Хрватскиот премиер во заминување и лидер на Социјалдемократската партија (СДП), Зоран Милановиќ во средата предупреил дека „земјата се наоѓа во сериозна и непријатна ситуација, на работ на демократските процедури“, истовремено обвинувајќи за Католичката црква за мешање во постизборниот процес, пренесува N1.

По 24 часа од драматичниот пресврт на хрватската политичка сцена, кога шефот на независната листа Мост неочекувано во преговорите се сврте кон формирање на владина коалиција со Хрватската демократска заедница (ХДЗ), Милановиќ со став дека никој од неговата коалиција не ги врбувал претставниците на Мост. Лидерот на СДП додал дека не знае кој ќе биде мандатар за состав на следната влада, додавајќи дека одговорот на ова прашање треба да се бара кај хрватската претседателка Колинда Грабар – Китаровиќ.

„Поради достојноста на процесот и довербата во државните институции за ова би требало да се праша претседателката, која верувам се наоѓа под огромен товар, но истовремено на јавноста и должи одговор“, рекол Милановиќ, додавајќи дека со ова прашање треба да се соочат и „сите актери во оваа политичка игра“.

Милановиќ исто така изјавил во целиот процес е вмешана и Католичката црква, која според него „говори повеќе отколку што од нејзе се очекува“. Запрашан дали е подготвен за понатамошна борба, тој рекол дека не се случиле да не е подготвен, но дека нажалост на спротивната страна има работа со луѓе кои се подготвени на се.

Претходно, лидерите на ХДЗ и Мост, Томислав Карамарко и Божо Петров најавија дека до хрватската претседателка Грабар Китаровиќ доставиле список со потписи од пратениците потребни за формирање на мнозинство во хрватскиот Сабор, односно од вкупно 78 пратеници./крај/мф/бс