Црна хроника
Во инцидентот во Прилеп се расчистувале сметки меѓу фудбалер и навивач
Лична нетрпеливост била причина за инцидентот што се случи во вторникот вечерта во Прилеп во болницата.
Еден од нападнатите во тепачката, Александар Стојанов од Струмица се јави во редакцијата на Макфакс за да раскаже што точно се случило и дека за среќа тој се извлекол од нападот без повреди.
Стојанов бил фудбалер во прилепскиот фудбалски клуб Корзо, кој игра во втора лига, а во Прилеп живеел и претходно додека играл за фудбалскиот клуб Победа.
Вечерта, додека седел во кафеана дошле 15-тина лица, меѓу кои и навивач на Победа, подготвени за тепачка, но Стојанов успеал да им избега.
За да го пријави случајот во полиција му требало лекарски извештај, па отишле во болница, заедно со сопственикот на клубот Корзо. Додека Стојанов и газдата на клубот биле во болница, се случил друг инцидент во кафеаната, Стојанов викнал други лица за да се пресметаат со оние кои се обиделе да го нападнат.
Но, после тепачката во кафеаната, навивачот заедно со неговата група отишле во болницата во Прилеп за да ги дорасчистат сметките.
Стојанов повторно се извлекол, додека сопственикот на клубот бил расечен со нож во пределот на лицето.
Фудбалерот, иако порано бил во добри односи со навивачот сепак, пред извесно време нивните односи се заладиле и воопшто не контактирале. /крај/фф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Уапсена жена во Гостивар, била фатена како краде во продавница
Вчера во 18.45 часот на улица „Светозар Пепоски“ во Гостивар, полициски службеници од ОВР Гостивар ја лишиле од слобода 50-годишната Г.И. од гостиварско Неготино.
„Таа била фатена при извршување кражба во продажен објект, по што се обидела да побегне, но била спречена и лишена од слобода“, соопшти МВР.
По целосно расчистување и документирање на случајот против неа ќе биде поднесена соодветна пријава.
Црна хроника
Претрес во Битола, приведен дилер
Вчера во 11.00 часот во Битола, полициски слушбеници од Одделението за криминалистичка полиција при СВР Битола го лишиле лицето 48-годишниот Г.Н. од Битола, извести МВР.
„При претрс во неговиот дом, извршен со судска наредба, биле пронајдени и одземени прашкаста материја, ампули апаурин и ампули диазепам“, велат од МВР.
Лицето било задржано во полициска станица и целосно документирање на случајот против него ќе биде поднесена соодветна пријава.
Црна хроника
Маж насилно изваден од својот дом и со убодни рани оставен кај Транспортниот центар во Скопје
Вчера во 07.40 часот во Полициската станица Аеродром, 34-годишниот К.Б. од Скопје пријавил дека на 24/25.04.2024 околу 01.30 часот, А.„Н“ со употреба на сила го извадил од неговиот дом и го внел во патничко возило кое го управувал К.„Н“, со уште едно лице совозач, извести МВР.
„Како што е пријавено, во возилото А.„Н“ му нанел неколку убодни рани со остар предмет и го однеле кај Транспортен центар во Скопје, каде што повторно му нанел повреда со остар предмет, по што физички го нападнале и го оставиле. Исто така, според пријавеното, тој не бил на преглед и не пријавил во полициска станица затоа што лицата му се заканиле“, соопшти МВР.
Се преземаат мерки за расчистување на случајот.