Црна хроника
Татко и син приведени за експлозијата во Тетово
Татко и син се осомничени и приведени за експлозијата во Тетово во која во неделата беа повредени пет деца, од кои две со потешки повреди беа пренесени во болница во Скопје.
Во неделата попладне на ул „29 Ноември“, поточно во дивата ромска населба кај реката Пена, настана експлозија од за сега непознато експлозивно средство. Во експлозијата беа повредени пет деца на возраст меѓу 5 и 14 години, а две беа префрлени на скопските клиники. Според последните информации, двете хоспитализирани девојчиња се надвор од животна оппасност.
Полициски службеници и екипа од антитероризам извршиле увид на местото при што биле пронајдени фрагменти од експлозивното средство. По ова бил извршен претрес во куќата на Н.К. (46) каде била пронајдена граната и истиот бил приведен. Како што информира СВР Тетово приведен е и неговиот дваесет и осумгодишен син, а 15-годишен малолетник бил повикан на разговор.
Полицијата презема мерки за расчистување на случајот.крај/мф/сд
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Маж насилно изваден од својот дом и со убодни рани оставен кај Транспортниот центар во Скопје
Вчера во 07.40 часот во Полициската станица Аеродром, 34-годишниот К.Б. од Скопје пријавил дека на 24/25.04.2024 околу 01.30 часот, А.„Н“ со употреба на сила го извадил од неговиот дом и го внел во патничко возило кое го управувал К.„Н“, со уште едно лице совозач, извести МВР.
„Како што е пријавено, во возилото А.„Н“ му нанел неколку убодни рани со остар предмет и го однеле кај Транспортен центар во Скопје, каде што повторно му нанел повреда со остар предмет, по што физички го нападнале и го оставиле. Исто така, според пријавеното, тој не бил на преглед и не пријавил во полициска станица затоа што лицата му се заканиле“, соопшти МВР.
Се преземаат мерки за расчистување на случајот.
Црна хроника
Кривична против двајца штипјани, истепале полицаец
СВР Штип поднесе кривична пријава против 53-годишниот Д.Д. и 54-годишниот П.Д., двајцата од Штип, поради постоење основи на сомнение за сторено кривично дело „напад на службено лице при вршење работи на безбедноста“, извести МВР.
„На 22.02.2024, по претходна расправија околу сообраќајот, пријавените физички нападнале полициски службеник“, соопшти МВР.
Црна хроника
Тело на починат маж извадено од Вардар во Велес
Полициски службеници од СВР Велес, вчера во 8.30 часот, во водите на реката Вардар блиску до местото наречено „Јаниташ“, пронашле тело на починато машко лице.
Телото на починатиот било извадено од реката од полициски службеници од Одделот за специјални полициски операции при МВР, известуваат од СВР Велес.
Увид извршила увидна екипа од СВР Велес. По наредба на јавен обвинител, телото е дадено на обдукција.