Црна хроника
Туристичка агенција од Скопје продавала лажни аранжмани за Лондон
Туристичката агенција „Алекс Транс Турс“ од Скопје продавала лажни аранжмани за Лондон и карти за автобуски превоз на релација Скопје-Сплит-Скопје, соопшти Министерството за внатрешни работи.
Педесет иедногодишната Д.К., основач и управител на туристичката агенција „Алекс Транс Турс” ДООЕЛ-Скопје минатата година измамила шест лица дека ќе организира туристички аранжман во Лондон, иако не поседува соодветна лиценца. Лицата извршиле уплата за аранжманот во вкупен износ од 164.205 денари.
Покрај ова, Д.К. измамила уште четири лица за организирање автобуски превоз на релација Скопје-Сплит-Скопје, кој превоз не бил организиран, а паричните средства во износ од 17.360 денари од страна на оштетените биле уплатени на нејзина сметка.
Полицијата поднесе кривична пријава против Д.К. за сторено кривично дело „измама”./крај/мф/сд
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Ископана човечка коска во дворот на Клиничкиот центар во Скопје
Вчера во СВР Скопје било пријавено дека кај Клиника за психијатрија при Комплексот клиники „Мајка Тереза“, при изведување на градежни работи – вршење на ископ, била пронајдена коска, најверојатно човечка, на место каде порано имало гробишта.
Излезено било на местото на настанот од полициски службеници од СВР Скопје и известен бил јавен обвинител.
Црна хроника
Во куќарка на паркинг во Центар пронајдено починато лице
Во 06.10 часот во СВР Скопје било пријавено дека на подрачјето на Центар, во куќарка на паркинг, додека бил на неговото работно место, бил пронајден починат Д.С.(63) од Скопје.
Од страна на лекар од Итна медицинска помош констатирана била смрт без видливи траги на насилство.
Извршен бил увид од увидна екипа од СВР Скопје, а по наредба на Јавен обвинител телото на починатиот било дадено за обдукција.
Црна хроника
Маж падна во отворена шахта во Скопје, бил пренесен во болница
Вчера во 13.05 часот во СВР Скопје било пријавено дека на подрачјето на Центар, С.К. од Скопје паднал во отворена шахта и се здобил со повреди, по што бил пренесен во здравствена установа за укажување на лекарска помош.
Излезено било на местото на настанот од полициски службеници од СВР Скопје.