Црна хроника
Убиецот од Србија минатата година останал без работа, учествувал во војната и нема досие
Србинот Љубиша Богдановиќ кој утрово уби 13 лица во местото Велика Иванча кај Младеновац, немал полициско досие, а полицијата истражува зошто овој мирен човек, како што го опишуваат неговите познаници, направил вакво злосторство.
Според неофицијалните информации, Богдановиќ пукал во себе дури кога ја видел полицијата.
„Убиецот е од мирно семејство и немал полициско досие. Ќе видиме што е мотивот на овие страотни убиства, едноставно сите сме затечени“, изјави директорот на полицијата Милорад Вељовиќ.
Според него, Богдановиќ во деведесеттите години учествувал во војната во Славонија, имал дозвола за држење на оружје уште од 1981 година. Богдановиќ и неговиот син минатата година останале без работа.
„Немал здравствен картон. Немаме евиденција дека се работи за човек кој можел нешто вакво да направи. Сите зборуваат дека се работи за нормален човек. Сега сè проверуваме, сите сме изненадени“, вели Вељовиќ.
Како што рекле соседите, тој не бил конфликтна личност. „Тој бил мирен човек. Не знаеме што довело до оваа трагедија“, рекле соседите.
Портпаролот на Итната помош, Нада Мацура рекла дека Богдановиќ според нејзините сознанија не бил психички болен. Според неофицијални информации, таткото и чичкото на Богдановиќ пред повеќе години извршиле самоубиство поради непознати причини./крај/блиц/фф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Маж насилно изваден од својот дом и со убодни рани оставен кај Транспортниот центар во Скопје
Вчера во 07.40 часот во Полициската станица Аеродром, 34-годишниот К.Б. од Скопје пријавил дека на 24/25.04.2024 околу 01.30 часот, А.„Н“ со употреба на сила го извадил од неговиот дом и го внел во патничко возило кое го управувал К.„Н“, со уште едно лице совозач, извести МВР.
„Како што е пријавено, во возилото А.„Н“ му нанел неколку убодни рани со остар предмет и го однеле кај Транспортен центар во Скопје, каде што повторно му нанел повреда со остар предмет, по што физички го нападнале и го оставиле. Исто така, според пријавеното, тој не бил на преглед и не пријавил во полициска станица затоа што лицата му се заканиле“, соопшти МВР.
Се преземаат мерки за расчистување на случајот.
Црна хроника
Кривична против двајца штипјани, истепале полицаец
СВР Штип поднесе кривична пријава против 53-годишниот Д.Д. и 54-годишниот П.Д., двајцата од Штип, поради постоење основи на сомнение за сторено кривично дело „напад на службено лице при вршење работи на безбедноста“, извести МВР.
„На 22.02.2024, по претходна расправија околу сообраќајот, пријавените физички нападнале полициски службеник“, соопшти МВР.
Црна хроника
Тело на починат маж извадено од Вардар во Велес
Полициски службеници од СВР Велес, вчера во 8.30 часот, во водите на реката Вардар блиску до местото наречено „Јаниташ“, пронашле тело на починато машко лице.
Телото на починатиот било извадено од реката од полициски службеници од Одделот за специјални полициски операции при МВР, известуваат од СВР Велес.
Увид извршила увидна екипа од СВР Велес. По наредба на јавен обвинител, телото е дадено на обдукција.