Црна хроника
Второобвинетиот во случајот „Мадам Пепи“ екстрадиран од Белгија
Второобвинетиот Војислав Б. во случајот „Мадам Пепи“, за шверц на кокаин, во среда попладне е екстрадиран во Македонија од Белгија, соопшти Министерството за внатрешни работи. Тој е пренесен во затворот во Идризово за издржување затворска казна од 3,5 години.
Вчера попладне од Брисел во Скопје беше екстрадиран Војислав Б., кој се бараше со меѓународна потерница распишана преку Интерпол Скопје.
Од МВР информираат дека постапката за екстрадиција минала без проблеми или инциденти и обвинетиот преку аеродромот „Александар Велики“ бил префрлен во затворот Идризово, за издржување на казна затвор во времетраење од 3,5 години, која во отсуство му е изречена заради сторено дело „Фалисификување документи“.
Случајот за кој е осуден датира од 2009 година кога во Скопје извршил фалсификување на бугарски пасош и возачка дозвола, на тој начин што вметнал сопствена фотографија, со цел фалсификуваните документи да ги користи како оригинални.
Освен за тој случај, Војислав Б. во 2010 година се товареше и за недозволена трговија со наркотици. Според сомненијата, истиот при крајот на месец декември 2009 година отпатувал за Лима, Перу, каде од страна на засега непознато лице набавил 1.910 грама наркотична дрога кокаин паста. Тогаш, заедно со првоосомничената Персида Момировска, го организирале транспортот на кокаинот од Лима преку Германија во Скопје, која во Македонија пристигнала како поштенска пратка.
Инаку, обвинетиот во септември 2013 година бил уапсен во Белгија за извршени кривични дела на териоторијата на оваа држава.крај/мф/сд
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Маж насилно изваден од својот дом и со убодни рани оставен кај Транспортниот центар во Скопје
Вчера во 07.40 часот во Полициската станица Аеродром, 34-годишниот К.Б. од Скопје пријавил дека на 24/25.04.2024 околу 01.30 часот, А.„Н“ со употреба на сила го извадил од неговиот дом и го внел во патничко возило кое го управувал К.„Н“, со уште едно лице совозач, извести МВР.
„Како што е пријавено, во возилото А.„Н“ му нанел неколку убодни рани со остар предмет и го однеле кај Транспортен центар во Скопје, каде што повторно му нанел повреда со остар предмет, по што физички го нападнале и го оставиле. Исто така, според пријавеното, тој не бил на преглед и не пријавил во полициска станица затоа што лицата му се заканиле“, соопшти МВР.
Се преземаат мерки за расчистување на случајот.
Црна хроника
Кривична против двајца штипјани, истепале полицаец
СВР Штип поднесе кривична пријава против 53-годишниот Д.Д. и 54-годишниот П.Д., двајцата од Штип, поради постоење основи на сомнение за сторено кривично дело „напад на службено лице при вршење работи на безбедноста“, извести МВР.
„На 22.02.2024, по претходна расправија околу сообраќајот, пријавените физички нападнале полициски службеник“, соопшти МВР.
Црна хроника
Тело на починат маж извадено од Вардар во Велес
Полициски службеници од СВР Велес, вчера во 8.30 часот, во водите на реката Вардар блиску до местото наречено „Јаниташ“, пронашле тело на починато машко лице.
Телото на починатиот било извадено од реката од полициски службеници од Одделот за специјални полициски операции при МВР, известуваат од СВР Велес.
Увид извршила увидна екипа од СВР Велес. По наредба на јавен обвинител, телото е дадено на обдукција.