Daily news
Флавоноидите од плодовите го спречуваат дебелеењето
Секојдневното консумирање околу 80 грама овошје и зеленчук богати со флавоноиди, кои се среќаваат во грозјето, јаболката, крушките, јагодите…, може да го спречат дебелеењето и да ја подобрат општата здравствена состојба на поединецот, тврдат американските и британските научници од универзитетите Харвард и Источна Англија.
Флавоноидите се фитохемикалии или растителни пигменти кои се наоѓаат во овошјето и зеленчукот, а присутни се и во некои видови чаеви, виното и во чоколадата. На научниците им се познати меѓу 4.000 и 5.000. Се однесуваат како антиоксиданси, бидејќи ги прифаќаат слободните радикали на кислородот кои може да ја оштетат ДНК-та. Едно од главните својства и функции на овие пигменти е да се апсорбираат во организмот, и потоа многу брзо да се излачуваат од телото придонесувајќи за детоксикација на ензимите во црниот дроб.
Покрај сите досега познати благотворни ефекти на флавоноидите врз организмот, американските и британските научници неодамна утврдиле дека овошјето и зеленчукот со високо ниво на овие фитохемикалии помага во одржувањето на стабилната телесна тежина, и тврдат дека половина шолја, или околу 80 грама од одредено овошје или зеленчук дневно, може да ја подобри општата здравствена состојба.
Со студијата се опфатени податоците за 124.086 мажи и жени во САД во текот на 24-годишен период. Утврдиле дека секојдневното консумирање и многу мали количества овошје и зеленчук богати со флавонодиди било поврзано со одржувањето на соодветна стабилна тежина, а кај поединци и со постепено губење на килограмите.
„Познато е дека повеќето луѓе со годините добиваат на телесната тежина, а дури и во најмалиот процент дебелината може значително да влијае на ризикот од појава на висок крвен притисок, развој на болести на срцето, рак или дијабетес, поради што на поединци мораме да им помогнеме во одржувањето на здрава телесна тежина во нивните средни години. Секојдневното консумирање на околу 80 грама храна богата со флавоноиди придонела за одржување на соодветна тежина кај жените и кај мажите во различни возрасти“, вели професорката Ејдин Кесиди од Медицинскиот факултет Норич при Универзитетот Источна Англија.
„Се знаеме дека исхраната богата со овошје и зеленчук има многу добри страни за здравјето, потсетува нутриционистката и портпаролка на Британското нутриционистичко здружение, Хелен Бонд, која истакнува дека резултатот од споменатото истражување покажува дека за тоа се заслужни флавоноидите.
„Од неодамна знаеме и дека флавоноидите влијаат врз одржувањето на стабилната тежина, така што во организмот го намалуваат нивото на мастите коишто организмот ги апсорбира од храната. Флавоноидите го забрзуваат метаболизмот и влијаат врз намалувањето на апетитот“, вели водителката на студијата, Моника Бертоан од Харвардската школа за јавно здравје.
Најмногу флавоноиди има во малини, боровинки, капини, јагоди, црни рибизли, грозје, цреши, ротквици, некои видови чаеви, какао, крушки, јаболка, како портокали и грејпфрут, кромид и пиперки./крај/мф/сн
Извор: BBC News
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Daily news
Награда за „Бизнисот на задоволството“ на фестивалот во САД, кој ги откри Спилберг и Џорџ Лукас
Долгометражниот филм „Бизнисот на задоволството“ на Гоце Цветaновски е добитник на наградата „Сребрено реми“ на „Хјустон интернешнал филм фестивал“ (WorldFest-Houston International Film Festival) во САД.
Овој значаен фестивал, кој постои цели 57 години е еден од најстарите во Америка и најстар во светот за независни филмови. Се гордее со тоа што во својата историја им ги доделил првите награди на легендарни режисери како што се Стивен Спилберг, Џорџ Лукас, Анг Ли, браќата Коен, Ридли Скот, Брајан де Палма, Оливер Стоун, Роберт Родригез, Спајк Ли, Дејвид Линч и уште многу други.
„Ова е голем успех. Да бидеш награден во конкуренција од над 4.000 филмови од 70 држави, е признание кое ја потврдува естетската вредност на филмот. Дефинитивно влеговме во убаво друштво, со оглед на тоа кој се’ е добитник на „Реми награда“ во историјата на фестивалот. И’ честитам на целата екипа којашто допринесе за меѓународниот успех на филмот и едвај чекам сите да се собереме повторно и во септември да го претставиме филмот пред македонската публика.“, рече режисерот Гоце Цветановски.
Наградата е деветта по ред на филмските фестивали во светот, а трета во САД, откако претходно „Бизнисот на задоволството“ го доби признанието за најдобар филм на „Риверсајд филм фестивал“ во Калифорнија и за највпечатлив филм во Седона, Аризона.
Улогите ги толкуваат Муса Исуфи, Слаѓана Вујошевиќ, Исмаил Касуми, Дамјан Цветановски, Осман Ахмети, Елени Декидис, Мендим Муртези, Егзона Салиху, Авни Далипи и Катерина Коцевска, а Цветановски го потпишува и сценариото. Продуценти на филмот се Дритон Рамадани, Богдан Јончевски и Гоце Цветановски.
Снимен е со поддршка на Агенцијата за филм.
Daily news
Прва правна конференција Tres Partes
На 26 декември година во хотелот „Континентал“, со почеток во 10 часот, ќе се одржи првата правна конференција Tres partes, во организација на „Јанаки знае“, а ќе биде поделена во три дела.
Првиот дел е со работен наслов „Дали е потребно укинување на извршителите?”, на кој ќе учествуваат Зоран Василевски, кој ќе ја застапува тезата ПРО укинување на извршителите, извршител Снежана Андреевска, која ќе ја застапува тезата КОНТРА укинување на извршителите и извршител и поранешен судија за извршување, Христо Јованов, кој ќе предава во делот на извршувањето пред да се укинат судиите извршители.
Вториот дел е со работен наслов „Дали се шаблонизира институтот надомест на нематеријална штета“, на која предавачи ќе бидат адвокатката Маруша Митровска, судијката Љубица Колиќ од Основен суд Скопје 2 и судијата Ѓорѓи Радојков од Апелациониот суд Скопје.
Третиот т.н. кривичен дел е со работен наслов „Неприменување на кривично-правните институти“, во кој предавачи ќе бидат адвокатот Јанаки Митровски, Никола Тупанчевски, редовен професор по казнено право при „Јустинијан Први“, Александра Деаноска, вонредна професорка по казнено право при „Јустинијан Први“, и Оља Ристова, судијка при Основниот суд Скопје 1.
Предвиден е и интерактивен дел со публиката преку поставување прашања и коментари од учесниците.
Daily news
Груевски оди во затвор – Апелација му ја потврди казната
Апелациониот суд Скопје, постапувајќи по кривичниот предмет познат во јавноста под името „Тенк“ по одржана јавна седница, донесе пресуда со која му ја потврди двегодишната затворска казна на премиерот Никола Груевски. „Жалбите на обвинетиот Никола Груевски изјавени лично и преку неговите бранители ги одби како неосновани, а првостепената пресуда ја потврди во целост, со што му ги потврди двете години затворска казна“, пишува во соопштението од судот.
Второстепениот суд делумно му ја уважи жалбата на Ѓоко Поповски и му ја намали казната на 4 години и 6 месеци, а во останатиот дел првостепената одлука ја потврди.
За Гордана Јанкулоска за „Тенк“ е издвоена во друга постапка и пресудата за неа, под обвинение дека ја злоупотребила службената положба и го натерала Поповски да го намести тендерот за „мерцедесот“ што го посакал Груевски, ќе биде изречена на 8 октомври.