Црна хроника
Судењето за „Монструм“ се снима со две камери
![](https://makfax.com.mk/wp-content/uploads/2016/10/2515da6b-179c-4d29-9afb-68f5ec3bfc0e.jpeg)
Почна судскиот процес за петкратното убиство кај Смилковското езеро, од април годинава, а во Кривичниот суд Скопје судењето се одвива со вообичаено судско обезбедување, односно не се забележуваат зголемени мерки на безбедност како што се очекуваше.
Четворица од обвинетите, Агим Исмаиловиќ, Фејзи Азири, Рами Сејди и Хаки Азири со полициски обезбедување беа донесени во Кривичниот суд. Судењето се снима визуелно и тонски со две камери. Судот донесе решение на двајцата обвинети Алил Демири и Африм Исмаиловиќ, кој се во бегство, да им се суди во отсуство. Законски застапник на семејствата на убиените е Дафинка Иванова. Сите обвинети својата одбрана ќе ја дадат на албански јазик, иако претходно, за време на истражната постапка, изјавиле дека го разбираат македонскиот јазик и својата одбрана ја дале на македонски јазик.
Адвокат на тројца од обвинетите е Насер Рауфи, освен на обвинетиот Рами Сејди, кого ќе го брани адвокатот Митко Солаков. Обвинителската Гордана Гешковска го прочита обвинителниот акт, според кој сите шестмина обвинети се товарат за тероризам, освен Хаки Азири, кој се товари за помагање. Според обвинението, обвинетите имале намера, со загрозување на животот и телото да создадат чуство на несигурност и страв кај граѓаните и на свиреп и подмолен начин лишиле од живот пет лица од македонска националност. Во обвинението, освен споменатите лица, се споменуваат и други непознати лица кои биле заедно со обвинетите. Како извршители на убиството се товарат Африм и Агим Исмаиловиќ и Алил Демири.
Во убиството коешто се случи на 12-ти април без причина беа убиени матурантите Кире Тричковски, Филип Славковски, Цветанчо Ацковски, Александар Наќевски и рибарот Борче Стефановски./крај/фф/ач
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Црна хроника
При претрес во Охрид пронајдена дрога, приведени две лица
![](https://makfax.com.mk/wp-content/uploads/2024/01/ohrid-ezero.jpg)
Двајца скопјани се приведени во Охрид откако кај нив била пронајдена дрога.
„На 06.07.2024 во 02.35 часот во СВР Охрид се лишени од слобода В.Н.(25) и А.Т.(22), двајцата од Скопје.
При преглед кај нив била пронајдена марихуана, а при претрес извршен по добиена судска наредба во камп приколка во Охрид, што ја користел А.Т., полициските службеници пронајдоа и одзедоа марихуана, грендер и други предмети со остатоци од марихуана“, информира МВР.
По целосно документирање на настанот, против нив ќе биде поднесена соодветна пријава.
Црна хроника
Претрес во Кочани: пронајдена дрога, приведен дилер
![](https://makfax.com.mk/wp-content/uploads/2022/11/privedeni-960x641.jpg)
26-годишен кочанчанец е приведен откако по претрес во неговиот дом е пронајдена дрога.
„На 05.07.2024 во 21.30 часот во Кочани, полициски службеници од ОВР Кочани го лишиле од слобода А.Ј.(26) од Кочани, затоа што при претрес во неговиот дом извршен со судска наредба кај него биле пронајдени и одземени марихуана, бела прашкаста материја и пари“, информираат од МВР.
По целосно расчистување на случајот против него ќе следува соодветен поднесок.
Црна хроника
Кривични против пет малолетници од Скопје за „разбојништво во обид“
![](https://makfax.com.mk/wp-content/uploads/2017/04/gradski-park.jpg)
СВР Скопје поднесе кривична пријава против пет малолетници од Скопје, поради постоење основи на сомнение за сторено кривично дело „разбојништво во обид“, извести МВР.
„На 28.02.2024 во Градскиот парк во Скопје, пријавените му побарале пари на Ф.П.А. и се обиделе насилно да му го одземат паричникот“, соопшти МВР.