Црна хроника
Телото на момчето кое падна во провалија на планината Јакупица пренесено на Судска медицинa
Последните информации добиени од СВР Велес говорат дека телото на планинарот кој во саботата падна во провалија на планината Јакупица од скопската клиника е пренесено во Судска медицина.
Кога настанала смртта на планинарот чии идентитет сé уште е непознат, полиција не кажува. Со официјални информации според портпаролот Анита Стојковска СВР Велес ќе излезе во текот на денот.
Инаку полицијата за несреќата дознала во 14.30 минути кога очевидец на немилиот настан побарал помош. Неофицијално, планинари кои биле во непосредна близина се обиделе да помогнат, но непристапноста на теренот ги принудила да го сочекаат хеликоптерот на специјалната единица на МВР .
Телото било пронајдено и извлечено од провалија длабока околу 20 метри. Првичните информации беа дека планинарот е пренесен на Клиника во Скопје, додека некаде околу 20 часот и 30 минути полицијата информираше дека телото на планинарот е пренесено на Судска медицина.
Оваа несреќа на планината Јакупица е прва пое онаа од пред петнаесетина години кога четворица планинари на планинарското друштво „Македон„ загинаа кај месноста Марина дупка. Тогаш лавина ги затрупа искусните планинари.
Која е причината за оваа планинарска несреќа, СВР Велес најави повеќе информации по завршување на истрагата//крај/мф/ди
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Маж насилно изваден од својот дом и со убодни рани оставен кај Транспортниот центар во Скопје
Вчера во 07.40 часот во Полициската станица Аеродром, 34-годишниот К.Б. од Скопје пријавил дека на 24/25.04.2024 околу 01.30 часот, А.„Н“ со употреба на сила го извадил од неговиот дом и го внел во патничко возило кое го управувал К.„Н“, со уште едно лице совозач, извести МВР.
„Како што е пријавено, во возилото А.„Н“ му нанел неколку убодни рани со остар предмет и го однеле кај Транспортен центар во Скопје, каде што повторно му нанел повреда со остар предмет, по што физички го нападнале и го оставиле. Исто така, според пријавеното, тој не бил на преглед и не пријавил во полициска станица затоа што лицата му се заканиле“, соопшти МВР.
Се преземаат мерки за расчистување на случајот.
Црна хроника
Кривична против двајца штипјани, истепале полицаец
СВР Штип поднесе кривична пријава против 53-годишниот Д.Д. и 54-годишниот П.Д., двајцата од Штип, поради постоење основи на сомнение за сторено кривично дело „напад на службено лице при вршење работи на безбедноста“, извести МВР.
„На 22.02.2024, по претходна расправија околу сообраќајот, пријавените физички нападнале полициски службеник“, соопшти МВР.
Црна хроника
Тело на починат маж извадено од Вардар во Велес
Полициски службеници од СВР Велес, вчера во 8.30 часот, во водите на реката Вардар блиску до местото наречено „Јаниташ“, пронашле тело на починато машко лице.
Телото на починатиот било извадено од реката од полициски службеници од Одделот за специјални полициски операции при МВР, известуваат од СВР Велес.
Увид извршила увидна екипа од СВР Велес. По наредба на јавен обвинител, телото е дадено на обдукција.