Црна хроника
Повредени 11 полицајци, МВР најавува соодветни пријави
На вкупно 11 полициски службеници им е укажана медицинска помош, откако се пожалиле дека биле повредени при пробивањето на кордонот пред Собранието од страна на група граѓани, соопшти Министерството за внатрешни работи (МВР).
Покрај ова, од МВР соопштуваат дека постојат сознанија и за неколку повредени цивилни лица за време на протестите.МВР информира дека во денешните збиднувања пред Собранието има и неколкумина приведени поради сомнение за напад и попречување на службени лица, како и непристојно и дрско однесување.Се работи на целосно документирање на сите случаи поединечно, информираат од МВР и најавуваат дека во текот на наредните денови ќе бидат прегледани снимките и против сите инволвирани ќе следуваат соодветни пријави. „Полициските службеници заради спречување на толпата насилно да влезе во Собранието употребија и средства на присилба по што ги одвратија од намерата за незаконски упад во зградата“, се вели во соопштението на МВР.Притоа се нагласува дека МВР денеска успеа да обезбеди непречено функционирање на институциите на и да спречи насилно блокирање и уривање на државниот поредок.„Крајно професионално, согласно правилниците за полициско постапување, припадниците на МВР успеаја да одговорат на сите предизвици и да спречат ескалирање на инцидентите и поголеми последици надвор и во Собранието“, стои во извештајот на МВР.Во врска со збиднувањата внатре во Собранието, од МВР истакнуваат дека собраниското обезбедување презело мерки и активности согласно законските овластувања за да обезбеди услови пратениците да постапат по обврските кои ги имаат.При постапувањето, дел од членовите на собраниското обезбедување се пожалиле дека не само што биле попречувани во извршувањето на службените задолженија, туку и биле предмет на вербален и физички напад од страна на некои пратеници. „Сепак собраниското обезбедување успеа воздржано да реагира и почитувајќи ги професионалните стандарди, да воведе ред во собраниска сала. Со професионалното постапување создаде соодветни услови за функционирање на Собранието, обезбедувајќи можност пратениците непречено да работат“, велат од МВР.Притоа се наведува дека дополнително ќе бидат обезбедени материјалите од собранискиот безбедносен-видео надзор и врз основа на нив ќе биде донесена одлука околу натамошното постапување. /крај/со/ап/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Уапсен дилер од Штип, пронајдена дрога и голема сума пари
МВР информира дека вчера по преземени оперативни мерки и дејствија, полициски службеници од Отсекот за недозволена трговија со дрога и оружје го уапсиле 32 годишниот Б.М. од Штип.
При претрес во неговиот дом во Штип извршен по насоки од надлежен обвинител, биле пронајдени и одземени прашкаста материја, поголема сума на пари и дигитална вага.
„Лицето е задржано во полициска станица и во текот на денот со кривичната пријава ќе биде предаден на судија на претходна постапка за понатамошно постапување“, соопштија од полицијата.
Црна хроника
Стружанец објавувал експлицитна содржина од малолетничка
Полицијата во Тетово поднесе кривична пријава против А.А.(41) од Струга, поради постоење основи на сомнение за сторени кривични дела „злоупотреба на лични податоци“ и „производство и дистрибуција на детска порнографија“.
Пријавениот, на социјална мрежа, објавил фотографии и видео снимки со експлицитна содржина од женско лице, кое во тоа време било малолетно.
Црна хроника
Жена од Гевгелија измамила Грк дека е од Царина и му зела 2.000 евра
Полицијата поднесе кривична пријава против М.Ј.(46) од Гевгелија, поради измама.
„Пријавената, на 13 септември на царинскиот терминал на Граничниот премин „Богородица“, го довела во заблуда грчкиот државјанин К.Г.К., на начин што лажно се претставила дека е застапник во царински постапки и лажно му прикажала факти дека сторил тежок царински прекршок, поради што ќе биде задржан на македонско-грчката граница од страна на царинските власти и му побарала 2.000 евра, за да му помогне, на што се согласил“, објави МВР во дневниот билтен.