ Гевгелија, кој бил роднина на сега осомничениот.
Затвореникот давал отпор при обидот да биде лишен од слобода за доизвршување на затворската казна, во што сега осомничениот го поддржал, се нафрлил врз еден од полициските службеници, го влечел и го гребел, нанесувајќи му телесни повреди.
Затвореникот успеал да се ослободи и да побегне, но подоцна бил фатен и вратен во затворот. Осомничениот исто така избегал во прв момент, но бил лишен од слобода, а по предлог на јавниот обвинител, Основниот суд во Кавадарци му определи притвор во траење од осум дена.