Домашен
Македонските спортисти беа само учесници на ОИ во Рио
Со спектакуларна церемонија, која не ја спречи ниту дождот, во Рио де Жанеиро, завршија 31-те Летни олимписки игри, први кои беа организирани на јужноамериканска почва.
На Игрите во Рио настапија на повеќе од 11.000 спортисти од 206 држави, кои се натпреваруваа во 28 спортови. Дел од олимпијадата беа и шестмина македонски спортисти, кои според прогнозите беа само учесници на најголемата спортска смотра.
Стрелачката Нина Балабан, прва настапи од македонските спортисти, во дисциплината 10 метри воздушна пушка, таа го освои 42-то место во конкуренција на 51 натпреварувачка. Балабан имаше резултат од 407,7 кругови, резултат кој реално е под нејзините можности.
Пливачите Анастасија Богдановски и Александар Блажевски своите настапи ги завршија во прелиминарната фаза, но со државни рекорди, што и беше нивна главна цел на оваа олимпијада.
Богдановски, која на отворањето на Игрите го носеше македонското знаме, настапи во дисциплината 200 метри слободно и во конечниот пласман заврши на 33-то место.
Богдановски оствари време две минути и 52 стотинки.
Нејзиниот колега Блажевски во дисциплината 200 метри мешано, заврши на 26-то место во конечниот пласман со време 2:02.54 минути.
Атлетичарот Ристе Пандев, во Рио настапи на две трки во квалификациите на 100 метри и успеа да го оствари својот најдобар резултат оваа година. Во првиот квалификациски круг Пандев победи во својата група со резултат 10,72 секунди, за потоа во четврт-финалето да биде деветти во својата група, во која прв беше Џастин Гетлин, со време 10,71 секунди.
Дрита Исљами се појави во квалификациите на 400 метри со пречки, таа заврши на 45-то место во конкуренција на 48 натпреварувачки. Исљами забележа време од 1:01.18 минути.
Џудистката Катерина Николоска (категорија -63 килограми), немаше доволно среќа во својот настап против Турчинката Бусра Катипоглу. Таа борбата во првото коло ја загуби во продолжението со казнен поен, откако претходно резултатот беше нерешен. крај/мф/нц
Извор: макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Домашен
Денеска во Прилеп 11. планинска трка „Крали Марко Треилс“
Во Прилеп денеска ќе се одржи 11. трка во планинско трчање „Крали Марко Треилс“. Од 250-те пријавени учесници, 78 отсто се од земјава, а останатите 50-тина се од други 12 држави, најмногу од регионот: Србија, Косово, Грција, Албанија,… На трката ќе учествуваат повеќето од најбрзите македонски планински тркачи, репрезентацијата во планинско трчање на Србија, како и поранешната шампионка на Шведска во 100 километарски ултра маратон Лиса Ринг.
„Крали Марко Треилс“ предвидува две трки со различни должини. Пократката, долга 18 километри, е најстарата и најпопуларна планинска трка во државава, наречена „Трескавец Треил“. Почнува од Варош во Прилеп и преку Марковите Кули и пејсажните ритчиња ги води 160-те натпреварувачи кон манастирот Трескавец, а потоа назад во Прилеп.
Подолгата трка, „Камена Баба Треил“, долга 35 километри, исто така почнува од Варош и ја следи патеката до манастирот Трескавец, но оттаму продолжува низ карпести предели преку Камена Баба. За неа се пријавени 80-тина планински тркачи.
Настанот е во организација на здружението ТРЕКС од Скопје и е наменет за рекреативни, аматерски и професионални спортисти со различно ниво на физичка подготвеност.
Домашен
(Видео) Бугарски навивачи се судрија со полицијата на стадион: фрлаа со предмети, па следуваше апсење
Бугарски навивачи се судрија со македонската полиција на арената „Тодор Проевски“ каде се игра натпреварот Шкупи (Македонија) и Левски Софија (Бугарија).
Турканицата продолжи со вадење на ремени од страна на навивачите и фрлање предмети како што се лименки пива, сокови и слично. По ова, имаше и неколкумина уапсени. Полицијата ги извади од стадионот и однесе со комбиња во станица.
„Макфакс“ контактираше со МВР од каде проверуваат зошто дошло до судирот, како и, како е постапено со уапсените лица.
Ова е втор инцидент. Претходно, во Чаир, беа каменувани два автомобили со бугарски натпреварувачи. На ова претходеа низа провокации на социјалните мрежи и телевизиски изјави со навредувачки пароли за Македонија. Навредувачки навивачки песни, се пееа и на трибините.
Домашен
(Видео) Оформен предмет за полицаецот кој со пендрек го нападна Талески: Имало турканица, службеник преземал и физички мерки
МВР отвори предмет против полицаецот кој со пендрек го удри ракометарот Филип Талески, за да се утврди зошто се решил на таков потег и дали ќе следи казна. Чинот наиде на лавина коментари во јавноста и осуда. Досега, во МВР не е поднесена пријава за ударот на Талески.
„По завршување на спортскиот натпревар, поради меѓусебна турканица на неколку ракометари од двете екипи на терен, најнапред реагираше обезбедувањето на натпреварот, а потоа од страна на еден полициски службеник од полициската станица од општа надлежност Охрид преземени се физички мерки. По службена должност Одделот за внатрешна контрола, криминалистички истраги и професионални стандарди при МВР оформи предмет и презема мерки за целосно расчистување на случајот, велат од МВР за „Макфакс“.
Тие додаваат дека пријава досега не добиле.
„По вчера одиграниот ракометен натпревар КУП на Македонија-финале помеѓу ракометните екипи „Еурофарм Пелистер“ од Битола и „Вардар“ од Скопје, во СВР Охрид не е поднесена преставка, поплака или друг вид на пријава од ракометари, делегати или други официјални спортски претставници против полициски службеници кои извршуваа обезбедување на натпреварот што го следеа околу 4000 лица“, додава МВР.